Türkiyə XİN Xocalı soyqırımı ilə bağlı bəyanat yaydı

© Sputnik / Murad Orujov27 лет со дня Ходжалинской трагедии
27 лет со дня Ходжалинской трагедии - Sputnik Azərbaycan
Abunə olmaq
Qeyd edək ki, Azərbaycanın Xocalı şəhərində törədilmiş soyqırımının 27-ci ili tamam olur

BAKI, 26 fevral — Sputnik. Türkiyə Xocalı soyqırımının günahkarlarını və Ermənistan tərəfindən Azərbaycan ərazilərinin işğalını qınayır. Sputnik Azərbaycan xəbər verir ki, bu barədə Türkiyə Xarici İşlər Nazirliyinin 26 fevral Xocalı soyqırımının ildönümü ilə bağlı yaydığı bəyanatında bildirilir.

Bəyanatda qeyd olunur ki, Türkiyə qardaş Azərbaycanın kədərini bölüşür: "Türkiyə Xocalı soyqırımının günahkarlarını və Ermənistan tərəfindən Azərbaycan ərazilərinin işğalını qınayır. Azərbaycanlı qardaşlarımızın 27 il öncə Xocalıda məruz qaldıqları qətliamın acısını dərindən hiss edir və səmimiyyətlə bölüşürük. Bu faciədə həyatını itirənlərə Allahdan rəhmət diləyir, bütün azərbaycanlı qardaşlarımıza başsağlığı veririk". 

27 лет со дня Ходжалинской трагедии - Sputnik Azərbaycan
Kolumbiya parlamenti Azərbaycan xalqına başsağlığı verib

Qeyd edək ki, Azərbaycanın Xocalı şəhərində törədilmiş soyqırımının 27-ci ili tamam olur. 

1992-ci il fevralın 25-dən 26-na keçən gecə erməni hərbi birləşmələri keçmiş SSRİ-nin 366-cı motoatıcı alayının köməyi ilə Xocalı şəhərini işğal edərək, burada yaşayan dinc əhaliyə — azərbaycanlılara qarşı soyqırımı törədib.

Erməni silahlı birləşmələri SSRİ dövründən Xankəndi şəhərində dislokasiya olunmuş 366-cı motoatıcı alayının zirehli texnikası və hərbi heyətinin köməkliyi ilə 1992-ci il fevralın 25-dən 26-na keçən gecə Xocalı şəhərinə hücuma keçiblər. Mühasirəyə alınan şəhərin 2500 sakini xilas olmaq üçün Ağdam istiqamətində hərəkət edib. Lakin pusquda dayanan ermənilər dinc sakinləri gülləbaran ediblər.

Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. Düşmən gülləsindən 76-sı uşaq olmaqla, 487 nəfər yaralanıb. 1275 nəfər əsir götürülüb. Girov götürülənlərdən 150 nəfərinin, o cümlədən 68 qadın və 26 uşağın taleyi bu günədək məlum deyil.

Xocalı soyqırımının ildönümü hər il Azərbaycan və dünyanın bir çox ölkəsində qeyd olunur. Bu tədbirlərdə ermənilərin Xocalıda törətdiklərini əks etdirən foto-stendlər, sənədli filmlər nümayiş olunur, soyqırımı həqiqətlərini əks etdirən kitablar sərgilənir.

2008-cu ilin mayından İslam Konfransı Təşkilatı Gənclər Forumunun (İKGF) Mədəniyyətlərarası Dialoq üzrə baş koordinatoru Leyla Əliyevanın təşəbbüsü ilə "Xocalıya Ədalət" kampaniyası keçirilir. Kampaniyanın məqsədi beynəlxalq ictimaiyyətin Xocalı faciəsi ilə bağlı məlumatlandırılması, faciəyə beynəlxalq aləmdə mənəvi-siyasi qiymət verilməsi və beynəlxalq səviyyədə anılmasını təmin etməkdir. Kampaniyanın beynəlxalq əlaqələndirilməsi www.justiceforkhojaly.org saytı vasitəsilə aparılır.

Xəbər lenti
0