Rəna Şereşevskaya-Mustafabəyli

Azərbaycanlı sənətkar Fransanın ali mükafatına layiq görülüb

577
(Yenilənib 19:16 14.08.2019)
Fransanın mədəniyyət naziri Frank Rister azərbaycanlı pianoçunun Fransanın dörd ali mükafatından birinə layiq görülməsi barədə fərman imzalayıb.

BAKI, 14 avqust — Sputnik. Azərbaycan əsilli rus-fransız pianoçu Rəna Şereşevskaya-Mustafabəyli Fransanın İncəsənət və Ədəbiyyat Ordeninə layiq görülüb.

Şereşevskaya-Mustafabəylinin həmkarlarının Sputnik Azərbaycan-a verdiyi məlumata görə, bu barədə fərmanı Fransanın mədəniyyət naziri Frank Rister imzalayıb.

Cəngi etno-caz qrupu
© Mədəniyyət Nazirliyinin mətbuat xidməti

İncəsənət və Ədəbiyyat Ordeni Fransa və bütün dünyanın görkəmli mədəniyyət xadimlərini fərqləndirmək üçün verilən Fransanın dörd ali mükafatından biridir.

Müxtəlif illərdə bu mükafat Serj Lifar, Mayya Plisetskaya, Mstislav Rostropoviç, Qalina Vişnevskaya, Aleksandr Soljenitsın, Yuri Lyubimov, Qalina Ulanova, Boris Eyfman, Valeri Gergiyev, Pavel Koqan, Pavel Lungin, Anatoli Vasilyev, Yuri Norşteyn, Vasili Aksyonov və başqalarına verilib.

Rəna Şereşevskaya-Mustafabəyli 1954-cü il iyunun 17-də Bakıda geoloq ailəsində anadan olub. Dörd yaşında onun böyük musiqi qabiliyyəti və istedadı üzə çıxıb. 1972-ci ildə Ü.Hacıbəyov adına Azərbaycan Dövlət Konservatoriyası nəzdində Bülbül adına Orta İxtisas Musiqi Məktəbini tanınmış pedaqoq Y.L.Filatovanın fortepiano sinfi üzrə əla qiymətlərlə bitirib. Elə həmin il P.İ.Çaykovski adına Moskva Dövlət Konservatoriyasında L.N.Vlasenkonun sinfinə daxil olub. Konservatoriyadan sonra aspiranturanı da fərqlənmə ilə bitirib.

70-ci illərdə Şereşevskaya-Mustafabəyli SSRİ-də və müxtəlif ölkələrdə bir çox solo və simfonik konsertlər verib. 1980-ci ildən başlayaraq o, Moskva Konservatoriyası nəzdində Mərkəzi Orta İxtisas Musiqi Məktəbində istedadlı uşaqlara dərs deyib.

Gözünün nurundan məhrum olan pianinoçunun əzabkeş əllərindən çalınan notlar>>

1990-cı ildə İppolitov-İvanov adına Dövlət Pedaqoji Musiqi İnstitutunun fortepiano kafedrasına müdir vəzifəsinə dəvət edilib. Həmin dövrdə o, orta ixtisas və ali təhsil məktəblərində fortepianonun tədrisi metodikasının tərtib olunması işinə başçılıq edib. Onun təklifi və rəhbərliyi ilə gənc ifaçıların İppolitov-İvanov adına birinci Ümumittifaq müsabiqəsinə start verilib.

1993-cü ildə Şereşevskaya-Mustafabəyli dəvət olunmuş professor kimi Kolmar Konservatoriyasında işləməyə başlayıb, sonra beş il ərzində paralel olaraq Paris Ali Milli Konservatoriyasında işləyib, ixtisasartırma kurslarında dərs deyib.

Rəna Şereşevskaya-Mustafabəyli Fransa, İtaliya, ABŞ, Kanada, Monako, İsveçrə, Çin və Yaponiyada ustad dərsləri keçir. Onun yetirmələri beynəlxalq müsabiqələrin laureatlarıdır. Onlar dünyanın aparıcı konsert salonlarında – "Pleyyel", "Karneqi-Holl", "Albert-Holl", Berlin Milli Filarmoniyası, Moskva Konservatoriyasının Böyük salonu və digər səhnələrdə çıxış edirlər.

Azərbaycanlı rəqqaslar və pianoçular Batumidə keçirilən beynəlxalq incəsənət festivalında uğurla çıxış ediblər
© Azərbaycan Rəqs Assosiasiyasının mətbuat xidməti

Şereşevskaya-Mustafabəyli hazırda Alfred Korto adına Paris Ali musiqi məktəbində və Ruel-Malmezon (Fransa) şəhər konservatoriyasında fortepiano professorudur. O, istedadlı uşaqların musiqi təhsili sisteminin təkmilləşdirilməsinə çox diqqət yetirir, Fransa ("Pyano" jurnalı) və beynəlxalq mətbuatda ("Kreşşendo" jurnalı), Fransanın milli televiziyasında bu məsələ ilə bağlı çıxışlar edir.

Dünya şöhrətli azərbaycanlı pianoçu eyni zamanda "Fransa və Rusiyanın ulduzları və gənc istedadları" mədəni mübadilə layihəsinin yaradıcısı və rəhbəri, beynəlxalq müsabiqələrin münsiflər heyətinin üzvüdür. O, eyni zamanda "Sənətkar sülalələr və ailələr" festivalının yaradıcısı və art direktorudur.

577
Teqlər:
azərbaycanlı, ifaçı, orden, Fransa, pianoçu
Əlaqədar
Dünya şöhrətli musiqiçi: “Bakı həyatımda vacib rol oynayıb”
Tanrının əlini üzərinə çəkdiyi şəxs: O, musiqini vücudu ilə hiss edir
Beş ildir Nyu-Yorkda yaşayan azərbaycanlı pianoçudan maraqlı etiraf
Bakı Şəhər Baş Polis İdarəsinin mətbuat şöbəsinin rəisi, polis mayoru Elşad Hacıyev

Elşad Hacıyev Daxili İşlər Nazirliyinə təyin edildi

4
(Yenilənib 13:20 26.11.2020)
Əmrə əsasən, polis mayoru Elşad Hacıyev Kütləvi İnformasiya və İctimaiyətlə Əlaqələr Şöbəsinə rəis təyin edilib

BAKI, 26 noyabr — Sputnik. Daxili İşlər Nazirliyinin Kütləvi İnformasiya və İctimaiyətlə Əlaqələr Şöbəsinə rəis təyin edilib.

Sputnik Azərbaycan xəbər verir ki, bununla bağlı daxili işlər naziri, general-polkovnik Vilayət Eyvazov əmr imzalayıb.

Əmrə əsasən, polis mayoru Elşad Hacıyev Kütləvi İnformasiya və İctimaiyətlə Əlaqələr Şöbəsinə rəis təyin edilib.

Qeyd edək ki, Bakı şəhər Baş Polis İdarəsinin İctimaiyyətlə Əlaqələr Şöbəsi ləğv edilib.

4
Teqlər:
rəis, əmr, Daxili İşlər Nazirliyi, Elşad Hacıyev
Azərbaycan Milli Məclisinin binası

Milli Məclis Fransa Senatına etiraz bəyanatı qəbul etdi: MÜDDƏALAR

34
Fransa Senatı qondarma "Dağlıq Qarabağ Respublikası"nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib

Xalid Məmmədov, Sputnik Azərbaycan

BAKI, 26 noyabr — Sputnik. Milli Məclis noyabrın 25-də Fransa Senatının Fransa hökumətini qondarma "Dağlıq Qarabağ Respublikası"nı tanımağa çağıran məsləhət xarakterli qəbul etdiyi qətnaməsi ilə bağlı bəyanat yayıb.

Sputnik Azərbaycan xəbər verir ki, bəyanatı deputat Cavanşir Feyziyev təqdim edib.

Milli Məclisin bu gün keçirilən iclasında Fransa Senatının qəbul etdiyi qətnaməyə etiraz bəyanatı qəbul edilib.

Azərbaycan parlamentinin bəyanatında qətnamə pislənilir və qeyd edilir ki, bu sənəd beynəlxalq hüququn əsas norma və prinsiplərinin kobud şəkildə pozulmasıdır.

Azərbaycan Milli Məclisi Azərbaycan Hökumətinə aşağıdakılar ilə bağlı çağırış edir.

- Fransanın ATƏT-in Minsk Qrupunun həmsədrliyindən geri çağırılması üçün ATƏT-in rəhbərliyinə müraciət edilsin.

- Azərbaycan ilə Fransa arasında mövcud siyasi münasibətlərə yenidən baxılsın.

- Azərbaycan ilə Fransa arasında mövcud iqtisadi əlaqələr dərindən təhlil edilərək müvafiq tədbirlər görülsün. 

Xatırladaq ki, Fransa Senatı qondarma "Dağlıq Qarabağ Respublikası"nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

34
Teqlər:
bəyanat, etiraz, qətnamə, Senat, Fransa, Milli Məclis
Mövzu:
Azərbaycan və Ermənistan arasında müharibə