Uşaq bağçası, arxiv şəkli

Uşaq bağçasının balaca sakinləri ağac əkiblər

70
(Yenilənib 15:30 14.03.2019)
Daha sonra uşaqların böyük həvəslə hazırladıqları rəqslər, maraqlı kompozisiyalar və səhnəciklər nümayiş etdirilib

BAKI, 14 mart - Sputnik. Ekologiya və Təbii Sərvətlər Nazirliyi (ETSN)  tərəfindən respublikanın rayonlarında yaz ağacəkmə aksiyaları çərçivəsində tədbirlər davam etdirilir. Sputnik Azərbaycan xəbər verir ki, ETSN-nin başlatdığı aksiyaya Xətai rayonunda yerləşən 316 saylı uşaq bağçası da qoşulub.

Dünən 316 saylı uşaq bağçasında yazın gəlişi ilə əlaqədar olaraq bağçanın həyətyanı sahəsində 320 nəfərlik uşaq və işçi heyətinin iştirakı ilə “Elimizə bahar gəlir” adı altında möhtəşəm tədbir keçirilib. Tədbir çərçivəsində nazirlik tərəfindən verilmiş 100 ədəd müxtəlif cinsdən olan meyvə və həmişəyaşıl ağaclar bağçanın həyətində uşaq və işçilərin iştirakı ilə əkilib.

Balacalar 316 saylı uşaq bağçasında ağac əkiblər
Balacalar 316 saylı uşaq bağçasında ağac əkiblər

Daha sonra uşaqların böyük həvəslə hazırladıqları rəqslər, maraqlı kompozisiyalar və səhnəciklər nümayiş etdirilib. 

Tədbirdə Ekologiya və Təbii Sərvətlər Nazirliyinin sektor müdiri Şövkət Bəkirov, Bakı şəhəri Xətai Rayon Təhsil Müəssisələri və Uşaq Evləri İdarəsinin rəis müavini Teymur Mehdiyev, Bakı Məktəbəqədər Təhsil Müəssisələri və Uşaq Evləri İdarəsinin Metodiki Mərkəzinin metodisti Hacıyeva Fatma, Bakı Şəhər İcra Hakimiyyəti Tədris və Təlim İşinin Təşkili İşinin sektor müdiri Günay Əhmədova, Qarabağ Əlilləri və Veteranları İctimai Birliyinin Yasamal rayon təşkilatının sədri Bəhram Şeydayev, Xətai Rayon Bələdiyyəsinin sədr müavini və nümayəndələri və Xətai rayon bağça müdirələri iştirak ediblər. 

70
Teqlər:
ağacəkmə, ağac, uşaq bağçası, Xətai
Əlaqədar
Paytaxtın Ağac Emalı Zavodunda baş vermiş yanğın söndürülüb
Türkiyədə Misir ehramlarının yaşıdı olan ağac tapıldı
Azərbaycanda insanları sehirləyən ağac: Elm onunla bağlı iddiaların yarısını təsdiq edir
Ağac "qatili" təbiətə külli miqdarda zərər vurub

Xırdalanda partlamış evin dağıntıları altından qadın meyiti çıxarılıb

58
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

58
Pirat, arxiv şəkli

Azərbaycan vətəndaşının Nigeriyada öldürülməsinə görə cinayət işi açılıb

5
(Yenilənib 23:17 25.01.2021)
Cinayət işi üzrə Türkiyə, Qabon və Liberiyanın səlahiyyətli orqanlarına hüquqi yardım haqqında sorğular hazırlanır.

BAKI, 25 yanvar — Sputnik. "Kütləvi informasiya vasitələrində yayılmış məlumata əsasən, 23 yanvar 2021-ci il tarixində Nigeriya sahillərində üzən Türkiyənin "Boden denizcilik" şirkətinə məxsus "Mozart" adlı gəmiyə dəniz quldurları tərəfindən hücum edilib".

Bu barədə Sputnik Azərbaycan-a Baş Prokurorluğun Mətbuat xidmətindən məlumat verilib.

İlkin araşdırma nəticəsində müəyyən edilib ki, 19 nəfər gəmi heyəti üzvündən 15-i girov götürülüb, 1 nəfər isə öldürülüb. Öldürülən şəxsin Azərbaycan Respublikasının vətəndaşı, 09.06.1976-cı il təvəllüdlü, gəmidə 2-ci mühəndis vəzifəsində çalışan Fərman Əli oğlu İsmayılovun olduğu müəyyən edilib.

Faktla bağlı Azərbaycan Respublikasının Baş Prokurorluğu tərəfindən Cinayət Məcəlləsinin müvafiq maddələri ilə cinayət işi başlanılaraq zəruri istintaq əməliyyat tədbirləri həyata keçirilir.

Hazırda ölkəmizin Xarici İşlər Nazirliyi, habelə xarici ölkələrin aidiyyəti qurumları ilə intensiv danışıqlar aparılmaqla, qeyd olunan cinayət işi üzrə Türkiyə, Qabon və Liberiyanın səlahiyyətli orqanlarına hüquqi yardım haqqında sorğular hazırlanır.

"Baş Prokurorluq tərəfindən təxirəsalınmadan Liberiyanın Baş Prokurorluğu ilə əlaqə yaradılmış və qarşı tərəf bu məsələnin araşdırılmasında Azərbaycan Respublikasının Baş Prokurorluğu ilə yaxından əməkdaşlıq etməyə hazır olduğunu bildirib", - Mətbuat xidmətindən bildirilib.

5