N95 tipli maska

Adi maskalar koronavirusdan qoruyurmu, yaxud da N95 tipli maskalar niyə tapılmır?

1216
(Yenilənib 22:25 25.02.2020)
Uilyam Şaffner (William Schaffner) deyir ki, adi qrip və virus zamanı insanlar sadə maskalardan istifadə etslər də, bu gün dünyada tüğyan edən dəhşətli koronavirusla mübarizə və ondan qorunmada bu maskaların təsiri yoxdu

Nigar İsgəndərova, Sputnik Azərbaycan

BAKI, 25 fevral — Sputnik. "Maskalar qoruyurmu?" sualı son günlər nəinki Azərbaycanda, eləcə də bütün dünyada ən çox müzakirəyə səbəb olan mövzulardan biridir. Bir çox ekspertlər adi, sadə, nazik maskaların heç bir qoruyucu təsirə malik olmadığını deyir. Bu səbəbdən də virus təhlükəsi olan ölkələrdə respirator maskalara daha çox üstünlük verilir. N95/FFP3 beynəlxalq standartlı xüsusi maskalar virusdan qorunmaq üçün digərləri ilə müqayisədə daha faydalıdır. Tibb üzrə mütəxəssislər də bildirir ki, əməliyyat masalarında istifadə olunan, sadə maskalar virusdan qorumur. N95 tipli maskalar isə digərləri ilə müqayisədə daha qalın və etibarlıdır. Bu maskaların hazırlanması üçün hər il mütəxəssislər yeni biliklərə yiyələnir və kənardan havanın içəriyə, yaxud da içəridən çölə çıxmasının qarşısı alınır.

Vanderbilt Universitetinin Tibb Mərkəzinin infeksionisti, tanınmış alim Uilyam Şaffner (William Schaffner) deyir ki, adi qrip və virus zamanı insanlar sadə maskalardan istifadə etslər də, bu gün dünyada tüğyan edən dəhşətli koronavirusla mübarizə və ondan qorunmada bu maskaların təsiri yoxdur:

"Bu gün siz Çin və Yaponiya kimi ölkələrdə sadə maska taxan birini görə bilməzsiniz. Virusdan qorunmaq, onun geniş yayılmasının qarşısını almaq üçün adi qrip olan şəxslərə belə tövsiyə edərdim ki, xəstələr sadəcə olaraq adi maska ilə kifayətlənməsin, eyni zamanda da ictimai yerlərdən qaçmağa çalışsınlar. Xəstə olan şəxslər evdə olsalar, qapalı şəraitdə qalaraq müalicə alsalar, daha yaxşı olar".

Alim bu cür maskaların onlayn alışının da təhlükəli ola biləcəyini deyir.

Baş infeksionist Cəlal İsayev də Sputnik Azərbaycan-a açıqlamasında sadə maskaların kəskin virusla mübarizədə qoruyucu funksiya daşımadığını deyib:

"Hazırda satışda olan sadə maskalar 100 faiz qoruyuculuq təsirinə malik deyil. Çünki birqat maskalar daha zəif qoruyuculuq funksiyasına malikdir. Lakin bundan fərqli olaraq, təkmil maskalar da var ki, onlar ağız-burun nahiyəsini örtür. N95 respirator maskaların taxılması tövsiyə olunur. Lakin bu da olmayan yerdə birqat maskaların taxılması vacibdir. Çünki belə olan halda, heç olmasa, xəstə şəxsin ağzından qopan iri damcılar maskada ilişib qalacaq. Yaxud da xəstəlikdən qorunmaq üçün biz özümüz bu maskaları taxsaq, o zaman yoluxma ehtimalımız azalacaq. Maskadan imtina etməməliyik, əksinə, istifadə etmək məsləhətdir".

Bəs, maraqlıdır, Azərbaycanda N95 maskalar varmı?

Sputnik Azərbaycan bir neçə yerli apteklə əlaqə saxlayaraq bu sualı onlara ünvanlayıb. Apteklərin əksəriyyəti birmənalı olaraq, N95 tipli respirator maskaların onlarda olmadığını, buna qədər ümumiyyətlə belə maskaların satışının həyata keçirmədiklərini bildirib. Yalnız Heydər Əliyev sarayının arxasında yerləşən apteklərdən biri onlarda N95 tipli maskaların olduğunu qeyd edib.

İsayev də öz növbəsində bildirib ki, Azərbaycanda N95 tipli repirator maskaların satışı həyata keçirilir. Lakin həkim hazırda apteklərdə nəinki N95, eləcə də digər maskaların azaldığını, qiymətlərin isə qalxdığını qeyd edib.

Baş infeksionist virusdan qorunmaq üçün tez-tez əllərin yuyulması, spirtlənməsi, ictimai yerlərdən, sıxlıqdan uzaq olmağı tövsiyə edir. Bundan başqa, o, mənşəyi məlum olmayan su mənbələrindən istifadə etməməli, qidalanmağımıza fikir verməli, immuniteti artıracaq qidalara üstünlük verməli olduğumuzu deyib.

1216
 Distant təhsil, arxiv şəkli

"Virtual məktəb" platforması yenilik: Azərbaycan dilində fəaliyyət göstərəcək

1
(Yenilənib 17:40 28.10.2020)
"Noyabr ayının 2-dən etibarən "Virtual məktəb" platforması tam Azərbaycan dilində bir portal olacaq. Şagird və müəllimlər ana dilində bu platformadan daha rahat istifadə edə biləcəklər"

Zülfiyyə Quluyeva, Sputnik Azərbaycan

BAKI, 28 oktyabr — Sputnik. Noyabrın 2-dən etibarən "Virtual məktəb" platforması Azərbaycan dilində fəaliyyət göstərəcək. Bu məlumatı Sputnik Azərbaycan-a açıqlamasında Təhsil Nazirliyi yanında Təhsilin İnformasiyalaşdırılması İdarəsinin şöbə müdiri Fidan Nəcəfova verib. O bildirib ki, bu həftə həmin məsələ ictimaiyyətə elan ediləcək:

"Biz bununla bağlı hələ yayda açıqlama vermişdik ki, oktyabr ayında "Virtual məktəb" platformasının ana dilində istifadəsi mümkün olacaq. Qeyd edim ki, "Virtual məktəb" platformasından türk dilində istifadə mümkün idi. Amma rus dilində təhsil alan şagirdlər türk dili ilə bağlı müəyyən problem yaşayırdılar. Artıq noyabr ayının 2-dən etibarən "Virtual məktəb" platforması tam Azərbaycan dilində bir portal olacaq. Şagird və müəllimlər ana dilində bu platformadan daha rahat istifadə edə biləcəklər".

Xatırladaq ki, Təhsil Nazirliyinin Təhsil Sisteminin İnformasiyalaşdırılması İdarəsinin rəisi Vüsal Xanlarov brifinqlərin birində "Microsoft Teams" platformasının Azərbaycan dilinə tərcümə olunmasını diqqətə çatdırmışdı. O bildirmişdi ki, bununla bağlı "Microsoft Teams" şirkətinə müraciət edilib və artıq tərcümə prosesi gedir. Yay aylarında isə şirkət tərəfindən 30 min istifadəçiyə proqramdan istifadə qaydaları ilə bağlı təlim keçilib.

1
Əlaqədar
Nazirin açıqlaması ilə məhv olan ümidlər: onda bəs Virtual Məktəb nəyə gərək idi?
Birinci sinif üzrə də "Virtual Məktəb"də qeydiyyata başlanılıb
Uşaqlar virtual və real məktəb arasında seçim edirlər – SORĞU
Təki oxumağa istək olsun: "Virtual məktəb"ə direktorlar da nəzarət edəcək
Oljas Süleymenov, arxiv şəkli

Məşhur qazax yazıçısı Ermənistanın cinayətlərinə görə Minsk qrupunu qınadı

9
(Yenilənib 17:37 28.10.2020)
Oljas Süleymenov: "Beynəlxalq hüquqda da şəhərləri raket atəşinə tutmaq qadağandır. Ermənistan isə bu müddəanı kobud şəkildə pozur".

BAKI, 28 oktyabr — Sputnik. Qazaxıstanın tanınmış yazıçısı, ictimai xadim, diplomat, Azərbaycanın "Dostluq" və "Şöhrət" ordenləri ilə mükafatlandırılmış Oljas Süleymenov Azərbaycan xalqına müraciət edib.

Sputnik Azərbaycan xəbər verir ki, yazıçı bu tarixi günlərdə Azərbaycanın yanında olduğunu bildirib:

"Bu yaxınlarda Moskvadan gələn bir jurnalist mənimlə söhbət etdi. Sual verməzdən əvvəl qayıtdı ki, siz əlbəttə ki, Azərbaycanın tərəfindəsiniz. Dedim Azərbaycan futbol komandası deyil ki, onun tərəfdarı olum. Azərbaycan mənim doğma ölkəmdir, qardaş xalqdır. Bu böyük xalqın təəssübünü çəkirəmsə, bunu ürəkdən, səmimi qəlbdən çəkirəm. Vaxtilə, hələ sovet dövründə Bakıda, Gəncədə, Şuşada, Füzulidə gözəl günlərimiz olub. O vaxtlar oralara sərbəst gedib-gəlmək olurdu. İndi də orada baş verənlərdən xəbərim var. 30 ildir hamımız bu ağrı-acılarla yaşayırıq. 80-ci illərin sonu, 90-cı illərin əvvəlindən başlayan faciələr hamımızı kədərləndirir. Qara Yanvar günlərində də orada olmuşdum".

O.Süleymenovun fikrincə, bu gün baş verənlər ATƏT-in Minsk qrupunun səriştəsizliyinin nəticəsidir: "Əfsuslar olsun ki, bu 30 il ərzində onlar heç bir iş görmədilər. Ona görə də Azərbaycan məcbur olub özü torpaqlarını azad etməyə başladı. Gəncəyə raket atıldığını eşidəndə, sözsüz ki, çox narahat oldum. Bu, qəti qadağan olunan hücumdur, xalis təxribat əməlidir. Beynəlxalq hüquqda da şəhərləri raket atəşinə tutmaq qadağandır. Ermənistan isə bu müddəanı kobud şəkildə pozur".

Daha sonra qazaxıstanlı yazıçı qeyd edib:

"Ümidvaram ki, 30 ildir işğal altında olan torpaqlar azad olunacaq. Həmçinin Minsk qrupunun da Azərbaycanın öz torpaqları uğrundakı bu mübarizəsinə, öz gücü ilə azad etməsinə layiqincə qiymət verəcəyinə inanıram. Doğma Azərbaycana uğurlar, torpaqlarına əmin-amanlıq arzulayıram. Azərbaycan xalqına sevgimi, rəğbətimi bildirir, sülh və əmin-amanlıq, işıqlı günlər diləyirəm".

9
Əlaqədar
Oljas Süleymenov Stalinin saxtakarlığından danışır
Oljas Süleymenov: "Bakının haqqını vermək lazımdır"