Azərbaycanlı müğənni Aysel Məmmədova

Azərbaycanlı müğənni Moskvanın iri qastromarketində hər kəsi ətrafına toplayıb - VİDEO

18
(Yenilənib 01:55 04.12.2019)
Azərbaycanlı müğənni Aysel Məmmədova Moskvadakı iri qastromarketlərdən birində konsert proqramı ilə çıxış edərək yeni və köhnə kompozisiyaları ifa edib.

BAKI, 4 dekabr — Sputnik. Azərbaycanlı müğənni Aysel Məmmədova Moskvadakı iri qastromarketlərdən birində konsert proqramı ilə çıxış edib.

Bu barədə məlumatı Sputnik Azərbaycan-a müğənni özü verib.

Bu günlərdə o, Rusiyada həyata keçirilən "Pleylist#Mosartost" layihəsinin qaliblər siyahısına daxil olub. Bu layihənin şərtlərinə görə, onun iştirakçıları qış və yay mövsümündə parklar, marketlər və şəhərin müxtəlif yerlərində konsertlər verirlər.

Посмотреть эту публикацию в Instagram

Публикация от A I S E L (@aiselofficial)

Məmmədova moskvalı tamaşaçılara təkcə özünün yeni mahnılarını deyil, həm də müxtəlif janrlarda olan köhnə kompozisiyaları da ifa edib. Marketin ziyarətçilərinin dediyinə görə, onlar Məmmədovanın çıxışından zövq alıblar və onun ifasını saatlarla dinləməyə hazırdırlar.

Посмотреть эту публикацию в Instagram

Публикация от A I S E L (@aiselofficial)

Aysel Məmmədova 1989-cu ildə Bakıda anadan olub. Uşaqlıqdan musiqiyə böyük həvəs göstərib. Beynəlxalq caz və musiqi festivallarının iştirakçısı olub. Müğənni həmçinin Bakıda keçirilən "Jara" festivalında rusiyalı ulduzlarla birlikdə çıxış edib.

O, "Avroviziya-2018" müsabiqəsində "X my heart" mahnısı ilə ölkəmizi təmsil etsə də, finala keçə bilməyib. "Novaya volna" (Yeni dalğa) müsabiqəsində isə səkkizinci yeri tutub. Hazırda Məmmədova solo karyerasını davam etdirir.

18
İtaliyada epdimioloji vəziyyət

İtaliyada sabahdan yeni qadağalar tətbiq olunacaq

8
İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

BAKI, 25 oktyabr - Sputnik. İtaliyada epidemioloji vəziyyətin pisləşməsi səbəbindən oktyabrın 26-dan məhdudiyyətlər artırılır.

Sputnik Azərbaycan “Qafqazinfo”ya istinadla məlumat verir ki, bu gün İtaliya Baş Nazirinin Mətbuat xidməti tərəfindən açıqlanan yeni qaydalara uyğun olaraq bütün kinoteatr, teatr, idman zalları və hovuzlar bağlanacaq.

Restoran və barlar işə davam edəcək, lakin vaxt məhdudiyyəti ilə - axşam saat 6-dək.

Qeyd edək ki, İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

8
Koronavirus testi, arxiv şəkli

Ölkədə daha 946 nəfər COVID-19-a yoluxub, 228 nəfər sağalıb

19
Azərbaycanda COVID-19-a yeni yoluxma hallarının müəyyənləşdirilməsi ilə əlaqədar aparılan testlərin sayı da açıqlanıb.

BAKI, 25 oktyabr - Sputnik. Azərbaycan Respublikasında koronavirus (COVID-19) infeksiyasına 946 yeni yoluxma faktı qeydə alınıb, 228 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 7 nəfər vəfat edib.

Azərbaycanda COVID-19-a yeni yoluxma hallarının müəyyənləşdirilməsi ilə əlaqədar aparılan testlərin sayı da açıqlanıb.

Nazirlər Kabineti yanında Operativ Qərargahdan verilən məlumata görə, ölkədə son sutka ərzində 10037, hazırkı dövrədək isə 1291534 test aparılıb.

19