Turistlər çadırda, arxiv şəkli

Mənim könlüm sərxoşdur ulduzların altında: bizi Avropada hiss etdirəcək yenilik gəlir

92
(Yenilənib 15:26 05.10.2019)
"Ola bilsin ki, gələcəkdə bizdə də milli parklarda gecələmə yerləri olsun. Eyni zamanda, insanlara çadır qurub qalmaq üçün şərait yaradılsın" - Hikmət Əlizadə

Zülfiyyə Quluyeva, Sputnik Azərbaycan

BAKI, 5 oktyabr — Sputnik. Azərbaycanda milli parkları turistlər üçün daha cəlbedici etmək üçün yeni sənəd hazırlanır. Ekologiya və Təbii Sərvətlər Nazirliyinin (ETSN) Bioloji Müxtəlifliyin Qorunması və Xüsusi Mühafizə Olunan Təbiət Ərazilərinin İnkişafı Departamentinin direktoru Hikmət Əlizadə bildirib ki, ölkənin milli parklarının inkişafı üzrə Milli Proqram hazırlanacaq. O qeyd edib ki, milli parklara səfər edənlərin sayını artırmağın yollarını fikirləşmək və bu sahədəki boşluqları müəyyən etmək lazımdır.

"Nəzərə alaq ki, 5-10 il əvvəl bütün milli parklara il ərzində səfər edənlərin sayı təxminən 3000 nəfər olub. Bu ilin ilk 8 ayında isə Milli Parklara 74217 turist səfər edib".

H.Əlizadə bildirib ki, bu il milli parklara səfər edənlərin 7286-sı əcnəbi, 66931-i yerli vətəndaşlar olub. Onun sözlərinə görə, ekoturizmi inkişaf etdirməklə həm ölkəmizi daha çox tanıda, həm də ölkənin gəlirlərini artıra bilərik.

Qeyd edək ki, milli parkların turizm məkanlarına çevrilməsi istiqamətində artıq bir müddətdir ki, iş aparılır.

 Bununla belə, milli parklara turistlərin kütləvi axını müşahidə olunmur. Halbuki, xarici ölkələrdə milli parklar vətəndaşların, turistlərin istirahət məkanına çevrilib.

Hikmət Əlizadə Sputnik Azərbaycan-a açıqlamasında milli parklarının inkişafı üzrə hazırlanacaq Milli Proqramın ekoturizmin inkişafına təsirlərindən danışıb.

O bildirib ki, milli park ənənəsi Azərbaycanda çox gəncdir: "Xarici ölkələrdə insanların milli parklarda istirahət etməsi ənənəsi 150 yaşa çatıbsa, Azərbaycanda bu, son 10-15 ili əhatə edir. Düzdür, son illər milli parklarda mühafizə işi, infrastrukturun təşkili istiqamətində iş aparılıb. Həmçinin turizm infrastrukturunun qurulması və təbliği işlərinə başlanılıb. Amma razılaşmaq lazımdır ki, bizdə bu, yüksək səviyyədə 10-15 ilə həyata keçiriləcək iş deyil. Biz əhali arasında təbliğat aparmalıyıq ki, milli parklar insanların istirahəti üçün ən əlverişli məkanlardan biridir. Bu məkanlar həm insanların sağlamlığı, həmçinin də təbiətlə canlı təması baxımından məsləhətlidir. Bir proqramı qəbul etməklə buna nail olacağımızı söyləsək, düzgün çıxmaz. Buna uzun müddət vaxt lazımdır ki, bu iş mərhələlərlə həyata keçsin".

"Hüzr dəftəri"ndən dünya sənədinə və ya Hirkanda cücərən böyük ümidlər - FOTO>>

Həmsöhbətimiz deyib ki, xaricdə milli parka getmək artıq insanların həyat tərzinə çevrilib: "Bu gün razılaşaq ki, keçmiş sovet ölkələrinin əksəriyyətində olduğu kimi, Azərbaycanda da problem olaraq qalır. Ona görə də milli parklarda daha məzmunlu xidmətlər göstərmək üçün planımızda bu istiqamətdə sənəd hazırlamaq da var. Təbii ki, bunun üçün xarici təcrübədən də bəhrələnəcəyik. Düşünürük ki, milli parkların davamlı inkişafı ilə bağlı bir sənəd hazırlanacaq".

Hikmət Əlizadə deyir ki, turistlərin, həmçinin yerli əhalinin milli parklarda qalması üçün yerlərin olması da vacibdir:

"Bir qədər kənarda yerləşən milli parklarda insanların qalması üçün yerlərin olması vacibdir. Amma bu qalma yerləri komfortlu otellər olmayacaq. Milli park ərazisində maksimum taxta evlər, kamplar ola bilər. Xarici ölkələrdəki milli parklardakı belə evlərdə televizor və digər komfort şərait yoxdur. Belə məkanlarda turistə milli parkda gecələmək, səhəri təbiət qoynunda açmaq üçün gecələmə yerinin olması kifayətdir. Ola bilsin ki, gələcəkdə bizdə də milli parklarda gecələmə yerləri olsun. Eyni zamanda, insanlara çadır qurub qalmaq üçün şərait yaradılsın".

Turizm üzrə ekpert Müzəffər Ağakərimov da milli parkların turizm və istirahət məkanına çevrilməsinin vaxtı çatdığını bildirib. O qeyd edib ki, milli parkların inkişafı üzrə Milli Proqram hazırlanarkən, belə məkanlarda qiymətlərin tənzimlənməsi, turizm şirkətləri ilə əməkdaşlıq da nəzərdə tutulmalıdır.

 M.Ağakərimov xarici ölkələrdə milli parkların insanların ən çox istirahət üçün üz tutduğu məkana çevrildiyini söyləyir: "Siz xarici ölkələrə getsəniz, görəcəksiniz ki, insanlar milli parklarda çox sərbəst dincəlirlər. Kimisi süfrə açıb yemək yeyir, kimisi də açıq havada yatır, qaçır, əylənir. Bizdə isə belə ənənə yoxdur. Həftəsonu insanlar Dənizkənarı Milli Parka üz tutsalar da, heç kəs yaşıl çəmənlikdə ailəvi palaz salıb dincəlmir. Milli parklarla bağlı bəzi qadağaları aradan qaldırmaq lazımdır ki, insanlar sərbəst dincələ bilsinlər. Əgər təbiət qoynundakı istirahət məkanları ilə milli parklarda dincəlmək qiymətləri eyni olsa, təbii ki, kütləvi axın olmayacaq. Bu məsələlərin yeni hazırlanacaq sənəddə nəzərə alınması üçün turizm ekspertləri ilə məsləhətləşmələr aparılmalıdır".

92
Teqlər:
gecələmə, turist, milli park, turizm
Mövzu:
Azərbaycanın görməli yerləri, turizm obyektləri (59)
Əlaqədar
"Şərqin qapısı"nı turistlər "baca"dan döyürlər və ya "mavi bayraq"dan bizdə niyə yoxdur?
Gəzməyə Azərbaycan, "ölməyə" ofis yaxşı - yorğunlar ordusu başına nə çarə qılsın?
Bütün dünya ölkələri vizadan imtina edə bilər, şərtləri də açıqlandı
Yaman əlhaya düşüblər, pulumuzu cibimizdə saxlamağa çalışırlar
Şəkinin turizm potensialını yeni təşkilat təbliğ edəcək
COVID-19 virusundan ölən şəxs

Bu aralar QİÇS-dən ölənlərin sayı kəskin arta bilər

6
(Yenilənib 00:13 03.12.2020)
BMT xəbərdarlıq edib ki, COVID-19 pandemiyası ilə əlaqədar olaraq QİÇS-dən ölənlərin sayı 150 minə qədər artıra bilər.

BAKI, 3 dekabr — Sputnik. BMT-nin QİÇS-lə bağlı ortaq proqramı olan UNAİDS-in hesabatına görə, COVID-19 pandemiyası 2022-ci ilədək, yəni təkcə növbəti ildə 300 minə yaxın yeni QİÇS yoluxmasına, eyni zamanda da 150 minədək QİÇS-dən ölümə səbəb olacaq.

Sputnik Azərbaycan-ın Türkiyə mediasına istinadən xəbərinə görə, yaranacaq vəziyyətin qarşısının alınması, ölümlərin sayının azalması, eləcə də QİÇS-lə mübarizə məsələsində ölkələr yeni hədəflər müəyyənləşdirməlidirlər.

Qeyd edək ki, hazırda dünyada 38 milyon insan QİÇS-lə yaşayır, onlardan 12 milyonu müalicəsini gözləyir. Statistikaya görə, təkcə ötən il 1,7 milyon şəxsdə ilk dəfə olaraq QİÇS aşkarlanıb.

6
Teqlər:
Koronavirus, epidemiya, COVID-19, Respublika QİÇS-lə Mübarizə Mərkəzi, QİÇS virusu, QİÇS, BMT
Haluk Levent

Müğənni koronavirusa görə işsiz qalanlar üçün xeyriyyə aksiyası keçirəcək

7
(Yenilənib 00:07 03.12.2020)
Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.

BAKI, 3 dekabr — Sputnik. Türkiyəli müğənni Haluk Levent növbəti xeyriyyə işi ilə gündəmə gəlib.

Sputnik Azərbaycan xəbər verir ki, Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.

O, 20 min ailəyə qida paketləri paylayacağını söz verib. Qeyd edək ki, Haluk Levent AHBAP adlı (Anadolu Halk ve Barış Platformu) xeyriyyə təşkilatının lideridir.

Müğənni olmaqla yanaşı, yardıma ehtiyacı olan insanlara kömək kampaniyaları ilə də məşhurdur. O, hətta ötən il Azərbaycanda xərçəng xəstəliyindən əziyyət çəkən Surə Nadirovanın müalicəsi üçün xeyriyyə konserti təşkil etmişdi.

Sənətçi bundan başqa, ötən ay İzmirdə baş verən zəlzələ nəticəsində sahibsiz qalan və yaralanan heyvanlara da yardım edib.

7