Həzi Aslanov-2 stansiyasının tikintisi

Xeyrini "Elmlər Akademiyası"nda görəcəklər, zülmü "Həzi Aslanov"dakılar çəkir

1287
Yaxınlıqda yaşayan sakinlər iddia edir ki, tikintiyə 15 ildir ki, başlanılıb. Ancaq ortada heç nə yoxdur

İradə Cəlilova, Sputnik Azərbaycan

BAKI, 8 dekabr — Sputnik. Bir sıra kütləvi informasiya vasitələrində yayılmış məlumatlarda yanlış olaraq, Bakı metropoliteninin "Həzi Aslanov" stansiyasının əsaslı təmir məqsədilə sərnişinlərin giriş-çıxışına bağlanacağı bildirilir.

"Bakı Metropoliteni" QSC-nin Mətbuat Xidmətinin rəhbəri Bəxtiyar Məmmədov bildirib ki, yayılmış məlumat həqiqəti əks etdirmir və Səhmdar Cəmiyyətin sədr müavini Hidayət Məmmədov heç bir kütləvi informasiya vasitəsinə bununla bağlı açıqlama verməyib, eyni zamanda, məsələ ilə bağlı müəssisənin mətbuat xidməti və ictimaiyyətlə əlaqələr şöbəsinə müraciət olunmayıb.

Lakin iş ondadır ki, "Həzi Aslanov" stansiyası ilə bağlı problem təkcə bu deyil. Belə ki, bir müddət əvvəl metorunun Həzi Aslanov stansiyası yaxınlığında Həzi Aslanov-2 stansiyasının şaxtasının tikintisinə başlanılıb. Ərazi dəmir lövhələrlə əhatəyə alınıb. Aradan illər keçsə də, stansiyanın tikinti işləri yekunlaşdırıla bilməyib.

Hətta yaxınlıqda yaşayan sakinlər iddia edir ki, tikintiyə 15 ildir ki, başlanılıb. Ancaq ortada heç nə yoxdur. Nəqliyyatın üzünə bağlanmış bu ərazi ətrafda piyadaar da daxil hər kəs üçün ciddi problemlər yaşadır. Yeni çoxmərtəbəli binaların qarşısındakı eybəcər görüntü isə başqa bir söhbətin mövzusudur. 

© Sputnik / Irade JELIL
Həzi Aslanov-2 stansiyasının tikintisi

Böyük dəmir lövhələrlə əhatələnmiş ərazi və ortada omayan bir iş...

"Bakı Metropoliteni" QSC-nin Mətbuat xidməti və ictimaiyyətlə əlaqələr şöbəsinin rəhbər Bəxtiyar Məmmədov Sputnik Azərbaycan-a açıqlamasında bildiib ki, "Həzi Aslanov-2" konseptual inkişaf sxeminin prioritet vəzifləri sırasındadır. Bu məsəslələr arasında "Həzi Aslanov-2" stansiyası tək deyil, bu bir kompleks şəklindədir.

© Sputnik / Irade JELIL
Həzi Aslanov-2 stansiyasının tikintisi

"Bizim ən ağır məsələmiz xətlərin ayrılmasıdır. "Həzi Aslanov-2" stansiyasının tikilməsi xətlərin ayrılması layihəsinin tərkib hissəsidir. Bununla bağlı artıq bir neçə ildir ki, tikinti işləri aparılır. Bu təkcə bizim konseptual inkişaf sxemində deyil, eyni zamanda Bakının Baş Planında da yer alıb. 2027-ci ilə qədər olan işlər çərçivəsində bizim xətlərinn ayrılması məsələsi də yer alıb. Bunun üçün müəyyən şərtlər var. Bura xəttlərin ayrılması üçün lazım olan stansiyaların inşaası da daxildir" - Bəxtiyar Məmmədov bildirib.

Onun sözlərinə görə, "Şah İsmayıl Xətai"dən sonra 4 stansiya o, cümlədən şərti olaraq, "Həzi Aslanov-2" adlandırılan stansiya, eyni zamanda "Dərnəgül" stansiyasından sonra 3 stansiyanın tikilməsi nəzərdə tutulub.

Bu stansiyalar tikildikdən sonra xəttlərin ayrılması və qatarların, bir yoldan digər yola dönməsi də təmin edilməlidir. Stansiyalar inşa edildikdən sonra yol davamiyyəti təmin ediləcək.

Qeyd edək ki, Bakının Baş Planına görə, 2027-ci ilə qədər 11 stansiyanın tikilməsi nəzərədə tutuluib.

B. Məmmədov bildirib ki, stansiyaların inşası tunellərin inşasından daha mürəkkəb prosesdir: "Həzi Aslanov-2" stansiyasını mürəkkəbləşdirən daha bir proses isə onun keçid funksiyası daşımasıdır. Bu keçid stansiya xəttləri bir-birindən ayrırısa, kəsişməyəcəksə, həmin stansiya "Həzi Aslanov"dan keçməlidir, yəni, altından keçməlidir. Bu mürəkkəbliklər nəzərə alınaraq, stansiyanın ümumi kompleksdən tikintisinə tez başlanılması vacib şərtlərdən biridir. Hazırda bu istiqamətdə işlər aparılır".

O, qeyd edib ki, xəttlərin ayrılmasına gəldikdə isə, 2 dəqiqəlik intervalın mövcud xəttlər üzərində təmin edilməsi üçün çox vacib şərtdir: "Təsəvvür edin ki, "Koroğlu" istiqəmətində gələn sərnişinlər bərabər olaraq iki istiqamətdə paylanacaqlar. Xətlər bir-birindən ayrılandan sonra indiyə qədər "Elmlər Akademiyası"nda görmədiyiniz 2 dəqqiqəlik intervalı görəcəksiniz. Bu isə sərnişinlıərin daşınmasının mobilliyini təmin edəcək. Eyni zamanda daha çox sərnişinin metropolitendən istifadə etməsinə şərat yaradacaq. Bütün bunlar Bakının Baş Planında yer alıb".

© Sputnik / Irade JELIL
Həzi Aslanov-2 stansiyasının tikintisi

Qeyd edək ki, "Həzi Aslanov-2" stansiyanın tikintisinə rəsmən 2012-ci ildən başlanılıb.

"Bilirisiniz ki, inşaat işlərindən əvvəl layihələndirmə, yerin ayrılması və işlər həyata keçirilir. Bu gün müxtəlif ərazilərdə yerin ayrıldığını görmək olar. Amma bu o demək deyil ki, orada bu gün mütləq tikinti işi başlayacaq. Ümumiyyətlə, hansı ərazidə metro tikiləcəksə, öncədən orada tikintiyə mane olacaq, tikintilər aradan qaldırımalıdır. Bu Bakının inkişafı ilə bağlı olan məsələdir" - Məmmədov vurğulayıb.

1287
Polis

Adam öldürməkdə ittiham edilən adam bu dəfə 36 kq narkotiklə yaxalandı

2
(Yenilənib 18:55 16.01.2021)
Yardımlıda ümumi çəkisi 36 kiloqram 485 qram narkotik vasitə aşkarlanıb Yardımlıda ümumi çəkisi 36 kiloqram 485 qram narkotik vasitə aşkarlanıb

BAKI, 16 yanvar — Sputnik. Baş Narkotiklərlə Mübarizə İdarəsinin Cənub Bölgəsində Regional Şöbəsinin əməkdaşları Yardımlı rayonu ərazisində əməliyyat tədbiri keçiriblər.

DİN Mətbuat Xidmətindən Sputnik Azərbaycan-a verilən məlumata görə, əldə edilmiş məlumat əsasında keçirilən əməliyyat-axtarış tədbiri nəticəsində narkotiklərin qanunsuz dövriyyəsində şübhəli bilinən rayon sakini, əvvəllər Cinayət Məcəlləsinin 120-ci (Qəsdən adam öldürmə), 228-ci (Qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) və 234-cü (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddələri ilə məhkum olunmuş Elməddin Əliyev müəyyən olunaraq saxlanılıb.

Davam etdirilən tədbirlərlə ondan ümumi çəkisi 36 kiloqram 485 qram narkotik vasitə, o cümlədən 32 kiloqram 155 qram tiryək və 4 kiloqram 330 qram heroin aşkar edilərək götürülüb. Faktla bağlı zəruri əməliyyat-axtarış, əməliyyat-istintaq tədbirləri davam etdirilir.

2
Teledərs, arxiv mşəkli

Müharibə bitib, problem isə həll olunmayıb - heç pulsuz paket köməyə çatmır

5
(Yenilənib 18:51 16.01.2021)
Cəbhəyanı zonalarda müəllim və şagirdlər üçün pulsuz mobil internet paketləri təqdim olunsa da, onlayn təhsilə qoşulmada problem hələ də qalmaqdadır

Zülfiyyə Quluyeva, Sputnik Azərbaycan

BAKI, 16 yanvar — Sputnik. Azərbaycanda koronavirus pandemiyasına görə ötən ilin mart ayından etibarən ənənəvi təhsil onlayn təhsillə əvəzlənsə də, sentyabr ayında Ermənistan-Azərbaycan arasında başlayan müharibə səbəbindən cəbhəboyu zonalarda məsafədən təhsildə ciddi problemlər yaranıb. Həmin dövrdə cəbhə bölgəsində 1200-dən çox məktəb fəaliyyətini dayandırmışdı. Müəllim və şagirdlər müxtəlif yerlərə yerləşdirildiyindən onlayn təhsilə qoşulmaq imkanını da itirmişdilər. Sputnik Azərbaycan müharibə dövründə cəbhə zonası hesab olunan ərazilərdə şagirdlərin təhsil imkanlarının bərpa edilib-edilmədiyini araşdırıb.

© AR Ministry of Education

Cəbrayıl rayonunun Cocuq Mərcanlı qəsəbə sakini Şahəddin Hüseynov Sputnik Azərbaycan-a açıqlamasında bildirib ki, müharibə dövründə qəsəbə artilleriya atəşinə tutulduğundan sakinlər ətraf rayon və qəsəbələrə köçmək məcburiyyətində qalıblar. Həmin dövrdə onların övladları tamamilə təhsildən kənar qalıblar. Çünki yerləşdirildikləri ərazilərdə bütün müəllim və şagirdlərin internetə çıxışı mümkün olmayıb. Ş.Hüseynov bu günlərdə övladlarının onlayn dərslərə qoşula bildiyini söyləyir. Onun sözlərinə görə, bu isə bütün şagirdləri əhatə etmir. Evləri dağıdılan sakinlər hələ də müxtəlif ərazilərdə yaşadığından onların övladları onlayn dərslərə qoşula bilmirlər.

Problemin qaldığını müharibə dövründə cəbhəyanı ərazi hesab olunan rayonların təhsil şöbəsindən də təsdiqləyirlər. Ağdam Rayon Təhsil şöbəsinin müdiri Mətanət Misirxanova Sputnik Azərbaycan-a açıqlamasında bildirib ki, hər gün distant təhsilə qoşulan şagirdlərin siyahısı hazırlanır. O bildirir ki, Ağdam rayonu üzrə təxminən 56 faizə yaxın şagird onlayn təhsilə cəlb olunub: "Müharibədən sonra müəllimlərlə şagirdlər arasında artıq bir vasitə var. Amma müəyyən qisim şagird hələ də təhsildən, müəllim təmasından kənardadır. Bunlar Ağdam rayonu ərazisindəki Səfərli, Alıbəyli, Ayaqqərvənd qəsəbələrinin şagirdləridir.

Burada yaşayan şagirdlərlə təmas qurmaq mümkün deyil. Çünki bu ərazilərdə telefon xətti yoxdur. Mobil internetdən istifadə etməyə isə maddi baxımdan imkanları çatmır. Amma biz həmin qəsəbələrdə yaşayan şagirdlərlə daima əlaqə qururuq. Məktəb direktorları və sinif rəhbərləri şagirdləri teledərslərə yönəldirlər ki, onlar teledərsləri izləsinlər. Bununla belə, biz nəzərdə tutmuşuq ki, məktəblər açıldıqdan sonra onlayn dərslərə qoşula bilməyən şagirdlər üçün həmin dərslər sıxlaşdırılmış formada keçirilsin. Bunun üçün də əlavə dərs və məşğələ cədvəlləri hazırlanır".

Təhsil Nazirliyi yanında İctimai Şuranın Sədr müavini Nadir İsrafilov da problemin olduğunu təsdiqləyir. O bildirir ki, koronavirus pandemiyası Azərbaycanda ənənəvi təhsilin dayandırılmasına əsas səbəbdir. Amma sentyabr ayında müharibənin başlanması cəbhəboyu ərazilərdə təhlükəsizlik baxımından şagirdlərin onlayn təhsildən də kənarda qalmasına səbəb olub: "Düzdür, bəzi ərazilərdə insanlar evlərinə qayıdıblar, həyat öz axarına düşüb. Şagirdlərlə müəllimlər arasında onlayn əlaqəni qurmaq mümkün olub. Amma müharibə zamanı dinc sakinlərin hədəfə alınması cəbhəyanı zonalarda evlərin və infrastrukturun dağılmasına səbəb oldu. Dağılan evlər bərpa olunmayana qədər o insanların evlərinə qayıtması mümkün deyil. Bu səbəbdən də cəbhə zonasında hələ də onlayn təhsildən kənarda qalan şagirdlər var. Bu zonalarda müəllim və şagirdlər üçün pulsuz mobil internet paketləri təqdim olunsa da, onlayn təhsilə qoşulmada problem hələ də qalmaqdadır. Amma bizim üçün əsas olan insanların təhlükəsizliyi və sağlamlığıdır. Azərbaycanın qazandığı qələbə sayəsində biz bu problemlərin də öhdəsindən gələcəyik".

N.İsrafilov işğaldan azad edilmiş ərazilərimizdə də təhsilin təşkili üçün Təhsil Nazirliyinə təkliflər verildiyini bildirib.

Təhsil Nazirliyindən isə Sputnik Azərbaycan-ın sorğusuna cavab olaraq bildirilib ki, cəbhəyanı bölgələrdə yaşayan şagirdlərin distant dərslərdə iştirakı tədricən genişlənir: "Bununla yanaşı, həmin şagirdlərin artıq rahat şəkildə teledərslərdən yararlanmaq imkanı da var".

Nəqliyyat, Rabitə və Yüksək Texnologiyalar Nazirliyindən isə bildirdilər ki, müharibə dövründə telefon rabitəsinə zərər dəyən ərazilərdə bərpa işləri, demək olar ki, başa çatdırılıb. Telefon xətti olmayan ərazilərə isə telefon xətlərinin çəkilməsi işi mütəmadi olaraq davam etdirilir. 

5
Teqlər:
dərs, onlayn, internet, cəbhəyanı bölgələr, təhsil