Mikroskopa baxan həkim

Təhlükəli tendensiya yaranıb: Hədəf birbaşa gələcək nəsillərdir

1019
(Yenilənib 17:50 06.11.2019)
Azərbaycan həkimləri dünyada olmayan tam gərəksiz işlə məşğuldurlar, “ana südündə mikrob var” anlayışı ilə alver edirlər

İradə Cəlilova, Sputnik Azərbaycan

BAKI, 6 noyabr — Sputnik. "Azərbaycanda körpələrin ilk 6 ayda ana südü ilə qidalandırılması cəmi 12-14 faiz təşkil edir". Sputnik Azərbaycan xəbər verir ki, bu barədə Ümumdünya Səhiyyə Təşkilatının (ÜST) Azərbaycandakı nümayəndəsi Hande Harmancı deyib.

Onun sözlərinə görə, bu, olduqca aşağı rəqəmdir və bununla bağlı ciddi tədbirlər görülməlidir: "Körpələrin ana südü ilə qidalandırılması faizinin artmasına yönəlik addımlar atılmalıdır".

Məsələ ilə bağlı pediatr Günay Rəsulova Sputnik Azərbaycan-a açıqlamasında bildirib ki, Azərbaycanda ana südü ilə qidalanmanın statistik rəqəmlərinin bu qədər aşağı olması təəssüfləndirici haldır. Həkim hesab edir ki, bu daha çox psixoloji faktorla əlaqəlidir: "Analar artıq hamiləlik dövründən düşünməyə başlayır ki, uşaq doğulandan sonra onun südü olmayacaq. Və qadın elə hamiləlik dövründən doğulacaq uşağını qidalandırmaq üçün süni uşaq qidası düşünməyə başlayır. Bu barədə bizə çox müraciətlər daxil olur. Burada kənar faktorlar da çox önəmlidir. Qadınlar çox zaman kənar şəxslərin də məsləhətlərinə qulaq asırlar".

Pediatrın fikrincə, uşaq dünyaya gəldikdən sonra yaşadığı ilk kiçik problemi ana südü ilə əlaqələndirirlər. Belə ki, anaya ya südündə mikrob var deyilir, ya südünün yağlı-yağsız olduğu sorulur, ya da südün uşağa düşmədiyi qeyd edilir. Bu kimi əsassız səbəblərdən uşağın ana südü ilə qidalandırılması dayandırılır: "Burada həkimlərdə də müəyyən qədər günah var. Bəzi həkimlər deyir ki, ana südündə mikrob var. Ananın südünü əkilməyə göndərirlər. Hansı ki, bu, dünyada olmayan və tam gərəksiz bir analizdir. “Ana südündə mikrob var” anlayışı dünyada yoxdur. Ana südü uşaq üçün ən steril qidadır. Ancaq təəssüf olsun ki, bu kimi əsassız iddialarla ana südü günahlandırılır və uşaqlara ana südü verilməsi dayandırılır. Bununla yanaşı anaya təyin edilən bəzi dərmanlar var ki, ana həmin dərmanları qəbul edən zaman süd verməsini dayandırır. Bu müddətdə süni qidaya öyrənən uşaq isə sonradan ana südü yeməkdən imtina edir".

O qeyd edib ki, süni qidaların əlçatan olması da anaları uşağa süd vermək həvəsindən salır.

"Ana düşünür ki, süd olmasa süni qida verəcək. Verir və uşaq doyur. Sonra döş əmmə qabiliyyətini unudur", - deyə həkim vurğulayıb.

Həkimin sözlərinə görə, ana südü uşağın gələcək həyatı üçün çox önəmlidir. Ana südünün tərkibində olan kalsium-fosfor, vitamin tərkibi, dəmir tərkibi, şəkər yükünün çox olmaması, mikrob anlayışı baxımından steril olması uşaq üçün çox faydalıdır: 

"Ana südü ilə qidalanan uşaqlar diabet, qan-damar xəstəlikləri və piylənməyə meylli olmurlar. Süni qidalarla qidalanan uşaqlarda isə piylənmə, qan-damar xəstəlikləri, diabet daha çox özünü göstərir".

G.Rəsulova bildirib ki, xarici ölkələrlə müqayisədə Azərbaycanda bu rəqəmin aşağı olmasının digər bir səbəbi isə xarici ölkələrdə hamiləlik dövründə anaların xüsusi hazırlıq keçmələridir: "Xarici ölkələrdə qadınlar hamiləlik dövründə xüsusi təlimlər keçir və südün yaranması üçün nə etməli olduqlarını öyrənirlər. Bu təlimlərdə qadınlara doğuşdan sonra südün normal gəlməsi üçün nəyə diqqət etmələri öyrədilir. Azərbaycanda isə qadınlar belə təlimlərə çox maraqlı deyil. Bu da ana südü ilə qidalanmada özünü göstərir".

1019

Prezident İlham Əliyev Azərbaycan xalqını təbrik etdi

23
"Ermənilər və Ermənistan rəhbərliyi tərəfindən öz dədə-baba torpaqlarından didərgin salınmış insanlar öz doğma ocaqlarına qayıtmaq istəyirlər"

BAKI, 27 sentyabr — Sputnik. “İşğal altında olan bir neçə yaşayış məntəqəsi işğalçılardan azad edilib. Bu münasibətlə bütün Azərbaycan xalqını təbrik edirəm”.

Sputnik Azərbaycan-ın məlumatına görə, bunu Prezident İlham Əliyev Təhlükəsizlik Şurasının iclasında deyib.

Dövlət başçısı əmin olduğunu bildirib ki, bizim uğurlu əks-hücum əməliyyatımız işğala son qoyacaq:

“Əminəm ki, bizim uğurlu əks-hücum əməliyyatımız işğala son qoyacaq, ədalətsizliyə son qoyacaq, 30 ilə yaxındır davam edən işğala son qoyacaq. Çünki Azərbaycan xalqı öz torpağında yaşamaq istəyir. Azərbaycan vətəndaşı vətən həsrəti ilə yaşayır. Ermənilər və Ermənistan rəhbərliyi tərəfindən öz dədə-baba torpaqlarından didərgin salınmış insanlar öz doğma ocaqlarına qayıtmaq istəyirlər”.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.

Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

23
Teqlər:
Azərbaycan ordusu, cəbhə, erməni təxribatı, Prezident İlham Əliyev, Ermənistan, Azərbaycan, Dağlıq Qarabağ
Mövzu:
Azərbaycan və Ermənistan arasında müharibə
Əlaqədar
Azərbaycan Odusunun uğurlu əməliyyatı nəticəsində bir sıra kəndlərimiz azad edilib
Rəsmi Bakı: Məsuliyyət tam olaraq Ermənistanın siyasi-hərbi rəhbərliyinin üzərinə düşür
Ərdoğan Əliyevə zəng etdi: "Türkiyə Azərbaycanın yanındadır"
Cəbhədə yaralananlarla bağlı son məlumat
İlham Əliyev: Azərbaycan torpaqlarının işğalı Ermənistanın planındadır və bunu gizlətmir
Tovuzun Dondar Quşçu kənd sakini erməni silahlı qüvvələrinin açdıqları atəş nəticəsində dağılan evin həyətində

Cəbhədə yaralananlarla bağlı son məlumat

147
(Yenilənib 14:42 27.09.2020)
Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı, Goranboy və Daşkəsən rayonunun bir neçə kəndləri intensiv atəşə tutulub. Ölən və yaralılar var

BAKI, 27 sentyabr — Sputnik. Azərbaycan Respublikası Baş Prokurorluğunun Mətbuat xidməti açıqlama yayıb.

Sputnik Azərbaycan-a daxil olan açıqlamada deyilir:

"Xəbər verildiyi kimi, sentyabrın 27-də səhər saat 06 radələrindən başlayaraq Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini iriçaplı silahlar, minaatanlar və müxtəlif çaplı artilleriya qurğularından intensiv atəşə tutmuşdur.

Təcavüzkar Ermənistanın hərbi-siyasi rəhbərliyi öz təxribatçı əməllərini davam etdirərəkə beynəlxalq hüququn fundamental norma və prinsiplərini kobud şəkildə pozaraq Azərbaycan Respublikasının qəsdən və hədəflənmiş şəkildə dinc əhalisinin sıx yaşadığı əraziləri artilleriya atəşinə tutmaqla mülki əhaliyə qarşı müxtəlif cinayətlər törətmişlər.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı, Goranboy və Daşkəsən rayonunun bir neçə kəndlərinin intensiv atəşə tutulması nəticəsində mülki əhali arasında həlak olanlar və yaralananlar var, o cümlədən çoxsaylı ev və mülki obyektlərə külli miqdarda ziyan dəymişdir.

Hazırkı vaxtadək ümumilikdə mülki əhalidən 9 nəfər müxtəlif dərəcəli bədən xəsarətləri alaraq xəstəxanalara yerləşdirilmişlər.

Həmçinin, bildiririk ki, düşmənin mülki obyektləri hədəfə alması nəticəsində bir sıra mülki evlərə külli miqdarda maddi ziyan dəymiş, o cümlədən xırda və iri buynuzlu heyvan və ot tayaları məhv edilmişdir.

Hazırda prokurorluq əməkdaşları tərəfindən döyüş şəraitində mümkün olan bütün istintaq əməliyyat tədbirləri həyata keçirilir, o cümlədən yaralananların aldıqları xəsarətlərin ağırlıq dərəcəsini, eləcə də mülki infrastruktur obyektlərinə dəymiş ziyanın məbləğini müəyyən etmək məqsədilə müvafiq ekspertizalar təyin edilmişdir.

İctimaiyyətə mütəmadi olaraq məlumatların verilməsi təmin olunacaqdır.

Kütləvi informasiya vasitələrindən, həmçinin sosial media istifadəçilərindən rəsmi olmayan və dəqiqləşdirilməmiş məlumatların ictimailəşdirilməməsi xahiş olunur".

147
Teqlər:
Baş Prokurorluq, ölənlər və yaralılar, cəbhə bölgəsi, erməni təxribatı, Ermənistan, Azərbaycan, Dağlıq Qarabağ
Mövzu:
Azərbaycan və Ermənistan arasında müharibə
Əlaqədar
Azərbaycan Odusunun uğurlu əməliyyatı nəticəsində bir sıra kəndlərimiz azad edilib
Ərdoğan Əliyevə zəng etdi: "Türkiyə Azərbaycanın yanındadır"
Rəsmi Bakı: Məsuliyyət tam olaraq Ermənistanın siyasi-hərbi rəhbərliyinin üzərinə düşür
Çavuşoğlu və Lavrov Qarabağdakı son durumu müzakirə etdilər
Müdafiə Nazirliyi məlumat yaydı: Vacib yüksəkliklər uğrunda döyüşlər aparırıq