Məktəbdə boş partalar, arxiv şəkli

Dövlət başçısının qəzəbinə tuş gələn təhsil müəssisələri məlum oldu - SİYAHI

1413
(Yenilənib 18:57 13.01.2020)
Xırdalanda 2 nömrəli məktəbdə layihə üzrə 1300 şagird təhsil almalı olduğu halda faktiki 5327 şagird təhsil alır.

Zülfiyyə Quluyeva, Sputnik Azərbaycan

BAKI, 13 yanvar — Sputnik. Prezident İlham Əliyev Dövlət Şəhərsalma və Arxitektura Komitəsinin sədri Anar Quliyevi qəbul edərkən Abşeronda üç növbədə fəaliyyət göstərən məktəblərin olduğunu söyləyib. Prezident bildirib ki, xüsusilə Abşeron rayonunda məktəblə bağlı böyük problemlər var. Sputnik Azərbaycan Abşeron rayonunda şagird sıxlığı olan üç növbəli məktəblərlə bağlı araşdırma aparıb. Məlum olub ki, Abşeron rayonunda 11 məktəb üç növbəli fəaliyyət göstərir. Bu barədə Sputnik Azərbaycan-a Abşeron Rayon Təhsil Şöbəsindən məlumat verilib.

O bildirib ki, bunlar Xırdalan, Qobu, Mehdiabad, Ceyranbatan, Məmmədli, Pirəkəşkül ərasizindəki məktəblərdir. Onun sözlərinə görə, Xırdalanda 2 nömrəli məktəbdə layihə üzrə 1300 şagird təhsil almalı olduğu halda faktiki 5327 şagird təhsil alır: "Xırdalan şəhərində 1176 şagird tutumu olan 3 nömrəli məktəbdə 2019 şagird 3 növbədə təhsil alır. 3 növbədə işləyən Xırdalan şəhər məktəblərindən 6 nömrəli məktəbdə layihə üzrə 420 şagird təhsil almalı olduğu halda 1174, 7 nömrəli 440 şagird yerlik məktəbdə 1780, 8 nömrəlidə 240 şagird yerlik məktəbdə 782, 9 nömrəli məktəbdə isə 1296 şagird təhsil almalı olduğu halda 3403 şagird faktiki təhsil alır. Qobudakı 3 nömrəli 220 şagird tutumlu məktəbdə isə hazırda 1388 şagird üç növbədə təhsil alır. Üç növbədə fəaliyyət göstərən Mehdiabad 1 nömrəli 750 şagird yerlik məktəbdə 1560, Ceyranbatan 240 şagird tutumlu 2 nömrəli məktəbdə 853, Məmmədli 960 şagird yerlik kənd orta məktəbində 2359, Pirəkəşkül 220 yerlik tam orta məktəbdə 480 şagird təhsil alır".

1413
Biznes  ledi

İllərin sənətçisi yeni biznesə başlayıb

11
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

11
DİN əməkdaşları Suqovşanda, arxiv şəkli

"Euronews" Suqovuşan kəndindən reportaj hazırlayıb

11
(Yenilənib 23:25 04.12.2020)
"Qarabağın göz yaşı və sevinci" adlanan reportajda yenidən kəndinə qayıdan Xaliq Hümbətov danışıb. O, Suqovuşanı 14 yaşında tərk etdiyini və gedərkən ermənilər tərəfindən atlarının əllərindən alındığını deyib

BAKI, 4 dekabr — Sputnik. "Euronews" bu dəfə işğaldan azad edilmiş Suqovuşan kəndindən reportaj hazırlayıb.

Sputnik Azərbaycan xəbər verir ki, "Qarabağın göz yaşı və sevinci" adlanan reportajda yenidən kəndinə qayıdan Xaliq Hümbətov danışıb.

O, Suqovuşanı 14 yaşında tərk etdiyini və gedərkən ermənilər tərəfindən atlarının əllərindən alındığını deyib.

Qeyd edək ki, Azərbaycan Ordusu Suqovuşanı 3 oktyabrda işğaldan azad edib.

11