Xoruz, arxiv şəkli

İsveçrəlilərin sabahı necə açılacaq - məhkəmədən qəribə hökm

45
(Yenilənib 21:11 11.07.2019)
Xoruz saatda 14-44 dəfə banlayır, onun səsi isə 15 metr məsafədə yayılaraq 84 desibelə çatır

BAKI, 12 iyul — Sputnik. İsveçrənin Sürix kantonunun sakini evinin yanındakı qarajda toyuq saxlayan qonşusunu məhkəməyə verib.

Sputnik Azərbaycan xəbər verir ki, bu haqda "Neue Zurcher Zeitung" qəzeti yazır.

Məlumata görə, şikayətçinin narazılığına qonşusunun xoruzu səbəb olub. Onun fikrincə, xoruz çox ucadan və tez-tez banlayır.

Öz iddiasını sübut etmək üçün şikayətçi hətta ev quşunun neçə dəfə banladığını sayıb. Onun sözlərinə görə, xoruz saatda 14-44 dəfə banlayır və onun səsi 15 metr məsafədə yayılaraq 84 desibelə çatır. Məhkəmə şikayətçinin tələbini qismən təmin edib. Hakimin göstərişinə əsasən, xoruzun sahibi ev quşunun həftə içi və şənbə günləri gecə saat 10-dan səhər saat 8-ə kimi və bazar günləri gecə saat 10-dan səhər saat 9-a kimi banlamamasını təmin etməlidir.

Bundan başqa, hakim xoruzun hindən çıxmasına da "qadağa" qoyub.

45
102-я российская военная база

Gümrü şəhərində rusiyalı hərbçinin cəsədi tapıldı

22
Rusiyanın Cənub Hərbi Dairəsinin komandanlığı Ermənistanın hüquq-mühafizə orqanları ilə birlikdə hərbi qulluqçusunun həlak olmasından sonra yoxlamaya başlayıb.

BAKI, 4 iyul - Sputnik. Bu gün günorta saatlarında Ermənistanın Gümra şəhərində Rusiyanın 20 yaşlı vətəndaşı, bu ölkənin 102 saylı Hərbi Bazasının hərbi qulluqçusunun cəsədi tapılıb. Onun meyiti yataq otağında tapılıb, yerdə həmçinin məktub aşkarlanıb.

Rusiyanın Ermənistandakı səfirliyindən Sputnik Ermənistan-a bildirildiyinə görə, hərbçinin ölümündə cinayət izi yoxdur. Səfirlik hərbi qulluqçunun əsəb pozuntusu nəticəsində vəfat etdiyini güman edir.

Rusiyanın Cənub Hərbi Dairəsinin komandanlığı Ermənistanın hüquq-mühafizə orqanları ilə birlikdə hərbi qulluqçusunun həlak olmasından sonra yoxlamaya başlayıb.

Rusiya hərbi qulluqçusunun meyidi Gümrüdəki evlərdən birində aşkar edilib.

22
Koronavirus testi, arxiv şəkli

Göndərişsiz COVID-19 üçün yoxlama aparacaq laboratoriyaların siyahısı genişlənib

58
Həkim göndərişi olmadan koronavirus üçün yoxlama aparacaq laboratoriyaların siyahısı genişləndirilib.

BAKI, 4 iyul - Sputnik. Tibbi Ərazi Bölmələrini İdarəetmə Birliyi (TƏBİB) tərəfindən akkreditə olunmuş, həkim göndərişi olmadan COVID-19 üçün yoxlama aparacaq laboratoriyaların siyahısı genişlənib. 

Bu barədə TƏBİB-dən məlumat verilib. 

Həmin laboratoriyalar bunlardır: 

- Referans kliniki laboratoriya mərkəzi;

- Leyla klinikası;

- Memorial klinikası

- Bona Dea xəstəxanası;

- İnci laboratoriyası;

- Bakı Xüsusi Təhlükəli İnfeksiyalara Nəzarət Mərkəzi (XTİNM);

- Kaspian Hospital;

- Talassemiya mərkəzi;

- UltraLab.

58