Bakı məktəblərin birində tədris prosesi, arxiv şəkli

Təhsildə şikayətləri yeni qurum dinləyəcək

99
(Yenilənib 17:43 03.12.2019)
"Biz çalışırıq ki, fərdi problemlərlə yox, daha çox təhsildə kütləvi narahatlığa səbəb olan problemlərin həlli istiqamətində iş aparılsın, həmin problemlərin həllinə nail olaq"

Zülfiyyə Quluyeva, Sputnik Azərbayacan

BAKI, 3 dekabr — Sputnik. Azərbaycanda təhsil sahəsində olan çatışmazlıqların, neqativ halların aradan qaldırılması ilə daha bir qurum məşğul olacaq. Sputnik Azərbaycan-ın məlumatına görə, Təhsil Nazirliyi yanında İctimai Şura təhsildə keyfiyyətin və şəffaflığın təmin edilməsi istiqamətində iş aparacaq. Bu barədə bu gün Texniki Universitetdə Təhsil Nazirliyi yanında İctimai Şuranın keçirdiyi tədbirdə məlumat verilib. Şura öz fəaliyyət planını ictimaiyyətə açıqlayıb. Təhsil Nazirliyi yanında İctimai Şuranın sədri professor Şahlar Əsgərov Şuranın fəaliyyəti barədə geniş məlumat verib. O, ictimaiyyətə Şuranın üzvlərini təqdim edib. Bildirib ki, Şuranın fəaliyyəti Təhsil Nazirliyinin əmri ilə tənzimlənir. O, Şuranın fəaliyyətində ictimai mənafeyin əsas tutulacağını, bu sahədə problemlərin təhsil sahəsində səlahiyyətli şəxslərin diqqətinə çatdırılacağını söyləyib.

Təhsil Nazirliyi yanında İctimai Şuranın məsul katibi İlqar Orucov isə bildirib ki, 2019-2020-ci illər üzrə fəaliyyət planında ictimaiyyəti təhsillə bağlı narahat edən bir sıra məsələlər öz əksini tapıb: "Biz ümid edirik ki, bu fəaliyyət planının icrası nəticəsində təhsillə bağlı nəzərdə tutulmuş bir sıra problemlərin, çatışmazlıqların aradan qaldırılmasına nail ola biləcəyik. Təhsilin idarəedilməsi ilə bağlı ictimai nəzarətin həyata keçirlməsi fəaliyyət planının əsas istiqamətindən biridir. Əlbəttə ki, ictimai nəzarətin həyata keçirilməsi yönündə əsas işlərdən biri də KİV-lə əməkdaşlıq və təhsildə olan məsələlərin ictimailəşdirilməsidir. İnanırıq ki, fəaliyyət planının icrasından bir il sonra biz ciddi nəticələrdən danışa biləcəyik".

İ. Orucov deyib ki, fəaliyyət planında müəllimlərin, direktorların işə qəbulu, bütövlükdə təhsil mühitinin, təhsilin keyfiyyətinin yaxşılaşdırılması, aşkarlığın təmini məsələləri öz əksini tapıb: "Bizə fəaliyyətə başladığımız vaxtdan indiyədək təhsillə bağlı vətəndaşlardan çoxlu sayda şikayət və müraciətlər daxil olub. Amma biz çalışırıq ki, fərdi problemlərlə yox, daha çox təhsildə kütləvi narahatlığa səbəb olan problemlərin həlli istiqamətində iş aparılsın, həmin problemlərin həllinə nail olaq. Təhsildə kütləvi narazılığa səbəb olan problemlərdən biri orta və ali təhsildə keyfiyyət problemidir. Dərsliklərlə bağlı problemlər var. Dərs yükü çox ciddi narazılıq doğuran məsələdir. Çalışacağıq ki, bu problemlərin aradan qaldırılması istiqamətində əməli iş görülsün."

İ. Orucov artıq Şuranın sosial şəbəkələrdə səhifələrinin yaradıldığını, təhsillə bağlı müraciətlərin həm sosial şəbəkələr üzərindən, həmçinin də elektron. yaxud telefon vasitəsilə qəbul edildiyini bildirib.

99
Fərzəli Həsənov, arxiv şəkli

Cəbrayıllı köçkün: "Kəndimizi atəşə tutan Hadrut azad olunanda sevincim yerə-göyə sığmadı"

6
Dünən azad edilmiş Xocavəndin Daşbaşı kəndində 1993-cü ilin avqustunda ermənilər Azərbaycan əsgərlərini amansızlıqla qətlə yetiriblər. Cəbrayıllı köçkün Fərzəli Həsənovun xalası oğlu da həmin postda həlak olub.

İradə Cəlilova, Sputnik Azərbaycan

BAKI, 21 oktyabr — Sputnik. "Cəbrayıl işğaldan azad edilən gün mənim telefonum saatlarla susmadı. Mən Cəbrayıla bağlı adamam"...

Sputnik Azərbaycan xəbər verir ki, Azərbaycan Memarlıq və İnşaat Universitetinin (AzMİU) dosenti Fərzəli Həsənov əslən Cəbrayılın Papı kəndindəndir. Elə uşaqlıq, gənclik illəri də orada keçib.

Kəndinə bütün ürəyi ilə bağlı olan F.Həsənov Papı kəndinin tarixini də araşdırıb: "Dilçi alim Qəzənfər Kazımovun sözlərinə görə, "papı" sözünün mənası cənnət qapısı deməkdir. Başqa ensklopedik mənbələrdə isə Papı kəndini Füzulinin Babı kəndi ilə eyniləşdirirlər. Ancaq Babı kəndində yaşayanlar bir tayfa olub, İrandan gələrək Füzulidə məskən salıblar. Onların dinlə konfliktləri olub. Bizim kəndimizdə isə məscid var idi. Bizim kəndimizin tarixi 1830-cu illərə dayanır. Mənim nənəm Papı kəndinin əsasını qoyan Hacı İmamverdinin nəvəsi idi. Yəni, araşdırmalarım sübut edirdi ki, biz papılılar, Babı kəndində yaşayanlarla eyni tayfadan deyilik".

Orta məktəbi Cəbrayılda bitirən F.Həsənov Bakıda Texniki Universitetə daxil olur. Universitetdə seçilən tələbələrdən olduğu üçün ona iş də təklif edilir və burada işləməyə başlayır.

Ancaq 1993-cü ilin avqustunda yenidən Cəbrayıla qayıtmalı olur.

Həmin ilin avqust ayının 15-də Xocavənd rayonun "Daşbaşı" postunda xalası oğlu həlak olur: "Çox qəribə idi. Post mühasirəyə alınmış, 21 nəfər əsgər vəhşicəsinə, işgəncə ilə öldürülmüşdü. Bəzilərinin başları, qolları bədənlərindən ayrılmış, gözləri çıxarılmışdı. Meyitlərin üstündən isə zəncirli traktorla keçmişdilər. Mənim xalam oğlu da orada şəhid olmuşdu. Bu gün də fikirləşəndə mənə qəribə gəlir. Bütün bir postu necə müharisəyə alıb, əsgərləri necə tərksilah edə bilmişdilər... Axı hamısı işgəncə ilə öldürülmüşdü. Mən də dayımı götürüb, Böyük Mərcanlıya gəldim. Atam burada məktəb direktoru idi, anamla da elə burada evlənmişdi. Böyük qardaşım isə Çərəkəndə kolxoz sədri işləyirdi"...

Prezident İlham Əliyev, arxiv şəkli
© Official website of President of Azerbaijan Republic

F.Həsənov danışır ki, Papı kəndi dəniz səviyyəsindən 450 metr hündürlükdə olub. Hadrutdan atılan "Qrad" mərmiləri Papı kəndinin üzərindən digər kəndlərə də düşürdü.

"Rayonda çox gözəl evimiz vardı. Layihəsini mən çəkmişdim, qardaşım da kolxoz sədri olduğu üçün evimiz çox gözəl və rahat idi. Ancaq ermənilər kəndimizi hədəfə aldığı üçün qardaşım anamı Böyük Mərcanlıya gətirmişdi. Atam isə evimizi qoyub çıxmaq istəmirdi. Deyirdi "qələt edir ermənilər". Maraqlısı bilirsiniz nədir, biz kəndimizə gedəndə yolda əsgərlər bizə deyirdilər ki, Papı, Horolu kəndləri ermənilər tərəfindən tutulub. Atamı düşünürdüm. Qayıdıb, Şükürbəyli kəndinə gəldim. Orada sakinlərlə danışanda bildim ki, onların Cəbrayıldan xəbəri yoxdur. Başqa bir yol tapıb kəndimizə getdim. Sakitlik idi, atam da həyətdə oturub çay içirdi. Yəni biz kəndimizi bilərəkdən, istəyərəkdən tərk etməmişdik. Kəndimizi qorumaq üçün əsgərlər yox idi. Sakinlər çarəsiz qalıb evlərini tərk edirdilər".

Müsahibimiz deyir ki, həmin dövrlərdə Azərbaycan Ordusu çox zəif olub. Hadrut dəfələrlə kəndlərdən atəşə tutulsa da, uğursuz olub. Hətta bir dəfə kəndlərə "Qrad" yığılıb ki, gecə Hadrut atəşə tutulacaq. Səhər məlum olub ki, atılan "Qrad" mərmisinin biri də Hadruta zərər verməyib, heç ora düşməyib.

"Ordumuz çox naşı idi. Düzdür, çox illər keçdi aradan. Ancaq indi bizim gənclər təhsilli hərbçilərdir. Bizim xalq ağıllı xalqdır. Bizim hərb sahəsində mütəxəssislərimiz yetişir", - deyə Həsənov bildirib.

Onun sözlərinə görə, Hadrut işğaldan azad edildiyi gün sevinci yerə-göyə sığmayıb. Hər zaman Hadrutdan kəndlərin atəşə tutulduğunu deyən F.Həsənov bildirib ki, Hadrutun işğaldan azad olunması ordumuzun güclü olduğunu sübut edir.

"Hadrut azad edildisə, demək qələbə bizimdir. Hadrut dəniz səviyyəsindən 1000-1500 metr hündürlükdədir. Bu da o deməkdir ki, çox kəndlərin açarı Hadrutdur. Düzdür gənclərimiz şəhid olur. Amma torpağın azadlığı üçün bu olmalıdır. O gün bir şəhid anasının məktubu çıxdı qarşıma. Ölkə prezidentinə yazmışdı ki, "yalvarıram, müharibəni dayandırma". Çox kövrəldim...", - deyən həmsöhbətimiz bildirir ki, əgər bu gün ona Cəbrayılda yaşamaq təklif edilsə, düşünmədən gedər.

6
Mövzu:
Azərbaycan və Ermənistan arasında müharibə
Robert Koçaryan, arxiv şəkli

Vəziyyətləri qəlizdir - Bütün keçmiş prezidentləri görüşürlər

28
Ötən gün Saakyan və Qukasyan Ermənistanın Baş naziri Nikol Paşinyan və Ermənistanın birinci prezidenti Levon Ter-Petrosyanla görüş keçirib.

BAKI, 21 oktyabr — Sputnik. Ermənistanın ikinci prezidenti Rober Koçaryan Azərbaycanın işğal altında olan torpaqlarında qurulan separatçı "rejim"in "sabiq liderləri" Bako Saakyan və Arkadi Qukasyanla görüşüb. Sputnik Ermənistan xəbər verir ki, görüşdə Ermənistanın sabiq prezidenti Serj Sarqsyan da iştirak edib.

Qeyd olunur ki, görüş Saakyan və Qukasyanın təşəbbüsü ilə baş tutub. Görüşün mövzusu Qarabağdakı vəziyyət olub.

Xatırladaq ki, ötən gün Saakyan və Qukasyan Ermənistanın Baş naziri Nikol Paşinyan və Ermənistanın birinci prezidenti Levon Ter-Petrosyanla görüş keçirib.

28
Mövzu:
Azərbaycan və Ermənistan arasında müharibə