Lentlərlə rəsm əsərləri yaradan Olqa İbrahimovanın əl işi

İpəkdən xarüqələr yaradan qadın - Azərbaycanın gəlini rəsm əsərlərinə yeni nəfəs verir

875
(Yenilənib 14:34 15.02.2020)
Həmsöhbətimiz ilk görünüşdən qobelen üslubunu xatırladan bu üsulla çox fərqli və bənzərsiz nümunələr yaradır.

Nigar İsgəndərova, Sputnik Azərbaycan

BAKI, 16 fevral — Sputnik. Həyat yoldaşı azərbaycanlı olan Olqa İbrahimova Azərbaycanda doğulmayıb. Amma artıq 34 ildir ki, Azərbaycanda yaşayır. Onların 3 övladı var. Olqa xanımın həyat yoldaşı kitab biznesi ilə məşğuldur.

O.İbrahimova burada həm pedaqoq kimi çalışır, həm də boş vaxtlarında lentlərlə rəsm əsərlərinə yeni bir nəfəs verir. Həmsöhbətimiz ilk görünüşdən qobelen üslubunu xatırladan bu üsulla çox fərqli və bənzərsiz nümunələr yaradır.

O.İbrahimova bu işin incəlikləri haqda Sputnik Azərbaycan-a danışır: "58 yaşım var, rus dili və ədəbiyyatı fənnini tədris edirəm. Bu işə gəldikdə isə hər zaman incəsənətə böyük marağım olub. Artıq 5 ildir ki, içimdə olan istəkləri izhar etməyə çalışıram".

© Sputnik / Nigar Iskanderova
Lentlərlə rəsm əsərləri yaradan Olqa İbrahimovanın əl işləri

Olqa xanım hələlik bu əl işlərindən heç bir gəlir əldə etmədiyini vurğulayır: "Düzdür, hərdən hədiyyəlik sifarişlərim olur. Amma ümumi olaraq, demək olar ki, bu işlərdən heç bir gəlir əldə etmirəm. Buna baxmayaraq, yəni alıcılığın olmaması işimə olan sevgimi azaltmır, ruhumu öldürmür. Bu iş mənim hobbimdir, ona ürəyimi qoyuram".

"Özüm üçün maraqlı, rəngarəng müxtəlif əl işlərinin rəsmini çıxararaq üzərində lentlərlə işləmələr edirəm. İpəkdən olan bu lentləri isə Rusiyadan, ya da Ukraynadan alıram. Çünki 2-3 millimetrlik ipəkdən olan bu lentlərdən Bakıda yoxdur. Bu materialların əldə olunması üçün xeyli vəsait xərcləyirəm", - deyə O.İbrahimova əlavə edir.

© Sputnik / Nigar Iskanderova
Lentlərlə rəsm əsərləri yaradan Olqa İbrahimovanın əl işi

Onun sözlərinə görə, bir işin ərsəyə gəlməsi üçün 2 həftəyədək zaman sərf edir: "Xammal olaraq mənə 50 manata başa gələn bu işləri hazırlandıqdan sonra təxminən 100 manata satışa qoyuram".

Bu işi özünün internetdən öyrəndiyini deyən Olqa xanım biliyini, işini daha da təkmilləşdirmək üçün axtarışlarını davam etdirir.

Uzun illər öncə Azərbaycana gəlin köçən Olqa xanım yaşadığı ölkənin dilini bilməsə də, burada ona heç vaxt pis, yad münasibətin olmadığını söyləyir.

875
COVID-19 virusundan ölən şəxs

Bu aralar QİÇS-dən ölənlərin sayı kəskin arta bilər

6
(Yenilənib 00:13 03.12.2020)
BMT xəbərdarlıq edib ki, COVID-19 pandemiyası ilə əlaqədar olaraq QİÇS-dən ölənlərin sayı 150 minə qədər artıra bilər.

BAKI, 3 dekabr — Sputnik. BMT-nin QİÇS-lə bağlı ortaq proqramı olan UNAİDS-in hesabatına görə, COVID-19 pandemiyası 2022-ci ilədək, yəni təkcə növbəti ildə 300 minə yaxın yeni QİÇS yoluxmasına, eyni zamanda da 150 minədək QİÇS-dən ölümə səbəb olacaq.

Sputnik Azərbaycan-ın Türkiyə mediasına istinadən xəbərinə görə, yaranacaq vəziyyətin qarşısının alınması, ölümlərin sayının azalması, eləcə də QİÇS-lə mübarizə məsələsində ölkələr yeni hədəflər müəyyənləşdirməlidirlər.

Qeyd edək ki, hazırda dünyada 38 milyon insan QİÇS-lə yaşayır, onlardan 12 milyonu müalicəsini gözləyir. Statistikaya görə, təkcə ötən il 1,7 milyon şəxsdə ilk dəfə olaraq QİÇS aşkarlanıb.

6
Teqlər:
Koronavirus, epidemiya, COVID-19, Respublika QİÇS-lə Mübarizə Mərkəzi, QİÇS virusu, QİÇS, BMT
Haluk Levent

Müğənni koronavirusa görə işsiz qalanlar üçün xeyriyyə aksiyası keçirəcək

7
(Yenilənib 00:07 03.12.2020)
Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.

BAKI, 3 dekabr — Sputnik. Türkiyəli müğənni Haluk Levent növbəti xeyriyyə işi ilə gündəmə gəlib.

Sputnik Azərbaycan xəbər verir ki, Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.

O, 20 min ailəyə qida paketləri paylayacağını söz verib. Qeyd edək ki, Haluk Levent AHBAP adlı (Anadolu Halk ve Barış Platformu) xeyriyyə təşkilatının lideridir.

Müğənni olmaqla yanaşı, yardıma ehtiyacı olan insanlara kömək kampaniyaları ilə də məşhurdur. O, hətta ötən il Azərbaycanda xərçəng xəstəliyindən əziyyət çəkən Surə Nadirovanın müalicəsi üçün xeyriyyə konserti təşkil etmişdi.

Sənətçi bundan başqa, ötən ay İzmirdə baş verən zəlzələ nəticəsində sahibsiz qalan və yaralanan heyvanlara da yardım edib.

7