Kənan Məstəliyev

"Nişan toy mərasimlərinə futbol oyunlarından daha çox adam gəlir"

5438
(Yenilənib 12:56 10.02.2019)
"Bir-iki ildən sonra camaat çempionatımıza nəinki tribunadan, heç televizordan da baxmayacaq"

Təranə Xudabaxşiyeva, Sputnik Azərbaycan

BAKI, 10 fevral — Sputnik. Bir neçə il öncə futbol oyunu gedən stadionlardakı səsdən qulağımız batardı. Hətta bir dəfə İsmət Qayıbov adına stadionundan iki dəstə azarkeşin böyük hay-küylə, qışqırıqla çıxdığının şahidi olmuşdum. Hamı səsə çölə qaçmışdı. Qışqıranlar isə "Xəzər Lənkəran" və "Neftçi"nin azarkeşləri idi. Hər iki klubun azarkeşləri var gücləri ilə öz klublarını dəstəkləyirdilər.

İndi isə nə o klubların həmin gücü qalıb, nə də o azarkeşləri. Son illərdə oyunlarda futbolçuları ancaq məşqçiləri və klublarının 3-5 işçisi dəstəkləyir. Qol vurulanda isə futbolçu tribunada adam tapa bilmir ki, üzünü ona tərəf çevirib sevinsin.

Futbol ictimaiyyətinin nümayəndələri bu problemin hansı səbəblərdən qaynaqlandığını Sputnik Azərbaycan-a danışıblar.

Futbol yazarı Kənan Məstəliyevin fikrincə, səbəb çox sadədir: "Ölkə futbol tarixində ən böyük azarkeş dəstəyi olan, bu baxımdan ən böyük potensiala malik regionlar Premyer-Liqada təmsil olunmur. Tovuz, Gəncə faktiki olaraq cansız əşya kimi I Divizionda var-gəl edir. Qusar, Mingəçevir, Qazax, Naxçıvan və başqaları Region Liqasında vaxt keçirir, Lənkəran isə, ümumiyyətlə, yoxdur. Liqadakı 8 klubun 6-sı faktiki olaraq Bakını təmsil edir, "Qəbələ" Qəbələni təmsil etsə də, demək olar ki, paytaxtda məskunlaşıb, "Sumqayıt" da, demək olar ki, Bakı komandasıdır. Belə olan halda, stadionda azarkeşin olmaması çox normaldır".

"Nişan və toy mərasimlərinə futbol oyunlarından daha çox adam gəlir. Baş verənləri ifadə etmək üçün deyiləcək söz tapmaq mümkün deyil. Rəsmən rəzalətdir. Həll yolu isə çox sadədir: Premyer-Liqada klub sayı artırılmalı və gələnlər mütləq şəkildə regionları təmsil etməlidirlər. Başqa yolu yoxdur. AFFA Premyer-Liqadakı 8 klubdan 5-inə maliyyə dəstəyi verir və onlardan heç biri regionu təmsil etmir. Bu siyasət, bu baxış bucağı dəyişməlidir. Yoxsa, bir-iki ildən sonra camaat çempionatımıza nəinki tribunadan, heç televizordan da baxmayacaq" – deyə K.Məstəliyev bildirib.

İdman jurnalisti, aparıcı Sənan Şəfizadə də düşünür ki, azarkeşlərin stadiona gəlməsi üçün işlər görülməlidir: "Milli çempionatda maraqlı oyunlar çox deyil. Rəqabət əvvəlki illərdə olduğu qədər yoxdur. 5 il əvvəl 6-7 klub avrokuboklara vəsiqə uğrunda yarışırdı. İndi həmin rəqabət yoxdur. Üstəlik, artıq klublar səviyyəli legionerlər əvəzinə nisbətən ucuz futbolçularla maraqlanır. Azarkeş də düşünür ki, stadiona gedib nəyə baxacaq. Azarkeşin stadiona gəlməsi üçün ona keyfiyyətli məhsul təqdim olunmalıdır. Əks halda heç kim vaxtını sərf edərək stadiona gəlmək barədə düşünməyəcək. Klublar arasında intriqa, demək olar, yoxdur".

S.Şəfizadə bu məsələdə xarici ölkələrin təcrübəsini nümunə göstərib: "Bəlkə də müqayisə düzgün çıxmaz, amma Avropada hər klubun azarkeşlərlə işləyən şöbəsi - departamenti var. Onlar mütəmadi olaraq hər azarkeşlə məktublaşırlar. Onların stadionda olduğu müddəti maraqlı etmək üçün layihələr reallaşdırırlar".

"Azarkeş stadiona bir neçə məqama görə gedir: gərgin rəqabət olan maraqlı oyun izləmək, rəğbət bəslədiyi ulduz futbolçunu canlı görmək, tribunada unudulmaz anlar yaşamaq. Bütün bunlar bizim futbolda yoxdur. Xüsusilə seçilən ulduz futbolçumuz da yoxdur ki, ona görə minlərlə adam tribunaya axışsın. Belə olduğu halda da azarkeşlər yalnız avrokubok matçlarında stadionda gəlir. Ölkə çempionatı, o cümlədən millinin oyunlarına maraq böyük deyil" – deyə o qeyd edib.

Futbolçu Rail Məlikov isə oynadığı komandanın azarkeşlərinin kifayət qədər olduğunu bildirib: "Şəxsən deyə bilərəm ki, "Sumqayıt" futbol klubunun azarkeşləri oyunlarımıza yetərincə gəlirlər. Biz azarkeşlərimizdən razıyıq. Başqa komandaların azarkeşləri haqqında isə fikir bildirə bilmərəm".

5438

Şəhid general-mayorla doğulduğu Qəbələdə izdihamlı vida

392
Azərbaycan-Ermənistan dövlət sərhədinin Tovuz rayonu istiqamətində gedən döyüşlərdə şəhid olan qəhrəman hərbçimiz, general-mayor Həşimov Poladın nəşi doğulduğu Qəbələnin Vəndam kəndinə gətirilib.

General-mayor Həşimov Polad İsrayıl oğlu qəhrəmanca şəhid olub. Onun nəşi doğulduğu Qəbələnin Vəndam kəndinə gətirilib. Məmləkətinə onunla vidalaşmaq imkanı yaradılıb.

Qeyd edək ki, şəhidimiz sabah paytaxtdakı İkinci Fəxri Xiyabanda son mənzilə yola salınacaq.

İyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərib.

Düşmən hücumunun qarşısını alarkən döyüşdə Azərbaycan Ordusunun  hərbi qulluqçuları çavuş Sadıqov Vüqar Lətif oğlu, baş əsgər Məmmədov Elşad Dönməz oğlu, baş leytenant Mahmudov Rəşad Rəşid oğlu, hərbi qulluqçumuz əsgər Daşdəmirov Xəyyam Məhəmməd oğlu, bu gün isə döyüş zamanı müdafiənin ön xəttində olan general-mayor Həşimov Polad İsrayıl oğlu, polkovnik Mirzəyev İlqar Anzor oğlu, mayor Əhmədov Namiq Hajan oğlu, mayor Novruzov Anar Gülverdi oğlu, gizir Zeynallı İlqar Ayaz oğlu, gizir Babayev Yaşar Vasif oğlu və müddətdən artıq həqiqi xidmət hərbi qulluqçusu, əsgər Mustafazadə Elçin Arif oğlu şəhid olub.

392
Artilleriya atəşi, arxiv şəkli

Ermənistanın daha bir hərbi obyekti darmadağın edildi - VİDEO

390
(Yenilənib 23:31 14.07.2020)
Dövlət sərhəddinin Tovuz istiqamətində Azərbaycan və Ermənistan Silahlı Qüvvələrinin intensiv atışması davam edir.

BAKI, 14 iyul — Sputnik. İyulun 14-də Tovuz rayonu istiqamətində gedən döyüşlər zamanı Ermənistan silahlı qüvvələrinin daha bir hərbi obyekti - bölüyün dayaq məntəqəsi bölmələrimizin dəqiq zərbəsi ilə darmadağın edilib.

Bu barədə Sputnik Azərbaycan Müdafiə Nazirliyinə istinadən məlumat verir.

390