Kustar üsulla alkoqollu içkilərin hazırlanması və vergidən yayınma halları müəyyən edilib

Bu içkilər təkcə virusları yox, insanı da "həll edər" - FOTO

43
(Yenilənib 14:12 02.10.2019)
Vergilər Nazirliyi ölkə ərazisində aksiz markasız və ya saxta aksiz markası ilə markalanmış məhsulların istehsalı və satışı hallarının aradan qaldırılması istiqamətində nəzarət tədbirlərini davam etdirir

BAKI, 2 oktyabr — Sputnik. Vergilər Nazirliyi ölkə ərazisində aksiz markasız və ya saxta aksiz markası ilə markalanmış məhsulların istehsalı və satışı hallarının aradan qaldırılması istiqamətində nəzarət tədbirlərini davam etdirir.

Vergilər Nazirliyinin Vergi Cinayətlərinin İbtidai Araşdırılması Baş İdarəsinə daxil olmuş Ağstafa rayonu, Həsənsu kəndində yerləşən istehsal obyektində kustar üsulla alkoqollu içkilərin hazırlanması, eyni zamanda həmin məhsulların saxta aksiz markaları ilə markalanmaqla vergidən yayınması barədə əməliyyat məlumatları əsasında fiziki şəxs İsmayılov Arzu Aydın oğluna məxsus obyektdə həyata keçirilmiş operativ vergi nəzarəti tədbiri zamanı göstərilən hallar öz təsdiqini tapıb.

Kustar üsulla alkoqollu içkilərin hazırlanması və vergidən yayınma halları müəyyən edilib
© AR Ministry of Taxes
Kustar üsulla alkoqollu içkilərin hazırlanması və vergidən yayınma halları müəyyən edilib

Nazirlikdən Sputnik Azərbaycan-a məlumat verilib ki, vergi ödəyicisi 19.08.2024-cü il tarixədək fəaliyyətinin dayandırılması məqsədilə vergi orqanına müraciət etməsinə baxmayaraq, faktiki olaraq fəaliyyət göstərib. Obyektdə 3 nəfər fiziki şəxsin əmək müqaviləsi hüquqi qüvvəyə minmədən işlərin (xidmətlərin) yerinə yetirilməsinə cəlb edilib. Həmçinin burada kustar üsulla alkoqollu içkilərin hazırlandığı və həmin məhsulların saxta aksiz markaları ilə markalandığı dəqiqləşdirilib. Təsərrüfat subyektində 4955 ədəd saxta aksiz markaları, həmçinin 1036 ədəd hazır məhsulun saxta aksiz markaları ilə markalandığı və satış məqsədilə saxlanıldığı aşkar olunub.

İstehsal müəssisəsində insan sağlamlığı üçün təhlükəli olan "Растворитель 646" adlı həlledici məhlullar da aşkar olunub ki, həmin məhlulların vergi ödəyicisi tərəfindən alkoqollu içkilərin istehsalında istifadə edildiyi faktının araşdırılması üçün aidiyyəti üzrə Qida Təhlükəsizliyi Agentliyinin mütəxəssisləri araşdırmaya cəlb olunub.

  • Vergilər Nazirliyi ölkə ərazisində aksiz markasız və saxta aksiz markası ilə markalanmış məhsulların hazırlanması və vergidən yayınma halları müəyyən edib
    Vergilər Nazirliyi ölkə ərazisində aksiz markasız və saxta aksiz markası ilə markalanmış məhsulların hazırlanması və vergidən yayınma halları müəyyən edib
    © AR Ministry of Taxes
  • Vergilər Nazirliyi ölkə ərazisində aksiz markasız və saxta aksiz markası ilə markalanmış məhsulların hazırlanması və vergidən yayınma halları müəyyən edib
    Vergilər Nazirliyi ölkə ərazisində aksiz markasız və saxta aksiz markası ilə markalanmış məhsulların hazırlanması və vergidən yayınma halları müəyyən edib
    © AR Ministry of Taxes
  • Vergilər Nazirliyi ölkə ərazisində aksiz markasız və saxta aksiz markası ilə markalanmış məhsulların hazırlanması və vergidən yayınma halları müəyyən edib
    Vergilər Nazirliyi ölkə ərazisində aksiz markasız və saxta aksiz markası ilə markalanmış məhsulların hazırlanması və vergidən yayınma halları müəyyən edib
    © AR Ministry of Taxes
  • Kustar üsulla alkoqollu içkilərin hazırlanması və vergidən yayınma halları müəyyən edilib
    Kustar üsulla alkoqollu içkilərin hazırlanması və vergidən yayınma halları müəyyən edilib
    © AR Ministry of Taxes
  • Kustar üsulla alkoqollu içkilərin hazırlanması və vergidən yayınma halları müəyyən edilib
    Kustar üsulla alkoqollu içkilərin hazırlanması və vergidən yayınma halları müəyyən edilib
    © AR Ministry of Taxes
1 / 5
© AR Ministry of Taxes
Vergilər Nazirliyi ölkə ərazisində aksiz markasız və saxta aksiz markası ilə markalanmış məhsulların hazırlanması və vergidən yayınma halları müəyyən edib

Vergilər Nazirliyi bir daha xatırladır ki, aksiz markasız və ya saxta aksiz markası ilə markalanmış məhsulların satışı qanunvericiliklə qadağandır və vergi orqanları belə halların qarşısının alınması və təqsirkar şəxslərin məsuliyyətə cəlb olunması istiqamətində tədbirləri davam etdirəcək. Vətəndaşlar belə malların satışı faktlarına rast gəldikdə, Vergilər Nazirliyinə müraciət etməlidirlər. Siz bununla həm özünüzü qorumuş olacaqsınız, həm də dövlət büdcəsinə vergilərin ödənilməsindən yayınmaların qarşısını almağa xidmət edəcəksiniz.

43
Teqlər:
Vergilər Nazirliyi, sex, spirtli içki, içki
Əlaqədar
Şəhərin mərkəzində iyrənc görüntü – Restoranın fəaliyyəti dayandırıldı
Dəli balanın gözəl anası üçün Şamaxıda xüsusi müəssisə tikirlər - milyonlar gətirəcək
Bizi zəhərləyə bilməyəcəklər – Gömrük işçiləri külli miqdarda alkoqollu içki tutdular
Energetik içkilərin reklamının qadağan olunması təklif edilib
Kədəri nəşəsindən artıq olan “nemət”: Həyatımızı fərqli yanaşma xilas edər
Sarımsaq, arxiv şəkli

Təbii antibiotik zərərli imiş

14
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

14
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq
KİV nümayəndələrinin siluetləri

Azərbaycanlı fotoqraflar Beynəlxalq Federasiyanın fəxri adlarını aldılar

9
(Yenilənib 23:20 05.12.2020)
Nurlan Tahirli, Valeri Xlizov, Aleksandr Firstov UNESCO-nun təqdir etdiyi məşhur təşkilatın şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər

BAKI, 5 dekabr - Sputnik. Azərbaycanın "Gilavar" fotoklubunun dəstəyi ilə azərbaycanlı fotoqraflar Beynəlxalq Foto Sənəti Federasiyasının (FIAP) fəxri adlarına layiq görülüblər. 

Sputnik Azərbaycan-a fotoklubun mətbuat xidmətindən verilən məlumata görə, bu, UNESCO-nun tanıdığı yeganə fototəşkilatdır. 

Onun fəxri adlarını almaq üçün fotoqraflar xüsusi qaydalara riayət etməlidirlər: FIAP-ın müxtəlif ölkələrdə keçirdiyi müsabiqələrə qatılmalıdırlar, onların fotoqrafiyaları bədii və texniki ustalıq nöqteyi-nəzərindən təqdir olunmalı və onlar mükafat qazanmalıdırlar. Bunlardan əlavə, təşkilatın bədii komissiyasının və direktorlar şurasının üzvlərinin səsləri də nəzərə alınmalıdır. 
Azərbaycanlı fotoqraflar Nurlan Tahirli, Valeri Xlizov, Aleksandr Firstov şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər. Bu adlar ildə bir dəfə verilir. 2016-cı ildən bəri fəxri adlar alan azərbaycanlı fotoqrafların sayı artaraq yeddiyə çatıb. 

Qeyd edək ki, İlqar Cəfərov və Rəşad Mehdiyev AZƏRTAC Dövlət İnformasiya Agentliyinin fotojurnalistləridir. Onların hər ikisi İkinci Qarabağ müharibəsi zamanı cəbhəyanı və işğaldan azad olunmuş ərazilərdə çəkilişlər aparıblar.

9
Teqlər:
fəxri adlar, fotoqraf, azərbaycanlı