KTMT-nın sədri vəzifələrini icra edən Valeriy Semerikov

Qarabağ münaqişəsi Qafqazda əlavə gərginlik yaradır

81
(Yenilənib 19:30 04.07.2019)
NATO-nun Şərqi Avropada, Rusiya və Belarus yaxınlığında hərbi əməliyyatlarının sayının artması bizi narahat edir

BAKI, 5 iyul — Sputnik. Dünyada və Kollektiv Təhlükəsizlik Müqaviləsi Təşkilatının (KTMT) məsuliyyət daşdığı zonada hərbi-siyasi vəziyyət qurumda qəbul olunan qərarlara əhəmiyyətli təsir edir. Sputnik Ermənistan xəbər verir ki, bunu KTMT-nın sədri vəzifələrini icra edən Valeriy Semerikov bildirib.

Onun sözlərinə görə, bu gün təşkilata üzv ölkələrin diqqət mərkəzində dünya və regional təhlükəsizlik, Əfqanıstandakı vəziyyət və onun Mərkəzi Asiyaya təsiri məsələləri dayanıb.

"Qarabağ münaqişəsinin nizamlanmaması, Gürcüstan ərazisində baş verənlərlə bağlı Qafqaz istiqamətində də gərginlik qalır" - deyə Semerikov vurğulayıb.

KTMT-nı, həmçinin NATO-nun Şərqi Avropada, Rusiya və Belarus yaxınlığında hərbi əməliyyatlarının sayının artması da narahat edir. Semerikovun sözlərinə görə, Bişkekdə bu ilin may ayında təşkilata üzv ölkələrin Müdafiə Nazirləri Şurasının iclası zamanı mövcud təhdid və çağırışların neytrallaşdırılması istiqamətində qərarlar qəbul edib.

81
Musiqi qulaq asan şəxs, arxiv şəkli

Musiqi ilə məşq edin, o zaman...

2
Bu, musiqi ilə məşq etməklə yaranan müsbət əhval-ruhiyyənin təkcə insanın xarici görkəminə deyil, həm də idrak qabiliyyətlərinə təsir etdiyini göstərən ilk araşdırmadır.

BAKI, 9 avqust — Sputnik. Tsukuba Universitetinin tədqiqatçıları 33 gəncin idman məşqlərini bitirdikdən sonra əhval-ruhiyyəsini qiymətləndirib.

Sputnik Azərbaycan xarici mətbuata istinadla xəbər verir ki, məşqlər zamanı onlara musiqi və bir sıra səs siqnalları dinləndirilib. Musiqiyə qulaq asanların daha yaxşı əhval-ruhiyyədə olduğu və beyin testlərində daha yaxşı idrak performansı göstərdiyi məlum olub.

Alimlər iddia edirlər ki, insan fiziki işlə məşğul olan zaman musiqi dinləyərsə, bu onun əhval ruhiyyəsini yaxşılaşdırar.

"Musiqi ilə rəqs, səs siqnalları ilə müqayisədə həyat gücünü daha da artırır", - deyə qeyd edilir.

Əvvəlki tədqiqatlar göstərir ki, məşq beynin müəyyən bir hissəsində dorsolateral prefrontal korteks (DLPC) fəaliyyətini artırır.

Müəyyən edilib ki, beynin bu sahəsi aktivləşdirildikdə düşüncə, diqqət və qısamüddətli yaddaşa yol açır.

Bu, musiqi ilə məşq etməklə yaranan müsbət əhval-ruhiyyənin təkcə insanın xarici görkəminə deyil, həm də idrak qabiliyyətlərinə təsir etdiyini göstərən ilk araşdırmadır.

Bir müddət əvvəl isə dietoloqlar yemək zamanı sakit musiqi dinləməyin qidalanma prosesini yavaşlatdığını açıqlamışdı.

2

İcra başçısının müavinini maşın vurdu

4
Sosial-iqtisadi inkişafın təhlili və proqnozlaşdırılması şöbəsinin müdiri Vahid İsaxan oğlu Həsənovu avtomobil vurub. 

BAKI, 9 avqust - Sputnik. Sabirabad Rayon İcra Hakimiyyəti başçısının müavinini avtomobil vurub. 

APA-nın məlumatına görə, Sabirabad Rayon İcra Hakimiyyəti başçısının müavini - Sosial-iqtisadi inkişafın təhlili və proqnozlaşdırılması şöbəsinin müdiri Vahid İsaxan oğlu Həsənovu avtomobil vurub. 

V.Həsənov başından xəsarət alaraq Şirvan Şəhər Xəstəxanasına yerləşdirilib. 

Faktla bağlı araşdırma aparılır.

4