Çində epdimioloji vəziyyət

Koronavirusun bu yolla yayıla biləcəyini heç kim gözləmirdi

115
(Yenilənib 17:52 10.02.2020)
Gündəlik statistika Hubey istisna olmaqla, Çin Xalq Respublikasının bölgələrində müsbət dinamikanı göstərir.

BAKI, 10 fevral — Sputnik. Mütəxəssislər Çində yayılan koronavirus "2019-nCov"un yeni yayılma yolunu aşkarlayıb. Onlardan biri də diarreya yoludur. Bu barədə Sputnik Azərbaycan "Science Alert" nəşrinə istinadən xəbər verir.

Yeni virus əsasən hava-damcı yolu ilə, yəni öskürəklə, həmçinin səthin çirklənməsi yolu ilə yayılır. Mütəxəssislər vurğulayıb ki, bu nəticə respirator simptomları əsasında əldə olunub, onlar qeyd edirlər ki, infeksiya mədə bağırsaq traktının pozulmasına da səbəb olur.

Qeyd edək ki, Çinin Hubey əyalətindən başqa bütün regionlarda ardıcıl olaraq altıncı gün koronavirusa yoluxma hallarının sayı azalır

Gündəlik statistika Hubey istisna olmaqla, Çinin bölgələrində müsbət dinamikanı göstərir. Belə ki, fevralın 3-nə olan məlumata görə, bütün ölkədə 3 235 yoluxma halı aşkar edilib. Onlardan 890-ı Hubey xaricində qeydə alınıb. Fevralın 4-də isə bu rəqəmlər müvafiq olaraq 3 887 və 731, fevralın 5-də 3 694 və 707, fevralın 6-da 3 143 və 696, fevralın 7-də 3 399 və 558, fevralın 8-də 2 656 və 509, fevralın 9-da 3 062 və 444 olub.

Çinli həkimlərin sözlərinə görə, müsbət dinamika xəstəliyin yayılmasının qarşısını almaq üçün hər yerdə həyata keçirilmiş ciddi profilaktika və nəzarət tədbirlərinin effektivliyini göstərir.

Çin hökuməti 2019-cu il dekabrın 31-də Ümumdünya Səhiyyə Təşkilatını (ÜST) Hubey əyalətinin Uhan şəhərində naməlum sətəlcəm xəstəliyinin yayılması barədə məlumatlandırıb. Mütəxəssislər xəstəliyin törədicisinin "2019-nCoV" koronavirusu olduğunu müəyyən ediblər.

Hazırda Çində 908 nəfər, o cümlədən iki əcnəbi bu xəstəlikdən vəfat edib. Təsdiqlənmiş yoluxma hallarının sayı 40,1 min nəfəri keçib.

115
“Keşikçidağ”da Keşikçi qala” sərhəd zastavası kompleksi istifa­dəyə verilib

Bu gün "Keşikçidağ" istiqamətində təxribat törədiləcək?

4
DSX: “Keşik­çidağ” ərazisində bir qrup Gürcüstan vətəndaşının dövlət sərhədini pozmaqla təxribat törədəcəyi barədə məlumat­lar əldə olunub

BAKI, 4 iyun - Sputnik. İyun ayının 4-də Azərbaycan-Gürcüstan dövlət sərhədində “Keşik­çidağ” Dövlət Tarix-Mədəniyyət Qoruğunun ərazisində bir qrup Gürcüstan vətəndaşı  tərəfindən dövlət sərhədini pozmaqla təxribat xarakterli hərəkətlərin törədiləcəyi barədə məlumat­lar əldə olunub. Əldə olunmuş məlumatlar barədə Gürcüstanın Sərhəd Mühafizəsi rəsmi qaydada məlumatlandırılıb.

Sputnik Azərbaycan xəbər verir ki, bu barədə Dövlət Sərhəd Xidmətinin Mətbuat Mərkəzinin yaydığı məlumatda qeyd edilir.

Məlumata görə, Dövlət Sərhəd Xidməti bununla əlaqədar rəsmi olaraq bildirir ki, dövlət sərhədində istənilən təxribatın qarşısı qətiyyətlə alınacaq və bu zaman baş verə biləcək fəsadlara görə təxribatın təşkilatçıları məsuliyyət daşıyacaqlar.

4
 Meyitxana, arxiv şəkli

Parlamentin sabiq spikeri öldü

14
(Yenilənib 23:55 03.06.2020)
Daha sonra o, 2010-cu ilə qədər Ermənistanın Ukraynadakı, 2017-ci ilə qədər isə Belarusdakı səfiri olub.

BAKI, 3 iyun — Sputnik. Ermənistan Parlamentinin sabiq sədri Armen Xaçatryan vəfat edib. Sputnik Ermənistan xəbər verir ki, 63 yaşlı sabiq spiker davam edən ağır xəstəlikdən vəfat edib.

Qeyd edək ki, Xaçatryan 1999-2003-cü illərdə Ermənistan Parlamentinin spikeri olub. Daha sonra o, 2010-cu ilə qədər Ermənistanın Ukraynadakı, 2017-ci ilə qədər isə Belarusdakı səfiri olub.

14