Xalis Cəlilovun əsəri

Unikal azərbaycanlı: Oxumuş mühəndis, oxumamış rəssam

705
(Yenilənib 13:53 17.02.2020)
Xalis Cəlilov: “Barelyefi xəyalımda canladırır, daha sonra həmin obrazın sujet və xarakterinin vəhdətini tabloya və yaxud divara köçürürəm"

Nigar İsgəndərova, Sputnik Azərbaycan

BAKI, 16 fevral — Sputnik. Sənətkar olmaq üçün bəzən ali təhsil almağa belə ehtiyac olmur. Bir-birindən fərqli barelyeflərin müəllifi olan 1980-cı il təvəllüdlü Xalis Cəlilov “Neft-Qaz” mühəndisliyi ixtisasını bitirib. O, 10 ildən artıqdır ki, tikinti və planlaşdırma üzrə aparıcı mühəndis kimi fəaliyyət göstərir. İşdən sonra, asudə vaxtlarında əlini boyaya bulayır, desək yanılmarıq. Rəngkarlıq, rəssamlıq, bir sözlə, çəkib yaratmaq onun əsas hobbisi, məşğuliyyətidir. 

Sputnik Azərbaycan-a verdiyi müsahibədə o, ixtisası ilə hazırda gördüyü iş arasında bir əlaqə də tapa bilib. Yəni tikinti və planlaşdırma üzrə mühəndis kimi müxtəlif layihələrin işlənməsi zamanı əldə etdiyi təcrübələr, həvəskar rəssam kimi fəaliyyətinə müsbət töhfə verib: “Uşaq vaxtlarından rəsmə, incəsənətə böyük marağım var idi. Sonradan yaşa dolduqca dərk etdim ki, rənglərlə işləmək, onlar arasında qarşılıqlı əlaqəni, eyni  zamanda da harmoniyanı üzə çıxarmaq üçün daha çox çalışmalı və öz üsulubumu müəyyənləşdirməliyəm. Rəssamlıqla bağlı hər hansı professional məktəb və kurslarda iştirak etməsəm də, mütəmadi olaraq müxtəlif tanınmış rəssamlarının əsərləri ilə tanış oluram. Çalışıram ki, onlardan müəyyən qədər bəhrələnim. Fikrimcə, bu tanışlıq mənə sənətdə hər zaman düzgün istiqamət tapmağımda faydalı olacaq”.  

© Sputnik / Nigar Iskanderova
Xalis Cəlilovun əsərləri

Onun üçün uğura gedən yol səbr, yuxusuz gecələr, əmək və mütaliədən keçir: “İstəyərəm ki, gələcəkdə məni öz əl işlərimlə tanısınlar. Hazırda fərdi yaradıcılığımı davam etdirirəm. Eyni zamanda Azərbaycan Respublikası Rəssamlar İttifaqına üzvülüyü ilə bağlı tələb olunan sənədləri hazırlayıb İttifaqa təqdim etmişəm. Düşünürəm ki, İttifaqa üzv qəbul olmağım müxtəlif yaş həddində olan rəssamlarla tanışlığıma və onlarla təcrübə mübadiləsi aparmağıma şərait yaradacaq”.

6 ildir ki, əsasən barelyef üslubunda çalışan sənətkar əsərlərini peşəkar rəssamlara göstərərək onların rəyini də öyrənir. Artıq bir neçə rəssam ona nöqsanlarını göstərərək öz tövsiyələrini veriblər.

"Rəssamlıq sənəti çox incə, maraq doğuran, insan ruhunu oxşayan gözəl sənət növüdür. Bu səbəbdən irili-xırdalı hər bir işə həssas və məsuliyyətlə yanaşmağa çalışıram. Düşünürəm ki, bu cür yanaşma rəssamın xəyal dünyası, qəlbinin istəyini rənglərin dili ilə büruzə verməsinə köməklik edir”, - deyə Cəlilov bildirib. 
  • Xalis Cəlilovun əsərləri
    © Sputnik / Nigar Iskanderova
  • Xalis Cəlilovun əsərləri
    © Sputnik / Nigar Iskanderova
  • Xalis Cəlilovun əsərləri
    © Sputnik / Nigar Iskanderova
1 / 3
© Sputnik / Nigar Iskanderova
Xalis Cəlilovun əsərləri

Sənətkar deyir ki, bir bareleyefin ərsəyə gəlməsi və ideyasını öncə xəyalında cızır. Daha sonra isə bunu bir eskiz halında ərsəyə gətirir: “Barelyefi xəyalımda canladırır, daha sonra həmin obrazın sujet və xarakterinin vəhdətini tabloya və yaxud divara köçürürəm. Ümumiyyətlə, bir işə başlamazdan öncə işlənəcək şəkillə bağlı olaraq “AutoCad” proqramında cədvəl qururam. Beləcə, divarda və yaxud pannoda qurulan cədvəlin eskizini hazırlayıram. Hazırlayacağım barelyef həcmlidirsə, bu zaman ilkin olaraq onun qabaritli təsvirlərinin alınması üçün səth üzərində xüsusi metal tordan istifadə edirəm. Növbəti mərhələdə isə keroplast, dekorativ gips, heykəltəraşlıq üçün nəzərdə tutulan plastilin, qoruyucu təbəqə yaratmaq üçün lak, müxtəlif boyalardan istifadə edirəm".

© Sputnik / Nigar Iskanderova
Xalis Cəfərovun əsəri

Cəlilov bu günədək barelyeflə yanaşı həm də həvəskar rəssam kimi yağlı boyada özünü sınayıb: “Barelyef üslubunda 14 iri həcmli əsərim var. Hazırda isə digər 3 əsər üzərində işlərim tamamlanmaq üzrədir. Tablolarla yanaşı, həcmindən asılı olaraq daxili divar və xarici fasad üzərində də  müxtəlif işlər hazırlamışam”.

Xalis Cəlilov 50-dən artıq portretin müəllifidir. O, barelyeflərlə yanaşı, portretlər üçün də sifarişlər qəbul edir. Lakin hələlik sifariş əsasında hazırlamadığı barelyefləri satmağı düşünmür. Bunun səbəbi isə barelyef üslubunda olan əsərlərinə çox əmək və vaxt sərf etməsidir. 

705
Kino lenti, arxiv şəkli

"Kinematoqrafiya uğurlarına görə" beynəlxalq mükafatına kim layiq görüldü?

14
(Yenilənib 23:58 01.12.2020)
Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər.

BAKI, 1 dekabr — Sputnik. "Narimanfilm" kinostudiyasının direktoru, Azərbaycan Respublikası Əməkdar mədəniyyət işçisi Nəriman Məmmədov 2020-ci il noyabrın 27-də 13-cü Global Film Festival Noida və "MARWAН STUDIOS" (Hindistan) tərəfindən kinematoqrafiyanın irəliləyişi işində göstərdiyi əməyinə görə "Kinematoqrafiya uğurlarına görə" beynəlxalq mükafatı ilə təltif olunub.

Sputnik Azərbaycan-ın məlumatına görə, 13-cü Global Film Festival Noida 2020-ci il noyabr ayının 26-28 tarixlərində Hindistanda, Noida şəhərində yerləşən "MARWAН STUDIOS"-da keçirilmişdir. Bu, tələbələr, entuziastlar və kino professionalları daxil olmaqla, bütün dünya kinematoqrafiya cəmiyyəti ilə birlikdə kinonun gücünü tərənnüm edən ən böyük və tanınmış festivallardan biridir. Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər. Festivalın prezidenti məşhur Hindistan rejissoru, prodüseri, jurnalisti, həmçinin, Asiya Kino və Televiziyası Akademiyasının təsisçisi və prezidenti cənab Sandip Marvadır.

14
Teqlər:
tələbələr, rejissor, Hindistan, prodüser, mükafat
Quşlar

Quş qripi ilə bağlı epizootoloji monitorinqlər keçirilib

7
(Yenilənib 23:48 01.12.2020)
Monitorinqlər zamanı çöl quşlarından götürülmüş patoloji materiallar və ev quşlarından alınan diaqnostik nümunələr AQTİ-nin Mərkəzi Baytarlıq Laboratoriyasında müayinə olunub.

BAKI, 1 dekabr — Sputnik. Respublika ərazisini yüksək patogen quş qripi xəstəliyindən qorumaq məqsədilə mövsümü epizootoloji monitorinqlərə başlanılıb. İlk monitorinq 2-6 noyabr 2020-ci il tarixlərində Azərbaycan Respublikası Qida Təhlükəsizliyi Agentliyi, Azərbaycan Respublikası Ekologiya və Təbii Sərvətlər Nazirliyi, Azərbaycan Respublikası Kənd Təsərrüfatı Nazirliyi yanında Aqrar Xidmətlər Agentliyinin və Azərbaycan Qida Təhlükəsizliyi İnstitutunun nəzdində fəaliyyət göstərən laboratoriyaların əməkdaşlarının iştirakı ilə keçirilib. Agentlikdən Sputnik Azərbaycan-a verilən məlumata görə, çöl quşları arasında monitorinqlər Abşeron yarmadasını, Şirvan Milli Parklarının ərazisini, Ağzıbir ovçuluq təsərrüfatını və Qızılağac Milli Parkı ilə yanaşı, su-bataqlıq ərazilərini, eləcə də respublikamızın dənizsahili zonalarını əhatə edib. Eyni zamanda, Bakı şəhərindəki, Abşeron, Şabran, Salyan və Lənkəran rayonlarındakı ailə təsərrüfatlarında müxtəlif növ quşdan, o cümlədən Bakı və Sumqayıt şəhərlərindəki, Abşeron, Salyan, Neftçala, Sabirabad, Lənkəran, Cəlilabad, Xızı və Siyəzən rayonlarında yerləşən sənaye əsaslı iri və kiçik həcmli quşçuluq müəssisələrində ev quşundan diaqnostik materiallar götürülərək laboratoriya müayinələrinə cəlb edilib.

Monitorinqlər zamanı çöl quşlarından götürülmüş patoloji materiallar və ev quşlarından alınan diaqnostik nümunələr AQTİ-nin Mərkəzi Baytarlıq Laboratoriyasında müayinə olunub. Müayinə zamanı yüksək patogen quş qripi xəstəliyinin törədicisi aşkar edilməyib.

Qeyd edək ki, keçirilən monitorinqlər çərçivəsində xəstəlik əlamətləri müşahidə edilən quşlara və ya quş cəsədinə rast gəlinməyib.

7