İş yeri, arxiv şəkli

Daha gizlədə bilməyəcəklər, çünki üzü astarından baha başa gələcək

478
(Yenilənib 15:26 31.08.2019)
Ekspert: "Bir sıra hallarda işəgötürənlər çalışırlar ki, yeni iş yeri ilə bağlı hər hansı bir informasiya rəsmi qeydə alınmasın"

Xalid Məmmədov, Sputnik Azərbaycan

BAKI, 31 avqust — Sputnik. Prezident İlham Əliyev İnzibati Xətalar Məcəlləsinə dəyişiklikləri təsdiqləyib. Sputnik Azərbaycan-ın məlumatına görə, dəyişikliyə əsasən, 540-cı maddə (Məşğulluq haqqında qanunvericiliyin pozulması) yeni redaksiyada verilir. Yeni 540.2-ci maddəyə görə, işəgötürən tərəfindən yeni iş yeri yarandığı və ya iş yeri boşaldığı gündən ən geci 5 iş günü müddətində əməkhaqqı göstərilməklə bu barədə məlumatların müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilmiş qaydada və formada mərkəzləşdirilmiş elektron informasiya sisteminə daxil edilməməsinə görə 500 manatdan 1000 manatadək məbləğdə cərimə ediləcək. Burada "orqan (qurum)" dedikdə Nazirlər Kabineti nəzərdə tutulur.

İşəgötürən tərəfindən yeni iş yerinə dair məlumatın verilməməsi ilə bağlı iqtisadçı-ekspert Rəşad Həsənov Sputnik Azərbaycan-a deyib ki, bu gün hələ də işəgötürənlərin böyük əksəriyyəti əmək bazarında qeyri-leqal münasibətlərin formalaşmasının əsas iştirakçılarıdır: "Təhlillər göstərir ki, bu gün Azərbaycanda məşğul əhalinin təxminən üçdə birinin hansısa formada əməyi hüquqi şəkildə təsbit olunub. Məşğul əhalinin üçdə ikisi və yaxud 65 faizindən çoxu isə qeyri-leqal əmək bazarının iştirakçılarıdır. Təxminən bu göstəricilərə uyğun indikatorlar məşğulluq strategiyasında öz əksini tapıb".

Onun sözlərinə görə, bir sıra hallarda işəgötürənlər çalışırlar ki, yeni iş yerinin yaranması ilə bağlı hər hansı bir informasiya rəsmi qeydə alınmasın: "Çünki həmin iş yeri üçün cəlb edəcəyi şəxsi əksər hallarda qeyri-qanuni şəkildə prosesə cəlb edir. Bu da vergi ödənişlərindən yayınma cəhdi hesab olunur. Xərcləri aşağı salmaq məqsədilə sahibkarlar bu kimi hallara tez-tez yol verirlər".

O bildirib ki, amma digər tərəfdən, buna paralel olaraq Əmək və Əhalinin Sosial Müdafiəsi Nazirliyinin təşəbbüsü əsasında iş bankı formalaşdırılır: "Bunun əsas tərəflərindən biri də işəgötürənlərdir. Əgər işəgötürənlər məlumatları bu bazada yerləşdirməsə, əmək bazarında baş verən dinamikanın uçotunun dəqiq aparılması mümkün olmur. Eyni zamanda əməkçilərin hüquqlarının qorunması ilə bağlı aidiyyəti dövlət qurumları doğru-düzgün tədbirlər də görə bilmirlər. Əmək bazarında baş verən dinamika, işdən çıxarma, işəgötürmə ilə bağlı informasiyaların əldə olunması və onlara əlçatanlıq məşğulluqla bağlı dövlət siyasətinin aparılmasında, növbəti dövrlər üçün strategiyaların hazırlanmasında əsas məqamlardır. Bu, eyni zamanda son dövrlər qarşıya qoyulmuş məqsədlərdən biri hesab olunan qeyri-leqal əmək bazarı ilə mübarizə tədbirlərinin də effektivliyinin artmasına gətirib çıxarda bilər".

"Son dövrlərdə qanunvericiliyə edilən dəyişikliklər, o cümlədən İnzibati Xətalar Məcəlləsinə edilən dəyişikliklər məhz mövcud istiqamətdə status-kvonun dəyişməsinə hədəflənib"-deyə ekspert əlavə edib.

Qeyd edək ki, 540-cı maddəyə olan digər dəyişikliyə görə, işəgötürən tərəfindən müvafiq icra hakimiyyəti orqanının müəyyən etdiyi orqana (quruma) həmin orqanın göndərişi ilə işə qəbul edilənlər, o cümlədən kvota üzrə işə qəbul edilənlər və işdən çıxarılanlar haqqında aylıq hesabatların təqdim edilməməsinə görə 300 manatdan 500 manatadək məbləğdə cərimə ediləcək.

540-cı maddəyə olan digər bir dəyişikliyə görə, Əmək Məcəlləsində nəzərdə tutulan hallar istisna olmaqla, işəgötürənin təşəbbüsü ilə istehsalın səmərələşdirilməsi, əməyin təşkilinin təkmilləşdirilməsi, müəssisənin ləğv edilməsi, işçilərin sayının və ya ştatların ixtisar edilməsi ilə əlaqədar olaraq işçilərin sərbəstləşdirilməsinin işəgötürən tərəfindən müvafiq həmkarlar ittifaqı orqanlarına əvvəlcədən (azı 3 ay əvvəl) yazılı məlumat verilmədən və ya işçilərin hüquqlarının və mənafelərinin gözlənilməsi barədə onlarla danışıqlar aparılmadan həyata keçirilməsinə görə 500 manatdan 1000 manatadək məbləğdə cərimə ediləcək.

478
Polis əməkdaşı, arxiv şəkli

Əvvəl "qələbə"yə sevinirdilər, tezcə peşman oldular - VİDEO

1
(Yenilənib 18:34 04.06.2020)
Qeyd olunan cinayət əməllərini törətməkdə şübhəli bilinən şəxslər tutularaq istintaqa cəlb olunublar. Onlar barəsində məhkəmənin qərarı ilə həbs qətimkan tədbiri seçilib.

 

BAKI, 4 iyun — Sputnik. Bakı Metropolitenində polisin qanuni əmrinə tabe olmayan şəxslər barəsində məhkəmənin qərarı ilə həbs qətimkan tədbiri seçilib.

Sputnik Azərbaycan Daxili İşlər Nazirliyinin məlumatına istinadla xəbər verir ki, Bakı Metropolitenində xüsusi karantin rejiminə nəzarəti həyata keçirən polis əməkdaşlarının qanuni tələblərinə tabe olmayaraq onlara qarşı müqavimət göstərməyə cəhd edərək ictimai yerdə xuliqanlıq hərəkətlərinə yol verən Bakı şəhər sakinləri Tatyana Ulankina, Ramin Baxışov, Allahverdi İmanquliyev, Şirzad Şirzadov, Taleh Baxşıyev Sərvan Kərimov saxlanılmışlar. Buyurun, onların özlərini dinləyək:

Faktla bağlı Cinayət Məcəlləsinin 139-1-ci (Epidemiya əleyhinə rejimin, sanitariya-gigiyena və ya karantin rejimlərinin pozulması) və 221-ci (Xuliqanlıq) maddələri ilə cinayət işi başlanıb, zəruri istintaq və əməliyyat tədbirləri davam etdirilir.

Qeyd olunan cinayət əməllərini törətməkdə şübhəli bilinən şəxslər tutularaq istintaqa cəlb olunublar. Onlar barəsində məhkəmənin qərarı ilə həbs qətimkan tədbiri seçilib.

1
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Elə bilirdik bu cəhənnəmdən qurtulmuşuq - Karantinin yumşalması ilə qayıdıb
Ehsan Zahidov metrodakı davaya aydınlıq gətirdi
“İnanırsan, ya inanmırsan”: günümüzün ən mühüm sualı
Koronavirus əleyhinə daha bir mübarizə metodu - deyin, "pendir..."
ABŞ-da etirazlar

Biz şokdayıq: azərbaycanlılar ABŞ-dakı iğtişaşlardan danışdılar

38
(Yenilənib 18:07 04.06.2020)
ABŞ-da yaşayan azərbaycanlılar burada kütləvi iğtişaşların şahidi ola biləcəklərini ağıllarına belə gətirməyiblər və belə şeyləri yalnız kinoda görüblər.

BAKI, 4 iyun — Sputnik, Kəmalə Əliyeva. ABŞ-da yaşayan azərbaycanlılar pols tərəfindən qaradərili Corc Floydun öldürürülməsindən sonra ikinci həftədir bu ölkədə davam edən kütləvi iğtişaşlardan şokdadırlar. Aksiyalar soyğun, talan, yandırma ilə müşayiət olunur. Bir sıra şəhərlərə Milli qvardiya yeridilib, komendant saatı elan olunub. Lakin bununla iğtişaşların qarşısını almaq mümkün olmayıb.

ABŞ-da yaşayan və işləyən azərbaycanlılar bu hadisələr barədə öz təəssüratlarını Sputnik Azərbaycan-la bölüşüblər.

“Dəyirman” qrupunun eks-solisti Elmir Məhərrəmov etiraf edib ki, bütün qohumları və yaxınları vəziyyətinin necə olduğunu öyrənmək üçün hər gün ona zəng edirlər.

"Çoxları mənə, ailəmə görə narahatdır. Bizdə hər şey yaxşıdır, lakin şəhərin mərkəzindəki bəzi yerlərdə kütləvi iğtişaşlar baş verir. Çox şükür, şəhərin bizim hissəsində sakitlikdir, amma buna baxmayaraq, bir həftə davam edəcək komendant saatı elan olunub", - Məhərrəmov deyib.

Azərbaycanın ilk moda blogeri, daha çox Iblondee kimi tanınan model Günel İsmayıllı bildirib ki, heç vaxt ABŞ-da kütləvi iğtişaşların şahidi ola biləcəyini ağlına belə gətirməyib və belə şeyləri yalnız kinoda görüb. İsmayıllı etiraf edib ki, onda və bir çox yerli sakində helikopter və polis maşınlarının səsindən artıq posttravmatik sindrom əmələ gəlib.

"Mən neçə ildir, ABŞ-da yaşayıram və heç vaxt belə bir şey görməmişəm. Baş verənlərdən şokdayam. Bu, dəhşətdir. Nyu-Yorka baxanda ürəyim ağrıyır. Bilmirəm, bu nə vaxt qurtaracaq. Hətta iğtişaşlar bitdikdən sonra, məncə, insanların özlərinə gəlməsi üçün vaxt lazım olacaq", - İsmayıllı deyir.

Посмотреть эту публикацию в Instagram

Karantin günləri sizə nələr öyrətdi? Bizə anın dəyərini, fəsillərin önəmini, zamanın qiymətini 🍀

Публикация от Röya & Rizvan (@roya_rizvan)

Birlikdə səyahət edən azərbaycanlı Rizvan Əliyev Röya Miriyeva da hazırda ABŞ-dadırlar. Onlar green-card udduqdan sonra bu ölkəyə gəliblər. İğtişaşlara görə Əliyev və Miriyeva daha sakit yerə köçüblər.

"Artıq dörd gündür ki, dostlarımızın evindəyik. Hələlik onlarda qalmaq fikrindəyik. Ölkədə hər şeyin sakitləşməsini gözləyirik. Praktiki olaraq evdən çıxmırıq. Bildiyiniz kimi, bu aksiyaların səbəbi qaradərilinin öldürülməsidir və məncə, etirazlar ədalətlidir. İnsanları irqlərə bölmək olmaz", - cütlük hesab edir.

Onların sözlərinə görə, mitinqlər iğtişaşlarla müşayiət olunur, insanlar qarşılarına çıxan hər şeyi məhv edirlər, dükanları soyurlar. Rizvanla Röya bildirirlər ki, baş verənləri sözlə ifadə etmək çətindir, lakin hər şey tezliklə bitəcək.

Посмотреть эту публикацию в Instagram

I enjoy with Hawaii 😍 #hawaii #honolulu #fosterbotanicalgarden #turgutpics

Публикация от 𝒯𝓊𝓇𝑔𝓊𝓉 𝒜𝓁𝒾𝑒𝓋® (@turgut.aliev)

Turqut Əliyev hər gün öz bloqunda videolar paylaşır və orada ABŞ-da olanları göstərir. Onun sözlərinə görə, etirazların çoxu Los-Ancelesdə keçirilir.

Посмотреть эту публикацию в Instagram

Los Angeles Always Shows Out ! #losangeles #fyp #la #protest

Публикация от 𝒯𝓊𝓇𝑔𝓊𝓉 𝒜𝓁𝒾𝑒𝓋® (@turgut.aliev)

"Bizi hətta işdən tez buraxırlar, çünki adətən mitinqlər günortadan sonra başlayır. Üç gün ərzində ABŞ-ın üç böyük şəhəri, demək olar ki, məhv edilib. Bir qisim insan irqçiliyin əlehyinə çıxış edir, digərləri isə vəziyyətdən istifadə edərək dükanlardan hər şeyi oğurlayırlar. Onlar yalnız dövlət deyil, özəl müəssisələri də dağıdırlar. Bütün bunlara baxmaq mümkün deyil", - Əliyev qeyd edib.

38
Əlaqədar
ABŞ-da etirazların başlamasından bəri doqquz mindən artıq insan saxlanılıb
Özlərinə qənim kəsilənlər - Rusiya və Çinin ABŞ-a edə bilmədiklərini Donald Tramp edir
Biz sizi sevirik: amerikalı polis Kaliforniyada etirazçılar qabağında diz çökdü – VİDEO
Xarici ölkədə yaşayan azərbaycanlılara xəbərdarlıq edildi
Amerika seçim qarşısında: irqçilik və ya anarxiya