* AZƏRBAYCAN *
100 manatlıq əskinazlar

Dövlət büdcəsinin 90 milyon manat vəsaiti "havaya sovurulub"

75
(Yenilənib 20:55 09.04.2019)
Ziyad Səmədzadə: "Hesablama Palatasının 2018-ci ildə apardığı nəzarət tədbirləri nəticəsində 90 milyon manat vəsaitin səmərəsiz xərcləndiyi aşkarlanıb"

BAKI, 10 aprel - Sputnik. "Hesablama Palatasının 2018-ci ildə apardığı nəzarət tədbirləri nəticəsində 90 milyon manat vəsaitin səmərəsiz xərcləndiyi aşkarlanıb". Sputnik Azərbaycan xəbər verir ki, bunu Milli Məclisin dünənki plenar iclasında parlamentin İqtisadi siyasət, sənaye və sahibkarlıq komitəsinin sədri Ziyad Səmədzadə deyib.

Hesablama Palatasının hesabatının müzakirə edildiyi iclasda komitə sədri bildirib ki, dövlət büdcəsinə bərpa edilən vəsaitlərin yaranma mənbələri üzrə strukturda vergi və s. ödəmələr 38,4%, digər istiqamətlər 19,8%, tikinti xərcləri üzrə 17,4%, satınalmalar üzrə xərclər isə 10,7% təşkil edib: "Ötən il bərpa edilmiş vəsaitin 33,5%-i büdcə qanunvericiliyinin pozulması ilə bağlı olub".

75
Teqlər:
vəsait, büdcə, dövlət
Əlaqədar
Yetmiş iki milyondan artıq vəsait büdcəyə qaytarılıb
Hesablama Palatasının sədri hesabat verib: "Dövlətə dəyən ziyan büdcəyə qaytarılıb"
Bir ildə büdcəyə ödənilən vəsaitin məbləği açıqlanıb
Milli Məclisdə sərt tələb: “Büdcə talançıları qanun qarşısında cavab versinlər”
Elməddin Alxasov

Oğlumun baş daşını qucaqlayıb bayramını təbrik edəcəyəm - Şəhid anası hər kəsi kövrəltdi

6
(Yenilənib 23:07 24.06.2021)
Dövlət Məşğulluq Agentliyi media nümayəndələrinin qazi və şəhid ailələri üçün yaradılan kiçik təsərrüfatlarla əyani tanışlığı üçün mediatur təşkil edib.

BAKI, 24 iyun — Sputnik. Bu gün Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi media nümayəndələrinin qazi və şəhid ailələri üçün yaradılan kiçik təsərrüfatlarla əyani tanışlığı üçün mediatur təşkil edib.

Xaçmaz və Quba rayonlarına təşkil edilən mediatur zamanı jurnalistlərə 44 günlük Vətən müharibəsi şəhidlərinin ailə üzvlərinin, qazilərin sosial dəstəklə təminatı tədbirləri barədə məlumat verilib.

© Sputnik / Leyla Abdullayeva
Elməddin Alxasov

Görüş zamanı artıq 23 mindən çox şəxsi əhatə edən bu tədbirlər çərçivəsində şəhid ailəsi üzvləri və qazilərin məşğulluq məsələlərinin həlli işlərinin sürətlə aparıldığı deyilib. Qeyd olunub ki, son aylarda bu kateqoriyalardan olan 6400-dən çox şəxs aktiv məşğulluq proqramlarına cəlb olunub. Onlardan 5 minədək şəxsin özünüməşğulluq proqramı çərçivəsində kiçik biznes sahələri yaradılıb.

Jurnalistlərə Xaçmaz və Quba rayonlarında da bu işlər getdikcə geniş vüsət alır. Həmçinin şəhid ailəsi üzvləri və yaralanmış qazilərin məşğulluğuna dəstək məqsədilə həyata keçirilən "Məşğulluq marafonu" barədə də məlumat verilib.

Media nümayəndələri əvvəlcə şəhid Elməddin Alxasovun anası Əsli Alxasova (Xaçmaz) üçün yaradılmış təsərrüfatla tanış olublar. Ailə postmüharibə dövründə özünüməşğulluq proqramına cəlb olunub. Proqramın dəstəyi sayəsində Alxasova mal-qara ilə təmin olunaraq iribuynuzlu heyvandarlıq təsərrüfatını qurub.

Media nümayəndələri Alxasovlar ailəsinin sosial vəziyyəti ilə tanış ediliblər. Dövlət Məşğulluq Agentliyinin nümayəndələri bundan sonra da ailəyə hər cür dəstək verəcəklərini bildiriblər.

Şəhid anası Əsli Alxasova və onun ailəsi başda dövlət başçısı İlham Əliyev olmaqla onlara dəstək olan hər kəsə minnətdarlıq hissi ifadə ediblər.

© Sputnik / Leyla Abdullayeva
Elməddin Alxasov döyüş yoldaşları ilə

Qazi Abdulla Musayevin anası Lalə Musayevaya isə xırdabuynuzlu heyvandarlıq zərfi üzrə aktivlər təqdim edilib. Lalə Musayeva Sputnik Azərbaycan-a müsahibəsində deyib:

"Verilən heyvanların bizə çox köməyi dəyir. Amma onları otarmaq üçün otlaq sahəmiz yoxdur. Mənim 3 oğlum var və üçü də öz ailələri ilə birlikdə bir evin içində yaşayırlar. Qazi oğlumun ailəsinin ev növbəsinə salınmasını xahiş edirəm".

Quba rayonundan olan qazi Nicat Qubatovun atası Urfan Qubatov üçün isə avtomobil şinlərinin təmiri üzrə kiçik biznes sahəsi yaradılıb.

Ümumiyyətlə son bir ildə Quba və Xaçmaz rayonları üzrə həssas əhali qruplarına aid 610 nəfər özünüməşğulluq proqramının dəstəyi ilə aktivlərlə təmin olunublar. Onların kiçik ailə təsərüfatlarının yaradılmasına dəstək verilib.

Şəhid anası oğlunun məslək yoldaşlarını təbrik edib

"Bu gün oğlum olmasa da, hərbiçilərin qarşıdan gələn bayramını təbrik edirəm". Bu sözləri mediatura qatılan jurnalistlərlə görüşü təbrik üçün fürsət bilən şəhid Elməddin Alxasovun anası deyib.

Göz yaşlarını saxlaya bilməyən dərdli ana Əsli Alxasova oğlunun 26 İyun Azərbaycan Respublikası Silahlı Qüvvələri gününü çox sevdiyini bu sözlərlə ifadə edib.

"O, bu bayramı çox sevirdi. Axı onun bayramçı idi. Hər dəfə biz də onun bayramını təbrik edirdik. Amma bu il onu təbrik etmək üçün məzarının başına gedəcəyik. Onun baş daşını bağrıma basıb təbrik edəcəyəm. Mən oğlumla fəxr edirəm. Elməddin çox güclü snayper idi. Suqovuşan uğrunda döyüşlərdə şəhid oldu. O, bu gün aramızda yoxdur. Amma hərbiçi, döyüşçü yoldaşları yaşayır. Onların hər birinitəbrik edir, Elməddin balamın əvəzinə bağrıma basıram".

Əsli Alxasovanın bu sözləri mediatura qatılan jurnalistləri kövrəldib.

Qeyd edək ki, Elməddin Alxasov müddətdən artıq həqiqi hərbi xidmət keçib və 44 günlük Vətən müharibəsində şəhid olub.

6
Azərbaycan Respublikasının xarici işlər naziri Ceyhun Bayramov Səudiyyə Ərəbistanı Krallığına rəsmi səfəri çərçivəsində Körfəz Ərəb Dövlətlərinin Əməkdaşlıq Şurasının Baş katibi Nayif Fəlah Mübarək Əl-Hacrafla görüşüb

Ərəb Dövlətlərinin Azərbaycana münasibəti necədir?

30
(Yenilənib 21:33 24.06.2021)
Baş katib Azərbaycanın haqlı mövqeyinin Körfəz Ərəb Dövlətlərinin Əməkdaşlıq Şurası tərəfindən hər zaman dəstəkləndiyini qeyd edib.

BAKI, 24 iyun — Sputnik. Azərbaycanın xarici işlər naziri Ceyhun Bayramov Səudiyyə Ərəbistanı Krallığına rəsmi səfəri çərçivəsində Körfəz Ərəb Dövlətlərinin Əməkdaşlıq Şurasının Baş katibi Nayif Fəlah Mübarək Əl-Hacrafla görüşüb.

XİN-dən Sputnik Azərbaycan-a verilən məlumata görə, görüş zamanı tərəflər, bölgədə mövcud olan cari vəziyyət, üçtərəfli bəyanatların icrası, habelə sərhəddə baş verən son gərginliklə bağlı fikir mübadiləsi aparıblar.

C.Bayramov münaqişə sonrası regionda mövcud olan vəziyyət, xüsusilə də mina təhlükəsi və doğurduğu fəsadlar, azad edilmiş ərazilərdə həyata keçirilən bərpa, yenidənqurma işləri barədə qarşı tərəfə ətraflı məlumat verib. Nazir işğal faktorunun aradan qaldırılması ilə iki ölkə arasında münasibətlərin normallaşdırılması üçün imkanın yarandığını, lakin bunun üçün ilk növbədə beynəlxalq hüququn suverenlik, ərazi bütövlüyü və beynəlxalq sərhədlərin toxunulmazlığı prinsipinə ciddi riayət olunmasının zəruriliyini vurğulayıb.

C.Bayramov Körfəz Ərəb Dövlətlərinin Əməkdaşlıq Şurasına üzv dövlətlərin işğaldan azad olunmuş ərazilərdə aparılan quruculuq işlərində birgə layihələrdə iştirakında maraqlı olduğumuzu qeyd edib.

Baş katib Azərbaycanın haqlı mövqeyinin Körfəz Ərəb Dövlətlərinin Əməkdaşlıq Şurası tərəfindən hər zaman dəstəkləndiyini qeyd edib.

Tərəflər Azərbaycanla Şura arasında əməkdaşlığın genişləndirilməsi imkanları, o cümlədən birgə Fəaliyyət Planının işlənib hazırlanması, habelə qarşılıqlı maraq doğuran digər məsələləri müzakirə ediblər.

30