Raket buraxılışı, arxiv şəkli

İran kosmosa adam göndərmək üçün çarə tapdı

44
(Yenilənib 20:58 21.10.2019)
Cavad Azari Cahromi: "İran öz kosmonavtını kosmosa göndərmək niyyətindədir, lakin Tehrana başqa ölkənin köməyi lazımdır"

BAKI, 21 oktyabr — Sputnik. İran öz kosmonavtını Beynəlxalq Kosmik Stansiyaya (BKS) göndərmək barədə Rusiya ilə danışıqlara başlamaq niyyətindədir.

Sputnik Azərbaycan Rusiya mediasına istinadla xəbər verir ki, bunu İran Kosmik Agentliyinin rəhbəri Morteza Barari bildirib.

"Tədqiqatçı-kosmonavt göndərmək üçün Rusiya ilə danışıqlara başlamaq zəruridir. BKS-də müxtəlif ölkələrdən çoxlu tədqiqatçılar var. Biz də digər ölkələrlə, misal üçün, Rusiya ilə kosmik stansiyaya kosmonavt göndərməyin mümkünlüyü ilə əlaqədar olaraq əməkdaşlıq edəcəyik", - deyə Barari Mehr agentliyinə bildirib.

İranın İnformasiya və Rabitə Texnologiyaları naziri Cavad Azari Cahromi isə bəyan edib ki, İran öz kosmonavtını kosmosa göndərmək niyyətindədir, lakin Tehrana başqa ölkənin köməyi lazımdır.

"Roskosmos"un rəhbəri Dmitri Roqozin isə jurnalistlərə deyib ki, daha əvvəl Rusiya və Birləşmiş Ərəb Əmirlikləri ikinci əmirlik kosmonavtının 2022-ci ildə Beynəlxalq Kosmik Stansiyaya uzunmüddətli uçuşu ilə bağlı danışıqlara başlayıb və bu barədə müqavilə gələn ilin ilk aylarında imzalana bilər.

Xatırladaq ki, BƏƏ vətəndaşı Hazaa əl-Mansuri oktyabrın 3-də rusiyalı Aleksey Ovçinin və amerikalı Nik Heyq ilə birlikdə BKS-dən Rusiyaya məxsus "Soyuz MS -12" kosmik gəmisinə qayıdıb. O, kosmosa uçan ilk əmirlik vətəndaşı və BKS-i ziyarət edən ilk ərəb kosmonavtı olub. Əl-Mansuri çəkisizlik şəraitində fiziki vəziyyətinin necə olduğunu izləmək başda olmaqla 16 elmi eksperiment aparıb. Hazaa əl-Mansuri çəkisizlik şəraitindəki fiziki vəziyyətini uçuşdan sonra bədəninin müxtəlif sistemlərinin göstəriciləri ilə müqayisə etmək, kosmosun ərəb dünyasının nümayəndəsinin orqanizminə necə təsir göstərdiyini müəyyənləşdirmək niyyətində olub.

44
Əlaqədar
İran da kosmosa çıxmaq istəyir
Gender bərabərliyi kosmosa da çıxır
Rusiya "Fyodor"un "nəvə"sini Aya göndərəcək
Kosmosda bir tarix gerçəkləşir - canlı yayımda görmək mümkündür

İlham Əliyev Azərbaycanı dəstəkləyən ölkələrin başçılarına məktublar ünvanlayıb

8
Prezident BMT TŞ-da Azərbaycanı dəstəkləyən ölkələrin dövlət və hökumət başçılarına məktublar ünvanlayıb.

BAKI, 25 oktyabr - Sputnik. Məlum olduğu kimi, bu günlərdə BMT Təhlükəsizlik Şurasında Ermənistan-Azərbaycan münaqişəsi ilə bağlı baş tutmuş müzakirələrdə Qoşulmama Hərəkatının və eyni zamanda, hazırda Təhlükəsizlik Şurasının üzvü olan ölkələr - İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadin təklif edilən sənəd layihəsinə Təhlükəsizlik Şurasının 1993-cü ildə qəbul edilmiş 822, 853, 874, 884 saylı qətnamələrinə istinadın daxil edilməsinə dair israrlı mövqe nümayiş etdiriblər. Nəticədə Təhlükəsizlik Şurasının daimi üzvləri olan ATƏT-in Minsk qrupunun həmsədr ölkələri hazırladıqları bəyanat layihəsini geri götürməyə məcbur olublar.

Sputnik Azərbaycan xəbər verir ki, bununla əlaqədar, Azərbaycan Respublikasının Prezidenti İlham Əliyev tərəfindən İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadinin dövlət və hökumət başçılarına məktublar ünvanlanıb.

Prezident İlham Əliyev, arxiv şəkli
© Official website of President of Azerbaijan Republic

Məktublarda BMT Təhlükəsizlik Şurasında keçirilmiş müzakirələr zamanı göstərdikləri prinsipial mövqeyə görə sözügedən ölkələrə təşəkkür ifadə olunub.

Məktublarda qeyd edilib ki, bu ölkələrin belə qəti mövqe sərgiləmələri onların Bandunq prinsiplərinə, Qoşulmama Hərəkatının dəyərlərinə sadiqliyini, multilateralizmə və beynəlxalq hüquqa olan hörmətini nümayiş etdirir. Bu mövqe ikitərəfli münasibətlərimizdə tarixi dostluq əlaməti kimi qəbul olunur.

Daha sonra məktublarda bildirilir ki, həmin ölkələrin davamlı dəstəyi münaqişənin beynəlxalq hüquq və Təhlükəsizlik Şurasının məlum qətnamələri əsasında həllinə töhfə verəcək.

Sonda isə ikitərəfli münasibətlərimizin, eləcə də BMT və Qoşulmama Hərəkatı çərçivəsində çoxtərəfli əməkdaşlığımızın uğurla inkişaf edəcəyinə əminlik ifadə olunub.

8
Mövzu:
Azərbaycan və Ermənistan arasında müharibə
Artilleriya atəşi, arxiv şəkli

Ermənistan ordusunun atəş nöqtələri məhv edilib - VİDEO

24
(Yenilənib 18:01 25.10.2020)
Azərbaycan silahlı qüvvələri işğalçı ordunun bölmələrinin atəş nöqtələrini məhv etməkdə davam edirlər.

BAKI, 25 oktyabr — Sputnik. Cəbhənin müxtəlif istiqamətlərində gedən döyüşlərdə Azərbaycan Ordusunun bölmələri öz üstünlüyünü qoruyub. Sputnik Azərbaycan bu barədə Müdafiə Nazirliyinə istinadən məlumat verir.

Oktyabrın 25-də aparılan uğurlu döyüş əməliyyatları zamanı düşmənin 2 artilleriya qurğusu, 2 BM-21 “Qrad”, 1 komanda qərargah maşını, 1 komanda idarəetmə məntəqəsi, 2 yük maşını, 1tank və bir neçə atəş nöqtəsi məhv edilib.

24
Mövzu:
Azərbaycan və Ermənistan arasında müharibə