Azərbaycan prezidenti İlham Əliyev

İlham Əliyevdən sosial şəbəkədə kədərli paylaşım

2538
(Yenilənib 14:53 16.04.2019)
"Ümid edirəm ki, abidə qısa müddət ərzində bərpa olunaraq yenidən bəşəriyyətə qaytarılacaq"

BAKI, 16 aprel — Sputnik. Azərbaycan Prezidenti İlham Əliyev rəsmi "Twitter" hesabında Fransanın paytaxtı Parisdə məşhur Notr-Dam kilsəsində baş verən yanğınla bağlı  paylaşım edib. Sputnik Azərbaycan xəbər verir ki, Prezidentin qeydləri Azərbaycan, ingilis və fransız dillərindədir.

"Fransanın və dünyanın mədəni irs incilərindən biri olan Paris Notr-Dam kilsəsində baş verən yanğınla bağlı dərindən kədərləndim. Ümid edirəm ki, abidə qısa müddət ərzində bərpa olunaraq yenidən bəşəriyyətə qaytarılacaq" - Prezident İlham Əliyev vurğulayıb.

Xatırladaq ki, dünən "Notr-Dam-de-Pari" kilsəsində yanğın baş verib və kilsə üzərindəki uzun qüllənin bir hissəsi aşıb, həmçinin məbədin saatı yanaraq məhv olub. Fransa Daxili İşlər Nazirliyi yanğından sonra kilsənin bərpasının çətin olacağını açıqlayıb.

Öz növbəsində Fransa Prezidenti Emmanuel Makron kilsənin bərpa edilərək yenidən əvvəlki vəziyyətə qaytaracaqlarına söz verib.

​Qeyd edək ki, 10 saatdan çox davam edən yanğını gecə yarısından sonra söndürmək mümkün olub. İlkin məlumatlara görə, yanğına kilsənin yuxarı səviyyələrində aparılan təmir işləri səbəb olub.

2538
Teqlər:
yanğın, kilsə, Paris, prezident, İlham Əliyev
Əlaqədar
Paris yanır, ölənlər və yaralılar var
Notr-Dam-de-Pari yenidən bərpa ediləcək – VİDEO