Bakıda günəşin doğması

Şəhəri qaydaya salacaqlar: Artıq kim necə gəldi tikə bilməyəcək

577
(Yenilənib 12:30 03.12.2019)
Ekspertin sözlərinə görə, 2016-cı ildən başlayan pilot layihələr qısa zaman ərzində geniş şəkildə aparıldığından bu tikinti şirkətlərinin satış bazarına da ciddi şəkildə mənfi təsirlər göstərməyə başlayıb.

İradə Cəlilova, Sputnik Azərbaycan

BAKI, 3 dekabr — Sputnik. Bir neçə gün öncə ölkə prezidenti İlham Əliyev Bakı şəhərində dövlət şəhərsalma fəaliyyəti ilə bağlı bəzi məsələlər haqqında fərman verib.

Fərmanda qeyd edilib ki, Bakı şəhərinin rayonlarında Azərbaycan Respublikası Nazirlər Kabinetinin qərarlarına uyğun olaraq, şəhərin ümumi görünüşünə xələl gətirən, qəzalı vəziyyətdə olan və mövcud şəhərsalma normalarına cavab verməyən yaşayış binalarının yenidən qurulması (o cümlədən sökülərək yerində yeni bina inşası) ilə bağlı Bakı şəhəri rayonlarının icra hakimiyyətləri tərəfindən 2018-ci il avqustun 1-dək tikintiyə icazə icraatı başlanılan və ya layihələndirilməsi barəsində sərəncam verilən tikinti niyyətlərinə (layihələrinə) münasibətdə, Azərbaycan Respublikasının Şəhərsalma və Tikinti Məcəlləsinin tələblərinə riayət edilməklə, həmin tikinti obyektinin yerləşdiyi ərazi üzrə, ərazi və ərazi hissələrinin yenidən qurulması üçün tələb olunan ərazi planlaşdırılması sənədlərinin hazırlanmasını və Azərbaycan Respublikasının Dövlət Şəhərsalma və Arxitektura Komitəsi ilə razılaşdırmaqla təsdiqini, Azərbaycan Respublikasının Dövlət Şəhərsalma və Arxitektura Komitəsinin razılığı ilə tikinti obyektlərinin tikintisinə icazə verilməsini, tikinti obyektlərinin istismarına icazə verilməsini Bakı şəhərinin müvafiq rayon icra hakimiyyəti həyata keçirir.

Belə ki, yeni binaların tikintisi ilə bağlı ilkin icazə Dövlət Şəhərsalma və Arxitektura Komitəsindən veriləcək. Rayonlar ərazilərində həyata keçiriləcək pilot layihələrin icazəsini isə yerli İcra hakimiyyətləri verəcək.

Bu fərmandan sonra nə dəyişəcək?

Əmlak məsələləri üzrə ekspert Elnur Fərzəliyev Sputnik Azərbaycan-a açıqlamasında bildirib ki, Dövlət Şəhərsalma və Arxitektura Komitəsi ayrı qurum olduqdan sonra Nazirlər Kabinetinin 86 saylı sərəncamına əsasən istismar müddətini bitirmiş binaların sökülərək yenilənməsi prosesi demək olar ki, dayanmışdı: "Bu prosesin dayandırılmasında əsas məqsədlərdən biri də əvvəlki dövrlərdə tikilmiş binaların böyük əksəriyyətinin şəhərsalma və arxitektura normativlərinə cavab verməməsi idi. Pərakəndə şəkildə tikilmiş binalar paytaxtın memarlıq görüntüsünü pozmaqla bərabər ciddi sıxlığa və digər problemlərə də yol açmışdı. Tikintilərə veriləcək icazələr Dövlət Şəhərsalma və Arxitektura Komitəsinə verildikdən sonra bu sahəyə çox həssas və ciddi münasibət göstərilir. Əsas məqsəd tikiləcək bütün binaların normativlərə uyğun olması, binaların ətraflarında yaşıllıq ərazilərin artması, binalar arası ara məsafələrin qorunması, həyət-baca və digər lazımi tələblərə uyğun tikilməsidir".

Эксперт по вопросам недвижимости Эльнур Фарзалиев
© Sputnik / Murad Orujov
Əmlak məsələləri üzrə ekspert Elnur Fərzəliyev

Ekspertin sözlərinə görə, 2016-cı ildən başlayan pilot layihələr qısa zaman ərzində geniş şəkildə aparıldığından bu tikinti şirkətlərinin satış bazarına da ciddi şəkildə mənfi təsirlər göstərməyə başlayıb.

"Əksər tikinti şirkətləri bazar araşdırması aparılmadan, ərazidəki mənzil alıcılarının statistikasını bilmədən və ərazinin real satış qiymətlərini müəyyənləşdirmədən tikinti işlərinə başladılar. Və təbii ki, bu cür araşdırmaları aparmadan işə başlayan şirkət sahiblərinin zamanla müəyyən problemlərlə üzləşməsi gözlənilən idi" – deyə ekspert əlavə edib.

E. Fərzəliyev əlavə edib ki, bu sahənin yenidən aktivləşməsi iqtisadi baxımdan da çox səmərəlidir: "Əslində isə bu o demək deyil ki, bütün istismar müddəti bitmiş binalar hamısı sökülməlidir. Bu gün əksər köhnə binaların qorunub saxlanılması və üzərilərində müəyyən yenilənmə işlərinin aparılması daha məqsədəuyğundur. Çünki eyni zamanda söküntü və tikinti işlərinə geniş miqyasda başlanılarsa, şirkətlər müəyyən qədər alıcı qıtlığı ilə üzləşə bilərlər. Bu proseslər zamanla, mərhələli şəkildə aparılarsa, daha uğurlu ola bilər. Sevindirici hal ondan ibarətdir ki, tikiləcək bütün binalara veriləcək sərəncamlar və nəzarət Dövlət Şəhərsalma və Arxitektura Komitəsi tərəfindən aparılacaq. Zamanla bu sahədə çox ciddi problemlər yaşanmışdı. Düşünürəm ki, dövlətin bu sahəyə birbaşa nəzarəti gələcəkdə yaşana biləcək problemlərin ciddi şəkildə qarşısını ala bilər".

Tikinti sahəsində böyük dəyişiklik – Artıq icazə lazım olmayacaq

Ekspert vurğulayıb ki, pilot layihələr ilə tikilmiş binalara vətəndaşlar tərəfindən maraq daha böyükdür. Çünki hər kəs bilir ki, dövlət xətti ilə sökülüb tikilən binalar qısa zaman ərzində qaz, su , işıq və çıxarışla təmin olunur.

577
Gəncədə vəziyyət

Məşhur türk müğənni konsertindən gələn gəliri gəncəlilərə bağışlayacaq

6
(Yenilənib 23:15 21.10.2020)
Ayhan Ulu (Pau) “Twitter” hesabında Gəncəylə bağlı paylaşımları ilə diqqət çəkib. O, erməniləri müdafiə edən eks-model Tuğba Özayla da dava edib

BAKI, 21 oktyabr — Sputnik. Ötən həftə Azərbaycanın ikinci böyük şəhəri sayılan Gəncədə ermənilərin törətdiyi 3-cü terror hadisəsinin qurbanları  dünyanın bir çox ölkələrində anılıb. Bundan başqa, Türkiyənin məşhur sənət adamları da buna səssiz qalmayıblar. Sputnik Azərbaycan xəbər verir ki, sözügedən ölkənin ulduzu Ayhan Ulu (Pau)  da “Twitter” hesabında Gəncəylə bağlı paylaşımları ilə diqqət çəkib. O, erməniləri müdafiə edən eks-model Tuğba Özayla da dava edib.

Bundan başqa, İzmirin məşhur ifaçılarından olan Pau bir neçə konsertinin gəlirini Gəncə qətliamından zərər görən şəxslərə bağışlayacağını bildirib: "Gələn həftə konsertlərimdən götürəcəyim gəliri Gəncə xalqına bağışlayacağam. Həmişə yanınızdayam. Azərbaycana hər zaman dəstək verəcəyəm".

Qeyd edək ki, Türkiyənin dünya şöhrətli müğənnisi, meqastar Tarkan da Gəncədə baş verən terrora səssiz qalmayıb. O,  “Instagram” hesabında ermənilərin Gəncəyə xain hücumunu pisləyən paylaşım edib.

“Dualarım qardaş ölkə Azərbaycanladır. Xain hücumlarda həyatını itirənlərə allahdan rəhmət, ailə və yaxınlarına başsağlığı, yaralılara şəfa diləyirəm. Çox kədərliyəm. Qəlbim Azərbaycan xalqı ilədir”, - ulduz müğənni qeyd edib.

6
Teqlər:
dəstək, konsert, müğənni, məşhurlar, Türkiyə, ölənlər və yaralılar, erməni təxribatı, raket zərbələri, Gəncə
Mövzu:
Azərbaycan və Ermənistan arasında müharibə
Əlaqədar
Erməni terrorunun qurbanları dünyanın dörd bir yanında anıldı
Qəlbimiz Azərbaycanla döyünür - Türkiyə müxalifətinin lideri
Gəncə istiqamətində Ermənistanın PUA-sı məhv edildi
Bir gecədə üç nəvəsini itirən Sənayət nənə: “Ləman bu il tələbə olacaqdı” – video
Türk ulduzları Gəncə terroruna səssiz qalmayıblar
Kompüter arxasında qız, arxiv şəkli

Azərbaycanda Kommunal Xidmətlər üzrə Vahid İnformasiya Sisteminin sınaqlarına başlanacaq

3
(Yenilənib 23:08 21.10.2020)
Bu, istehlakçıların bütün kommunal xidmətlər üzrə onlara aid məlumatları vahid şəxsi kabinet üzərindən idarə etmələrinə imkan yaradır

BAKI, 21 oktyabr — Sputnik. Kommunal Xidmətlər üzrə Vahid İnformasiya Sistemi və Vahid Çağrı Mərkəzinin yaradılması nəzərdə tutulur.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O qeyd edib ki, "Açıq hökumətin təşviqinə dair 2020-2022-ci illər üçün Milli Fəaliyyət Planı"na əsasən, Kommunal Xidmətlər üzrə Vahid İnformasiya Sistemi və Vahid Çağrı Mərkəzinin yaradılması nəzərdə tutulur: “"Dövlət informasiya ehtiyatları və sistemlərinin formalaşdırılması, aparılması, inteqrasiyası və arxivləşdirilməsi Qaydaları"nın təsdiq edilməsi və elektron hökumətlə bağlı bəzi tədbirlər haqqında Azərbaycan Respublikası Prezidentinin Fərmanı ilə Kommunal Xidmətlər Vahid İnformasiya Sisteminin operatoru funksiyaları Energetika Nazirliyinə həvalə edilib.

Cari ilin sonuna kimi "ASAN xidmət" tərəfindən sistemin test fazasına başlanması planlaşdırılır. Bu, istehlakçıların bütün kommunal xidmətlər üzrə onlara aid məlumatları vahid şəxsi kabinet üzərindən idarə etmələrinə imkan yaradır. Kommunal xidmətlər üzrə vahid informasiya bazasının yaradılması bu sahədə həyata keçirilən siyasətin mərkəzləşdirilməsi və sistemləşdirilməsi, müvafiq xidmətlər üzrə müraciətlərin vahid platformadan ünvanlanması, bu xidmətlərin hər kəs üçün daha əlçatanlığı və fasiləsizliyi, yaranan çətinliklərin operativ həlli baxımından faydalıdır”.

“Vətəndaş müraciətlərinin obyektiv araşdırılaraq cavablandırılması, xidmətlərin icrası zamanı sui-istifadə hallarının qarşısının alınması, xidmətlərin icra vəziyyətinə dair mərkəzləşdirilmiş təhlil və hesabatların aparılması, istifadəçilər tərəfindən xidmətin keyfiyyətinə dair təklif və iradların toplanması, həmçinin vətəndaş məmnunluğunun artırılması məqsədilə yaradılacaq Vahid Çağrı Mərkəzinin formalaşdırılması ilə bağlı Konsepsiya layihəsi də Nazirlər Kabinetinə təqdim edilib. Bütün bu tədbirlər açıqlıq, şəffaflıq və hesabatlılıq prinsiplərini əsas tutaraq dövlət xidmətlərinin təkmilləşdirilməsinə, ictimai nəzarətin gücləndirilməsinə xidmət edəcək”, - deyə nazir bildirib.

3