BAKI, 6 dekabr — Sputnik. Dünyaca məşhur müğənni Cennifer Lopez yenidən ana olmaq fikrinə düşüb.
Sputnik Azərbaycan xəbər verir ki, keçmiş beysbolçu Aleks Rodriqezlə sevgili olan sənətçi həyatının sevgisini tapdığını və ondan bir uşaq dünyaya gətirmək istədiyini söyləyib. "People" jurnalına müsahibə verən müğənni "Tanrının planlarının içində var ya da yox, bilmirəm. Ancaq bir uşaq daha dünyaya gətirmək istəyirəm" deyib.
Qeyd edək ki, Cennifer Lopezin öncəki əri Mark Entonidən bir qızı və bir oğlu var. Rodriqez isə iki qız atasıdır. Ulduz sevgililər 2017-ci ildən birlikdədirlər.
