Almaniya Beynəlxalq Əməkdaşlıq Cəmiyyəti tərəfindən Əlilliyi olan şəxslərin hüquqları: Qanunvericilik və onun tətbiqi” mövzusunda seminar keçirilib

Jurnalistlərə əlilliyi olan şəxslərin hüquqları mövzusunda seminar keçirilib

133
(Yenilənib 13:04 11.02.2019)
Qarşılıqlı fikir mübadiləsi şəraitində keçən seminarda jurnalistlər onları maraqlandıran suallara ətraflı cavab tapa biliblər

BAKI, 11 fevral - Sputnik. Almaniya Beynəlxalq Əməkdaşlıq Cəmiyyəti (GİZ) tərəfindən "Cənubi Qafqazda Avropa standartlarına hüquqi yaxınlaşmanın dəstəklənməsi proqramı” çərçivəsində 9-10 fevral tarixində jurnalistlər üçün daha bir seminar təşkil olunub. Sputnik Azərbaycan xəbər verir ki, seminar "Əlilliyi olan şəxslərin hüquqları: Qanunvericilik və onun tətbiqi” mövzusunda olub. 

Şabran rayonundakı Qalaaltı sanatoriyasında keçirilən iki günlük seminarda ölkənin aparıcı media qurumlarının əməkdaşları iştirak ediblər. Seminarı Vətəndaşların Əmək Hüquqlarını Müdafiə Liqası İcraiyyə Komitəsinin sədri, vəkil Sahib Məmmədov aparıb.

Almaniya Beynəlxalq Əməkdaşlıq Cəmiyyəti tərəfindən Əlilliyi olan şəxslərin hüquqları: Qanunvericilik və onun tətbiqi” mövzusunda seminar keçirilib
© Almaniya Beynəlxalq Əməkdaşlıq Cəmiyyətinin mətbuat xidməti
Almaniya Beynəlxalq Əməkdaşlıq Cəmiyyəti tərəfindən "Əlilliyi olan şəxslərin hüquqları: Qanunvericilik və onun tətbiqi” mövzusunda seminar keçirilib

Seminarın ilk günündə "GİZ”-in Azərbaycan üzrə nümayəndəsi Şakir Səfərbəyov açılış nitqi ilə çıxış edib. O, seminarın keçirilmə məqsədi, gözlənilən nəticələr və metodologiya ilə bağlı fikirlərini çatdırıb. Daha sonra vəkil Sahib Məmmədov seminarın mövzusunun aktullağı barədə məlumat verib.

Seminarın birinci günündə S.Məmmədov əlillik, beynəlxalq və milli normalarda əks olunan anlayışlar, əlilliyin dərki, etiket və davranış qaydaları, əlilliyi olan şəxslərin hüquqları haqqında BMT Konvensiyası və milli qanunvericilik, əlilliyi olan şəxslərin əmək bazarına çıxışı və məşğulluqlarının təmin olunması istiqamətində məlumatları diqqətə çatdırıb. Eyni zamanda təlimin mövzusuna aid sənədli film nümayiş olunub.

Almaniya Beynəlxalq Əməkdaşlıq Cəmiyyəti tərəfindən Əlilliyi olan şəxslərin hüquqları: Qanunvericilik və onun tətbiqi” mövzusunda seminar keçirilib
© Almaniya Beynəlxalq Əməkdaşlıq Cəmiyyətinin mətbuat xidməti
Almaniya Beynəlxalq Əməkdaşlıq Cəmiyyəti tərəfindən "Əlilliyi olan şəxslərin hüquqları: Qanunvericilik və onun tətbiqi” mövzusunda seminar keçirilib

Seminarın ikinci günündə isə vəkil S.Məmmədov əlilliyi olan şəxslərin fundamental və sosial hüquqlarının təminatı, müyəssərlik və əlverişli mühit barədə iştirakçıları dolğun məlumatlandırıb.

Qarşılıqlı fikir mübadiləsi şəraitində keçən seminarda, həmçinin jurnalistlər onları maraqlandıran suallara da ətraflı cavab tapa biliblər. Seminarın sonunda iştirakçılar əlilliyi olan şəxslər, o cümlədən əlilliyi olan uşaqlar mövzusunda kiçik həcmli esselər hazırlayaraq təqdim ediblər. Bununla da seminar başa çatıb.

Almaniya Beynəlxalq Əməkdaşlıq Cəmiyyəti tərəfindən Əlilliyi olan şəxslərin hüquqları: Qanunvericilik və onun tətbiqi” mövzusunda seminar keçirilib
© Almaniya Beynəlxalq Əməkdaşlıq Cəmiyyətinin mətbuat xidməti
Almaniya Beynəlxalq Əməkdaşlıq Cəmiyyəti tərəfindən "Əlilliyi olan şəxslərin hüquqları: Qanunvericilik və onun tətbiqi” mövzusunda seminar keçirilib

Qeyd edək ki, seminarda Sputnik Azərbaycan-ın da iki əməkdaşı iştirak edib.

133
Teqlər:
Sahib Məmmədov, seminar, jurnalist
Əlaqədar
Dövlət Komitəsi Lənkəranda seminar-müşavirə keçirdi
Görkəmli dövlət xadiminin ictimai-siyasi fəaliyyətinə həsr olunmuş seminar keçirilib
GİZ tərəfindən jurnalistlərə daha bir təlim-seminar keçirilib
Lənkəranda regional seminar keçirilib
Baş Prokurorluq

Baş Prokurorluq əhaliyə müraciət etdi - səbirli olun

3
(Yenilənib 16:15 30.11.2020)
Prokurorluq işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir

BAKI, 30 noyabr — Sputnik. Son zamanlar mülki şəxslərin işğaldan azad edilmiş ərazilərimizdə minaya düşərək müxtəlif dərəcəli bədən xəsarətləri almaları, bəzən isə həlak olmaları halları müşahidə edilməkdədir.

Sputnik Azərbaycan Baş Prokurorluğun məlumatına istinadla xəbər verir ki, Prokurorluq vətəndaşlarımıza bir daha müraciət edərək, təhlükəsizliyin təmin edilməsi məqsədi ilə işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir.

3
Teqlər:
Qarabag, Baş Prokurorluq, əhali, çağırış, təhlükə, mina, işğaldan azad edilmiş ərazilər

Topçu Vüsal məsələsində son nöqtə qoyuldu - "Məqsədimiz..."

24
"Az-Granata" MMC-nin PR meneceri: "Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Zülfiyyə Quluyeva, Sputnik Azərbaycan

BAKI, 30 noyabr — Sputnik. Vətən müharibəsinin qəhrəmanlarından olan topçu Vüsal Şahkərimovu məşhurlaşdıran fotonun spirtli içki şüşəsinin üzərinə vurulması sosial şəbəkələrdə birmənalı qarşılanmayıb. İctimaiyyətdə qəhrəman topçunun şəklinin spirtli içki şüşəsində əks olunması geniş narazılığa səbəb olub. Əsgərin atası İslam Şahkərimov bildirib ki, şərab istehsalçılarına şifahi şəkildə razılıq verib: "Bir az əvvəl həmin adamlar yenə mənə zəng etmişdilər. Dedilər ki, Vüsal özü bu məsələyə nə deyir, əsas odur. Mən də belə düşünürəm ki, razılıq verməklə səhv etmişəm. Görürəm ki, camaatdan da xeyli narazılıq var. Elə az əvvəl Vüsalla da danışdım. Dedi ki, fotomun içki şüşəsinin üstünə vurulmasına etiraz edirəm".

"Az-Granata" MMC-nin PR meneceri Ülvi Günəşli Sputnik Azərbaycan-a açıqlamasında bildirib ki, artıq topçu Vüsal Şahkərimovla bağlı məsələ bağlanıb: "Qeyd edim ki, üzərində topçu Vüsal Şahkərimovun şəkli olan spirtli içki istehsala verilməmişdi. Sadəcə olaraq bu barədə məlumat paylaşılmışdı. "Az-Granata" MMC Vüsalın valideyni ilə danışaraq həm şifahi, həmçinin də rəsmi razılığını almışdı. Sadəcə olaraq bu məsələdə ictimaiyyətin fikrini nəzərə aldıq. Həmçinin topçumuz özü də şəklinin spirtli içki şüşəsində olmasına razı olmayıb. Biz də bütün bunları nəzərə alaraq bu məsələni qapatdıq".

Ü.Günəşli iddia edir ki, əslində bu məsələdə şirkətin məqsədi tamamilə başqa olub: "Bizim fikrimiz ictimaiyyətə düzgün çatdırılmadı. Şirkətimiz Vüsalın şəklinin vurulduğu kitabların çapına da sponsorluq etmək niyyətində idi. Bizim qədim tarixi adları daşıyan məhsullarımız var. Həmin məhsullar gələn qonaqlara təqdim edildikdə tariximizlə bağlı məlumatlar da verilir. Bizim üzərində topçu olan spirtli içkini bir dəfə istehsal etmək fikrimiz vardı. Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Qeyd edək ki, əslən Xaçmaz rayonundan olan 19 yaşlı topçu Vüsal Şahkərimov Vətən müharibəsinin minlərlə qəhrəmanından biridir.

24