ABŞ və Çin bayraqları, arxiv şəkli

ABŞ dövlət qurumlarına Çin məhsullarından istifadəni qadağan edib

1477
(Yenilənib 22:51 09.08.2019)
ABŞ rəhbərliyi dövlət qurumlarına Çinin Huawei, ZTE, Hytera, Hikvision və Dahua şirkətlərinin məhsullarını almağı müvəqqəti olaraq qadağan edib.

BAKI, 9 avqust — Sputnik. ABŞ rəhbərliyi dövlət qurumlarına Çinin Huawei, ZTE, Hytera, Hikvision və Dahua şirkətlərinin məhsullarını almağı müvəqqəti olaraq qadağan edib.

Sputnik Türkiyə Reuters-ə istinadla xəbər verir ki, ABŞ rəhbərliyinin sözügedən texnologiya firmalarına qoyduğu yeni qadağa Tramp administrasiyasının keçən ildən etibarən Çin şirkətlərinə tətbiq etdiyi təzyiqin yeni mərhələsidir. Tramp administrasiyası qadağa çərçivəsində dövlət qurumlarına Huawei də daxil olmaqla Çinin aparıcı texnoloji şirkətləri - ZTE, Hytera, Hikvision və Dahua istehsalı olan məhsullardan bir müddət uzaq durmağı əmr edib.

ABŞ Prezidenti Donald Tramp
© REUTERS / Carlos Barria

Bu qadağa ötən il ABŞ-da qəbul edilən Milli Müdafiə İcazə Aktı (NDAA) çərçivəsində həyata keçirilib. Həmin akta əsasən, özəl Amerika şirkətləri Çin şirkətlərindən texnologiya və xidmət aldığı təqdirdə, ABŞ dövləti onlarla hər-hansı müqavilə bağlamayacaq.

Huawei şirkətindən verilən açıqlamada qadağanın Konstitusiyaya uyğunluğu məsələsində mübarizəyə davam edəcəkləri qeyd olunub.

ABŞ hökuməti 5G baza xidmətləri göstərən Huawei firmasının öz fəaliyyəti ilə Amerika xalqının mənafelərini təhlükəyə atdığını iddia edib. Huawei isə ABŞ rəhbərliyinin şirkətə qarşı "Çinin xeyrinə casusluq" iddialarını rədd edir.

Qadağan edilən beş şirkətdən biri olan Hikvision-dan verilən açıqlamada isə şirkətin fəaliyyət göstərdiyi bütün ölkələrdə qanun və qaydalara riayət etdiyi qeyd olunub. "Hikvision, öz məhsullarında ABŞ hökumətinin qoyduğu məcburi şərtlərə əməl etmək üçün çalışır", – deyə şirkət öz açıqlamasında bildirib.

 

1477
Teqlər:
təzyiq, Huawei, ABŞ, Çin
Xəritə, arxiv şəkli

Tsakurinin Hünərli, Quşçubabanın isə Baharlı adlandırılması təsdiqlənib

1
(Yenilənib 19:06 25.11.2020)
Prezident "Azərbaycan Respublikasının Xocavənd rayonunun Tsakuri kəndinin Hünərli kəndi adlandırılması haqqında" qanunu təsdiq edib.

BAKI, 25 noyabr — Sputnik. Prezident İlham Əliyev "Azərbaycan Respublikasının Xocalı rayonunun Quşçubaba kəndinin Baharlı kəndi adlandırılması haqqında" qanunu təsdiq edib.

Sputnik Azərbaycan-ın məlumatına görə, qanuna əsasən, Azərbaycan Respublikasının Xocalı rayonunun Qarabulaq kənd inzibati ərazi dairəsi tərkibindəki Quşçubaba kəndi Baharlı kəndi adlandırılıb.

Prezident İlham Əliyev həmçinin "Azərbaycan Respublikasının Xocavənd rayonunun Tsakuri kəndinin Hünərli kəndi adlandırılması haqqında" qanunu təsdiq edib.

Qanuna əsasən, Azərbaycan Respublikasının Xocavənd rayonunun Çiraquz kənd inzibati ərazi dairəsi tərkibindəki Tsakuri kəndi Hünərli kəndi adlandırılıb.

1
Teqlər:
təsdiq, qanun, Xocavənd, Xocalı

Qarabağdakı hava limanları ICAO reyestrinə daxil ediləcək

2
Hava limanlarının kodları ICAO-nun 7910/178 nömrəli Sənədinin 2020-ci ilin dekabr ayında dərc olunacaq yenilənmiş nəşrinə əlavə ediləcək.

 

BAKI, 25 noyabr — Sputnik. Beynəlxalq Mülki Aviasiya Təşkilatı (ICAO) Azərbaycanın daha 6 hava limanının beynəlxalq məkan indeksləri kataloquna daxil edilməsini təsdiq edib.

Sputnik Azərbaycan bu barədə "Azərbaycan Hava Yolları" QSC-yə (AZAL) istinadən xəbər verir.

“Əlamətdar haldır ki, beynəlxalq təşkilatın yenilənmiş reyestrinə Zabrat, Yevlax və Naftalandakı hava limanları ilə yanaşı, həm də Ali Baş Komandan, Prezident İlham Əliyevin rəhbərliyi altında azad edilmiş ərazilərdə - Ağdam, Füzuli və Xankəndində yerləşən hava limanları da daxil olacaq. Bu, beynəlxalq aviasiya qurumlarının ölkəmizin ərazi bütövlüyünü tanımasının növbəti təzahürüdür”, – deyə AZAL-ın prezidenti Cahangir Əsgərov bildirib.

Qeyd edilən hava limanlarının kodları ICAO-nun 7910/178 nömrəli Sənədinin 2020-ci ilin dekabr ayında dərc olunacaq yenilənmiş nəşrinə əlavə ediləcək.

Azərbaycanın beynəlxalq səviyyədə tanınmış sərhədləri daxilində aeronaviqasiya xidmətinə görə məsuliyyət Çikaqo konvensiyasının (ICAO-nin 7300 nömrəli sənədi) prinsiplərinə uyğun olaraq, AZANS Hava Hərəkəti İdarəsinə həvalə edilib. Bu məsuliyyət hədləri ICAO Şurası tərəfindən təsdiq edilib və Azərbaycanın suveren ərazilərinə müvafiqdir.

Qeyd etmək lazımdır ki, ICAO Azərbaycanın öz ərazisi üzərindəki hava məkanında mütləq suverenliyini dəfələrlə təsdiq və qeyd edib.

Məkanın işarələri 7910/178 nömrəli Sənədin müddəalarına müvafiq olması məqsədilə ICAO tərəfindən yoxlanılır. Rüblük sənədə dəyişikliklər yalnız müvafiq qaydada nəzərdən keçirildikdən sonra daxil edilir.

Qeyd etməliyik ki, işğal edilmiş ərazilər üzərində hava məkanı təxminən 30 il müddətində beynəlxalq uçuşlar üçün bağlı olub. Həmin ərazidəki mülki aviasiya infrastukturu ciddi şəkildə zərər çəkmiş və tam dağılmış vəziyyətə gətirilib.

Beynəlxalq uçuşların həyata keçirilməsi məqsədilə, uzun illər Ermənistan işğalı altında qalan ərazilər üzərində aeronaviqasiya təminatının bərpa edilməsi üzrə işlər yerinə yetiriləcəkdir. Bütün bunlar mülki aviasiyanın təkcə regional səviyyədə deyil, həm də qlobal miqyasda inkişaf etməsinə kömək edəcək.

2
Teqlər:
Xocalı hava limanı, hava limanı, AZAL