Lilpar Abbasovanın əsərləri

Yumurtanı sındırıb iki yüz manatlıq əsər yaratdı - şəmkirli rəssamdan yeni trend

859
(Yenilənib 18:51 20.08.2019)
Hər bir kəşf təsadüf nəticəsində yaranır. Xoşagəlməz bir hadisə isə qəhrəmanımıza yeni ideya bəxş edib. İndi o, dünyada tanınmaq istəyir

İlham Mustafa, Sputnik Azərbaycan

BAKI, 20 avqust — Sputnik. Şəmkirli rəssam Lilpar Abbasova maraqlı bir yeniliyə imza atıb. O, əsərlərini tullantı sayılan yumurta qabıqlarından istifadə edərək ərsəyə gətirir. Onun əsas xammal mənbəyini isə şirniyyat sexləri təmin edir.

Şəmkirli rəssam Lilpar Abbasova
© Sputnik / Ilham Mustafa
Şəmkirli rəssam Lilpar Abbasova

Rəssam Sputnik Azərbaycan-ın bölgə müxbirilə söhbətində olduqca böyük səbr və incəlik tələb edən bu işin rəssamlıqda bir ilk olduğunu söyləyib: "Mən həmişə yenilik etməyə həvəsli olmuşam. Yumurta qabığı da onlardan biri oldu. Bu işə başlayan gündən internet üzərindən araşdırmalar aparmışam. İndiyədək incəsənətdə yumurta üzərində müəyyən işlər görənlər olsa da, ondan böyük tablolar hazırlamaq bir ilkdir".

Onun əsas xammal mənbəyi şirniyyat sexləridir
© Sputnik / Ilham Mustafa
Onun əsas xammal mənbəyi şirniyyat sexləridir

Bu ideyanın isə təsadüf nəticəsində yarandığını deyib: "Yola çıxmalı idim. Tələsik yumurtaları soyuducuya qoymaq istəyirdim ki, biri döşəməyə düşüb sındı. Təmizləməyə vaxt olmadığından elə saxlayıb çıxdım. Bir neçə gündən sonra evə qayıtdıqda gördüm, çox bərk yapışıb. Təmizləmək istədim. Sildim, islatdım, yenə qopmadı. Başladım üzərində təcrübə aparmağa. Əvvəl karandaş vurdum, gördüm, qəşəng yazılır. Sonra boya vurdum, rəngi də şəffaf şəkildə götürdü. Daha sonra onu qoparıb boyalı şəkildə qoydum eyvana. İki aydan sonra baxdım ki, rənglər necə vurulub, elə də üzərindədir və başladım istifadə etməyə".

Böyük səbr və incəlik tələb edən bu iş rəssamlıqda bir ilkdir
© Sputnik / Ilham Mustafa
Böyük səbr və incəlik tələb edən bu iş rəssamlıqda bir ilkdir

Rəssam bu cür əsərlərin bir neçə üsulla hazırlandığını deyir. Əvvəl tablo üzərində əsərin eskizi işlənir, sonradan yumurta qabığı lövhə üzərinə yapışdırılır. Quruduqdan sonra isə qabığın üzərinə lazımi boyalar və digər maddələr vurularaq rəsm halına salınır. Buna da təxminən 2 həftəyə qədər vaxt sərf olunur. O, həmçinin yumurta qabığından istifadə etməklə 3D formatında da rəsmlər çəkir.

L.Abbasovanın sözlərinə görə, bu cür rəsmlərə ölkəmizlə yanaşı, xaricdə də maraq böyükdür.

Lilpar Abbasova əsərlərini tullantı sayılan yumurta qabıqlarından istifadə edərək ərsəyə gətirir
© Sputnik / Ilham Mustafa
Lilpar Abbasova əsərlərini tullantı sayılan yumurta qabıqlarından istifadə edərək ərsəyə gətirir

"Əsərlər rayonun Gənclər Mərkəzində nümayiş olunur. Dəfələrlə olub ki, buraya gələn xaricilər bəyəndikləri əsəri alaraq aparıblar. Çox vaxt onlar ikinci dəfə ölkəmizə gələrkən yenə alış məqsədilə buraya üz tutublar. İnsanlar zəif və zərif bir maddədən bu cür gözəl əsərlər yaranmasına çox maraq göstərirlər", - deyən L.Abbasova rəsmlərin 80-200 manat arası dəyərləndirildiyini bildirib.

Lilpar Abbasova rəssamlığın bu növünə həvəs göstərən yeniyetmələr üçün dərnəklər təşkil edərək onlara yumurta qabığından rəsmlər çəkməyin incəliklərini öyrədir. O, öyrətdiyi dərnək üzvlərilə birgə 1500-dən artıq əsər hazırladığını deyir.

  • Lilpar Abbasovanın sözlərinə görə, bu cür rəsmlərə ölkəmizlə yanaşı, xaricdə də maraq böyükdür
    Lilpar Abbasovanın sözlərinə görə, bu cür rəsmlərə ölkəmizlə yanaşı, xaricdə də maraq böyükdür
    © Sputnik / Ilham Mustafa
  • Lilpar Abbasovanın tələbələri
    Lilpar Abbasovanın tələbələri
    © Sputnik / Ilham Mustafa
  • Lilpar Abbasovanın tələbəsi
    Lilpar Abbasovanın tələbəsi
    © Sputnik / Ilham Mustafa
1 / 3
© Sputnik / Ilham Mustafa
Lilpar Abbasovanın sözlərinə görə, bu cür rəsmlərə ölkəmizlə yanaşı, xaricdə də maraq böyükdür

O, ideya müəllifi olduğu bu üsulun məhz ona aid olmasını sübut edən patentlik və müəllif hüquqluğu əldə etmək niyyətindədir. Bütün rəssamlar kimi, o da əsərlərinin dünyada tanınmağını, şəxsi sərgilərinin keçirilməsini istəyir.

859
Teqlər:
əsər, yumurta, incəsənət, rəssam
Əlaqədar
Barmaqların arasından qumla süzülən həyat hekayələri - REPORTAJ
Şəhid çəkməsini nənniyə qoyub ağlayan ananın izi ilə - "Qürubda Nəsimini yaratdım"
Azərbaycanda bu işi yalnız o bacarır - müəllimdən "Ginnesin Rekordlar Kitabı" üçün iddia
Gəncədə vəziyyət

Məşhur türk müğənni konsertindən gələn gəliri gəncəlilərə bağışlayacaq

0
(Yenilənib 23:15 21.10.2020)
Ayhan Ulu (Pau) “Twitter” hesabında Gəncəylə bağlı paylaşımları ilə diqqət çəkib. O, erməniləri müdafiə edən eks-model Tuğba Özayla da dava edib

BAKI, 21 oktyabr — Sputnik. Ötən həftə Azərbaycanın ikinci böyük şəhəri sayılan Gəncədə ermənilərin törətdiyi 3-cü terror hadisəsinin qurbanları  dünyanın bir çox ölkələrində anılıb. Bundan başqa, Türkiyənin məşhur sənət adamları da buna səssiz qalmayıblar. Sputnik Azərbaycan xəbər verir ki, sözügedən ölkənin ulduzu Ayhan Ulu (Pau)  da “Twitter” hesabında Gəncəylə bağlı paylaşımları ilə diqqət çəkib. O, erməniləri müdafiə edən eks-model Tuğba Özayla da dava edib.

Bundan başqa, İzmirin məşhur ifaçılarından olan Pau bir neçə konsertinin gəlirini Gəncə qətliamından zərər görən şəxslərə bağışlayacağını bildirib: "Gələn həftə konsertlərimdən götürəcəyim gəliri Gəncə xalqına bağışlayacağam. Həmişə yanınızdayam. Azərbaycana hər zaman dəstək verəcəyəm".

Qeyd edək ki, Türkiyənin dünya şöhrətli müğənnisi, meqastar Tarkan da Gəncədə baş verən terrora səssiz qalmayıb. O,  “Instagram” hesabında ermənilərin Gəncəyə xain hücumunu pisləyən paylaşım edib.

“Dualarım qardaş ölkə Azərbaycanladır. Xain hücumlarda həyatını itirənlərə allahdan rəhmət, ailə və yaxınlarına başsağlığı, yaralılara şəfa diləyirəm. Çox kədərliyəm. Qəlbim Azərbaycan xalqı ilədir”, - ulduz müğənni qeyd edib.

0
Teqlər:
dəstək, konsert, müğənni, məşhurlar, Türkiyə, ölənlər və yaralılar, erməni təxribatı, raket zərbələri, Gəncə
Mövzu:
Azərbaycan və Ermənistan arasında müharibə
Əlaqədar
Erməni terrorunun qurbanları dünyanın dörd bir yanında anıldı
Qəlbimiz Azərbaycanla döyünür - Türkiyə müxalifətinin lideri
Gəncə istiqamətində Ermənistanın PUA-sı məhv edildi
Bir gecədə üç nəvəsini itirən Sənayət nənə: “Ləman bu il tələbə olacaqdı” – video
Türk ulduzları Gəncə terroruna səssiz qalmayıblar
Kompüter arxasında qız, arxiv şəkli

Azərbaycanda Kommunal Xidmətlər üzrə Vahid İnformasiya Sisteminin sınaqlarına başlanacaq

2
(Yenilənib 23:08 21.10.2020)
Bu, istehlakçıların bütün kommunal xidmətlər üzrə onlara aid məlumatları vahid şəxsi kabinet üzərindən idarə etmələrinə imkan yaradır

BAKI, 21 oktyabr — Sputnik. Kommunal Xidmətlər üzrə Vahid İnformasiya Sistemi və Vahid Çağrı Mərkəzinin yaradılması nəzərdə tutulur.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O qeyd edib ki, "Açıq hökumətin təşviqinə dair 2020-2022-ci illər üçün Milli Fəaliyyət Planı"na əsasən, Kommunal Xidmətlər üzrə Vahid İnformasiya Sistemi və Vahid Çağrı Mərkəzinin yaradılması nəzərdə tutulur: “"Dövlət informasiya ehtiyatları və sistemlərinin formalaşdırılması, aparılması, inteqrasiyası və arxivləşdirilməsi Qaydaları"nın təsdiq edilməsi və elektron hökumətlə bağlı bəzi tədbirlər haqqında Azərbaycan Respublikası Prezidentinin Fərmanı ilə Kommunal Xidmətlər Vahid İnformasiya Sisteminin operatoru funksiyaları Energetika Nazirliyinə həvalə edilib.

Cari ilin sonuna kimi "ASAN xidmət" tərəfindən sistemin test fazasına başlanması planlaşdırılır. Bu, istehlakçıların bütün kommunal xidmətlər üzrə onlara aid məlumatları vahid şəxsi kabinet üzərindən idarə etmələrinə imkan yaradır. Kommunal xidmətlər üzrə vahid informasiya bazasının yaradılması bu sahədə həyata keçirilən siyasətin mərkəzləşdirilməsi və sistemləşdirilməsi, müvafiq xidmətlər üzrə müraciətlərin vahid platformadan ünvanlanması, bu xidmətlərin hər kəs üçün daha əlçatanlığı və fasiləsizliyi, yaranan çətinliklərin operativ həlli baxımından faydalıdır”.

“Vətəndaş müraciətlərinin obyektiv araşdırılaraq cavablandırılması, xidmətlərin icrası zamanı sui-istifadə hallarının qarşısının alınması, xidmətlərin icra vəziyyətinə dair mərkəzləşdirilmiş təhlil və hesabatların aparılması, istifadəçilər tərəfindən xidmətin keyfiyyətinə dair təklif və iradların toplanması, həmçinin vətəndaş məmnunluğunun artırılması məqsədilə yaradılacaq Vahid Çağrı Mərkəzinin formalaşdırılması ilə bağlı Konsepsiya layihəsi də Nazirlər Kabinetinə təqdim edilib. Bütün bu tədbirlər açıqlıq, şəffaflıq və hesabatlılıq prinsiplərini əsas tutaraq dövlət xidmətlərinin təkmilləşdirilməsinə, ictimai nəzarətin gücləndirilməsinə xidmət edəcək”, - deyə nazir bildirib.

2