BAKI, 9 mart — Sputnik. Krasnodarda keçirilən universiadada qəribə hadisə baş verib. Sputnik Azərbaycan Rusiya mətbuatına istinadən xəbər verir ki, fiqurlu konkisürmə yarışında ilk dəfə olaraq BƏƏ-li idmançı Zəhra Lari buz meydançasına hicabda çıxıb.
Bu hadisənin baş verməsi üçün hətta Beynəlxalq Konkisürmə Federasiyası da qaydalara dəyişiklik edib. Zəhra Lari isə jurnalistlərə müsahibəsində deyib ki, ona hicabda öz nömrəsini nümayiş etdirmək asan deyil.
"Bəzi fəndlər var ki, onları reallaşdıranda çətin olur. Amma bu halımdan məmnunam. Hətta məni azarkeşlər də alqışladı və dəstək oldu. Hər kəsə təşəkkür edirəm”" - deyə hicablı konkisürən bildirib.
