Bakı-Sumqayıt yolu

Hamını zara gətirmiş problemə çarə axtarılır: Məşhur post götürüləcək...

1025
(Yenilənib 20:21 29.11.2019)
Elməddin Muradlı: Bakı-Sumqayıt yolunda mövcud şərait əvvəl gündən yaxşı olmayıb. Bu gün həmin problemin həll edilməsi üçün atılan addımlar cüzi nəticəyə gətirib çıxaracaq.

İradə Cəlilova, Sputnik Azərbaycan

BAKI, 29 noyabr — Sputnik. Sumqayıt, Xırdalan və Masasır sakinlərinin uzun illərdir həll edilməyən yol probleminə dövlət başçısı İlham Əliyevin tapşırığı ilə nəhayət əncam çəkiləcək. Przident, Sumqayıt yolunun genişləndirilməsi, Bakıətrafı qəsəbələrin yollarının abadlaşdırılması barədə müvafiq dövlət qurumlarına tapşırıq verib.

"Bakı şəhərinin bütün küçələri ən yüksək standartlara cavab verməlidir. Ona görə harada ki, problemli yerlər var, onların da siyahısını tutun və biz həm bu il, həm də gələn il onları təmir edəcəyik. Mənə məlumat verilir ki, Bakı-Sumqayıt yolunda tez-tez tıxaclar olur. Baxmayaraq ki, indi qatar da işləyir və vətəndaşların bir hissəsi qatardan istifadə edir, yenə də tıxaclar var. Ona görə baxın, bu yolu genişləndirmək üçün texniki imkan olmalıdır, layihə hazırlayın", - deyə İlham Əliyev Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədova tapşırıq verib.

© Sputnik / Irade JELIL
Bakı-Sumqayıt yolu

Prezidentin tapşırığından sonra artıq Bakıətrafı qəsəbələrdə, o cümlədən, Sumqayıt yolunda ilkin işlərə başlanılıb.

Sputnik Azərbaycan-a xəbər verir ki, hazırda Sumqayıt yolunda tıxaclara əsas səbəb olan körpülərin ətrafı sökülür və yolun genişləndirilməsi üçün hazırlıq işləri görülür. Görülən işlərin nə qədər tıxacı aradan qaldıracağı isə bu yolun genişləndirilməsi ilə bağlı layihə hazır olandan sonra bəlli olacaq.

© Sputnik / Irade JELIL
Bakı-Sumqayıt yolu

Azərbaycan Avtomobl Yolları Dövlət Agentliyinin mətbuat katibi Anar Nəcəfli Sputnik Azərbaycan-a açıqlamasında bildirib ki, hazırda ərazidə hazılıq işləri aparılır. Yolun necə genişləndirilməsi, hansı işlərin görülməsi isə, layihə hazır olandan sonra məlum olacaq. Hələlik layihə hazırlanma mərhələsindədir.

Nəqliyyat məsələləri üzrə ekspert Elməddin Muradlı isə Sputnik Azərbaycan-a deyib ki, Bakı-Sumqayıt yolunun infrastrukturunun təməli yaxşı qoyulmayıb: "İllərdir bu ərazilərdə yaşayan insanlar yolların sıxlığına görə əziyyət çəkirlər. Məndə olan məlumata görə, "Ekologiya postu" adlanan polis postu oradan köçürüləcək. Bakı-Sumqayıt yolunda mövcud şərait əvvəl gündən yaxşı olmayıb. Bu gün həmin problemin həll edilməsi üçün atılan addımlar cüzi nəticəyə gətirib çıxaracaq".

© Sputnik / Irade JELIL
Bakı-Sumqayıt yolu

Muradlı qeyd edib ki, yolda tıxacın aradan qaldırılması üçün "Xırdalan" dairəsi adlanan dairə oradan götürülməlidir. Həmin ərazidə asma körpü modeli yaratmaq mümkündür.

"Eyni proses Şamaxinka adlanan ərazidə də aparılmalıdır. Çünki eyni problem bu ərazidə də səhər-axşam yaşanır", - deyə ekspert bildirib.

Onun sözlərinə görə Bakı-Sumqayıt yolunda görülən işlər gələcəyə hesablanmalıdır ki, 20-30 il keçsə də, belə problem bir də yaşanmasın.

1025
Cəbrayıl və Zəngilan rayonlarının işğaldan azad olunan kəndləri

Cəbrayıl Zəngilan rayonlarının işğaldan azad olunan kəndlərinin videogörüntüsü yayıldı

0
(Yenilənib 19:10 25.10.2020)
Müdafiə Nazirliyi Cəbrayıl və Zəngilan rayonlarının işğaldan azad olunan kəndlərinin videogörüntüsünü yayıb.

BAKI, 25 oktyabr — Sputnik. Müdafiə Nazirliyi Cəbrayıl və Zəngilan rayonlarının işğaldan azad olunan kəndlərinin videogörüntüsünü yayıb. Sputnik Azərbaycan həmin görüntünü təqdim edir.

 

0
Yaşlı adam, arxiv şəkli

Koronavirusa yoluxma insanı 10 yaş qocaldır, həmçinin...

3
Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

BAKI, 25 oktyabr — Sputnik. Böyük Britaniya alimləri apardıqları araşdırma zamanı koronavirus xəstəliyinin insanların İQ səviyyəsini endirdiyini müəyyən edib. Sputnik Azərbaycan xarici mətbuata istinadla xəbər verir ki, bu intelektual bacarıqlar və yaddaşla əlaqələndirilib. Mütəxəssislərin sözlərinə görə, koronavirusa yoluxan şəxslər xəstəliyə yoluxmayan yaşıdları ilə müqayisədə məntiq testlərini həll etməkdə çətinlik çəkiblər. Bundan əlavə, şəxslərin İQ səviyyəsi xəstəliyi hansı ağırlıqda keçirmələri ilə də birbaşa əlaqəlidir. Tədqiqat zamanı alimlər 84 könüllünün məntiqi bacarıqlarını və yaddaşlarını araşdırıblar.

Müəyyən edilib ki, koronavirusa yoluxan insanlar sağlam insanlarla müqayisədə 65 faiz geri qalıb. Mütəxəssislərin fikrincə, bu xəstələrin 10 yaş yaşlanmasına bərabərdir.

Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

3