Səyyar ASAN xidmət avtobusu

"ASAN xidmət" 9 rayonda xidməti aslanlaşdıracaq

92
(Yenilənib 11:10 18.02.2019)
Goranboy, Göyçay, Şirvan və Biləsuvarda vətəndaşlara səyyar formada xidmət göstəriləcək

BAKI, 18 fevral — Sputnik. Səyyar "ASAN xidmət" 19-28 fevral Zığ qəsəbəsində, 1 fevral-2 mart Kürdəmir, Şəmkir, Masazır, Xaçmaz, Lənkəran, Goranboy, Göyçay, Şirvan və Biləsuvarda vətəndaşlara səyyar formada xidmət göstərəcək.

Sputnik Azərbaycan “ASAN Xidmət”in mətbuat xidmətinə istinadən xəbər  verir ki, səyyar şəkildə göstərilən xidmətlər Azərbaycan Respublikasının Ədliyyə Nazirliyi, Daxili İşlər Nazirliyi, Əmək və Əhalinin Sosial Müdafiəsi Nazirliyi, Əmlak Məsələləri Dövlət Komitəsi və "Azəriqaz" İB tərəfindən təqdim olunur.

 Bu xidmətlərə aşağıdakılar daxildir: 

- Notariat fəaliyyəti;

- Vətəndaşlıq vəziyyəti aktlarının dövlət qeydiyyatı;

- Şəxsiyyət vəsiqələrinin verilməsi və dəyişdirilməsi;

- Ümumvətəndaş pasportlarının verilməsi və dəyişdirilməsi;

- Sürücülük vəsiqələrinin dəyişdirilməsi;

- Əmək pensiyalarının təyin edilməsi;

- Mənzillər üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi;

-Daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi;

- Fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi;

- "Azəriqaz" İB tərəfindən göstərilən xidmətlər.

92
Teqlər:
xidmət, səyyar, rayon, Asan Xidmət, Səyyar ASAN xidmət
Əlaqədar
“ASAN xidmət”ə yeni səlahiyyət verildi
Bir çox dövlət qurumlarının səlahiyyətləri "ASAN xidmət"ə verildi - RƏSMİ
DİN səlahiyyətlərinin “ASAN Xidmət”ə verilməsinə aydınlıq gətirdi
Emin Əmrullayev, arxiv şəkli

Nazir ali məktəblərdə təhsil haqqının ödənilməsinə aydınlıq gətirdi

2
Emin Əmrullayev bildirib ki, prezidentin müvafiq sərəncamı ilə 11 500 tələbəyə sosial yardım göstərilib.

BAKI, 22 yanvar — Sputnik. Təhsil naziri Emin Əmullayev bu gün keçirilən brifinqdə pandemiya dövründə ali məktəblər üzrə təhsil haqlarının ödənilməsində yaranmış problemlərə aydınlıq gətirib.

Sputnik Azərbaycan-ın məlumatına görə, nazir bildirib ki, hazırda Azərbaycanın ali təhsil müəssisələrində 182 min tələbə təhsil alır. Onlardan 167 mini bakalavr pilləsi üzrə, 15 mini isə magistratura pilləsində oxuyur. E.Əmrullayev bildirib ki, prezidentin müvafiq sərəncamı ilə həmçinin 11 500 tələbəyə sosial yardım göstərilib. Onun sözlərinə görə, bu gün ali təhsil alan tələbələrin 100-dən 56-sı dövlət hesabına oxuyur: "Son illərdə dövlət sifarişli yerlərlə bağlı da müsbət dinamikanı müşahidə edirik. Hazırda I kursda oxuyan tələbələrin 60 faizdən çoxunun təhsil haqqını dövlət ödəyir. Yerdə qalan hər bir tələbənin də belə bir probleminin olmasını güman etmək olmaz. Əksər tələbələrin nəzəri olaraq təhsil haqqını ödəmə problemi olmamalıdır".

2
Teqlər:
nazir, ödənilmə, təhsil haqqı, ali məktəb, ali təhsil
Bakı məktəblərin birində, arxiv şəkli

Yuxarı siniflərdə ali məktəblərdə ənənəvi təhsilin bərpası ilə bağlı qərar ertələnib

7
(Yenilənib 12:54 22.01.2021)
"Təxminən 80 faiz şagirdimiz 25 və daha az sayda qrupla sinifdə təhsil alır. Əsas məsələ sıxlığı idarə etməkdir. Hibrid model yaradıcı təfəkkürün məhsulu deyil" - təhsil naziri

BAKI, 22 yanvar — Sputnik. "Fevralın 1-dən sonra növbəti iki həftə ərzində 5-9-cu sinif şagirdlərinin təhsillərini ənənəvi davam etdirmələri və ali təhsil müəssisələrində də qismən təhsilin bərpa edilməsi ilə bağlı qərarların verilməsi nəzərdə tutulur".

Sputnik Azərbaycan-ın məlumatına görə, bu barədə təhsil naziri Emin Əmrullayev bu gün keçirilən brifinqdə məlumat verib. Nazir bildirib ki, Bakı metrosunun açılması ilə bağlı qərar verilərsə, 5-9-cu sinif şagirdlərinin təhsillərini məktəbdə davam etdirmələri üçün şərait yarana bilər: "Siz bilirsiniz ki, müəllim və şagirdlərin, eləcə də valideynlərin çoxu metrodan istifadə edir".

E.Əmrullayev onu da söyləyib ki, pandemiya şəraitində ən vacib göstərici sıxlığın idarə olunmasıdır: "Ümumdünya Səhiyyə Təşkilatının (ÜST) koronavirus pandemiyası ilə bağlı qoyduğu əsas tələblərdən biri də sosial məsafənin qorunması ilə bağlıdır.

ÜST-ün tələbinə görə, sosial məsafə 1,5 metr olmalıdır. Nəzərə almalıyıq ki, Azərbaycanda şagird sayı 40 nəfər və daha çox olan siniflərin sayı 311-dir. Siniflərin, məktəblərin, müəllimlərin sayı baxımından siniflər bölünürsə, həftədə 5 dəfə tədrisin əyani bərpası mümkün olmur. Məktəblərin çoxu ikinövbəlidir. Bütün məktəblərdə sıxlıq əmsalları eyni deyil. 85600 sinifdən 49 minində, yəni 57 faizində şagird sayı 20 nəfərə yaxın, 20 minində 20-25 nəfər arasındadır.

Təxminən 80 faiz şagirdimiz 25 və daha az sayda qrupla sinifdə təhsil alır. Əsas məsələ sıxlığı idarə etməkdir. Hibrid model yaradıcı təfəkkürün məhsulu deyil".

Nazir bildirib ki, fevralın 1-dən etibarən 2 həftə ərzində təhsillə bağlı növbəti qərarlar veriləcək.

7
Teqlər:
bərpa, təhsil, sinif, ali məktəb, tələbə