Zibillikdən 33 min manat tapıldı

CC0 / nikofendi / garbageMəişət tullantıları qutuları, arxiv şəkli
Məişət tullantıları qutuları, arxiv şəkli - Sputnik Azərbaycan
Abunə olmaq
Polis əməkdaşları deyiblər ki, noyabrda tullantıların toplanılması və emalı mərkəzinin işçiləri onlarla əlaqə saxlayıblar və karton qutuda "qeyri-adi bir şey" tapdıqlarını deyiblər

BAKI, 29 dekabr — Sputnik. İngiltərənin Midsomer Norton şəhərində yaşayan cütlük səhvən içində 15 min funt sterlinq (təxminən 33 350 manat) olan qutunu zibil qutusuna atıb.

Sputnik Azərbaycan Somerset və Eyvon qraflığı polisinin rəsmi "Facebook" səhifəsinə istinadən xəbər verir ki, qutu tullantıların toplanılması və emalı mərkəzində tapılıb və oranın işçiləri tapıntını geri qaytarıblar.

Фонд редких книг Президентской библиотеки Азербайджанской Республики - Sputnik Azərbaycan
CƏMİYYƏT
Heç kim xəzinə xilaskarı olmaq istəmir - iyirmi il kim oxuyar?

Polis əməkdaşları deyiblər ki, noyabrda tullantıların toplanılması və emalı mərkəzinin işçiləri onlarla əlaqə saxlayıblar və karton qutuda "qeyri-adi bir şey" tapdıqlarını deyiblər. Mərkəzdəki müşahidə kameraları ilə çəkilmiş videogörüntülərin köməyi ilə qutunu zibilliyə gətirmiş avtomobili tapmaq mümkün olub, bundan sonra isə polis onun sahibini müəyyənləşdirib.

Qutunu zibilliyə atmış cütlük deyib ki, onlar pulunu tez-tez "qeyri-adi yerlərdə" gizlədən mərhum qohumlarının evini təmizləyirmişlər. Onlar 15 min funt sterlinqi atdıqlarını öyrənəndə təəccübləniblər.

Yerli polis tullantıların toplanılması və emalı mərkəzinin işçilərinə təşəkkürünü bildirib.

Xəbər lenti
0