İranın Azərbaycandakı səfiri Cavad Cahangirzadə

"Azərbaycan-İran əlaqələri qızıl dövrünü yaşayır"

132
(Yenilənib 12:10 08.02.2019)
"Çox sevindirici haldır ki, xarici səfər edən azərbaycanlıların 32%-i məhz İranı seçir"

Eldar Tanrıverdiyev, Sputnik Azərbaycan

BAKI, 8 fevral — Sputnik. "Azərbaycan-İran əlaqələri qızıl dövrünü yaşayır". Sputnik Azərbaycan xəbər verir ki, bunu İran İslam Respublikasının Azərbaycandakı səfiri Cavad Cahangirzadə bildirib. 

Səfir qeyd edib ki, İran-Azərbaycan əlaqələrini inkişaf etdirmək üçün yaxşı potensial var: "Bəzi qüvvələr iki ölkənin münasibətlərinin inkişaf etməsindən narazıdır. Həm İran, həm Azərbaycan təhlükəsiz ölkələrdir. Lakin bu təhlükəsizliyin təmin olunması heç də asan başa gəlməyib".

"Azərbaycanla İran arasında 2018-ci ildə ticarət dövriyyəsi 2017-ci illə müqayisədə 73% artıb. Yaxın perspektivdə İran-Azərbaycan əlaqələrini 5 milyard dollara çatdırmağa dair planımız var. İran və Azərbaycan prezidentləri son 5 ildə 12 dəfə həm Bakı, həm Tehran, həm də beynəlxalq konfransda görüşlər keçiriblər" - deyə səfir əlavə edib.

Səfir, həmçinin qeyd edib ki, İrana səfər edən xarici vətəndaşlar arasında azərbaycanlılar ikinci pillədə qərarlaşıb: "Çox sevindirici haldır ki, xarici səfər edən azərbaycanlıların 32%-i məhz İranı seçir. Onlar turizm, təhsil, səhiyyə üçün ölkəmizə gəlirlər. Azərbaycanlılar saya görə İraq vətəndaşlarından sonra İran İslam Respublikasına səfər edən ikinci dövlətdir".

132
Teqlər:
Azərbaycan-İran, Azərbaycan-İran əlaqələri, səfir, İran
Əlaqədar
Vaşinqtonun İran hiyləsi: Azərbaycan qol qoymur, hədəf Ermənistandır
Rusiya, İran və Azərbaycan üçtərəfli sammit keçirəcək
Azərbaycan-İran sərhədində atışma olub, yaralanan var
Azərbaycan, Türkiyə və İran arasında mühüm anlaşmalar əldə olunub
 Belarus Prezidenti Aleksandr Lukaşenko, arxiv şəkli

Lukaşenko Belarusun dağılması təhlükəsindən danışdı

17
(Yenilənib 00:23 11.07.2020)
Prezident eyni zamanda vurğulayıb ki, Belarusda dəyişikliklər "Maydandan deyil, Konstitusiyadan" gəlməlidir

BAKI, 10 iyul — Sputnik. Belarus Prezidenti Aleksandr Lukaşenko ölkənin dağılması təhlükəsi olduğunu bəyan edib. Sputnik Azərbaycan "RİA Novosti"-yə istinadən xəbər verir ki, Lukaşenko yerli KİV-lərlə görüşündə ölkənin suverenliyinin qorunmasının əsas məqsəd olduğunu bildirib.

"Yalnız mənim deyil, bizim öz əllərimizlə qurduğumuz hər şeyin sabah dağılmasını və kiminsə gəlib, eksperimentlər həyata keçirməsini istəmirəm", - deyə Lukaşenko vurğulayıb.

Prezident eyni zamanda vurğulayıb ki, Belarusda dəyişikliklər "Maydandan deyil, Konstitusiyadan" gəlməlidir.

Qeyd edək ki, avqustun 9-da Belarusda prezident seçkisi keçiriləcək. Seçki kampaniyası zamanı müxalifətin bəzi liderləri və namizəd Viktor Babariko tutulub. Belarus DİN vurğulayır ki, onlar siyasi fəaliyyətinə görə deyil, kütləvi tədbirlər zamanı asayişin pozulmasına görə saxlanılıblar.

17
Əlaqədar
Lukaşenko anons etdi – İqtisadi, ekoloji problemlər kəskinləşəcək
Lukaşenko qələbə paradında - Moskvanı vətəninin paytaxtı adlandırdı
Lukaşenko bəyan etdi: "Koronavirus üzərində qələbə çaldıq"
Kreml: Belarusdakı seçkilərə müdaxilə etməyə hazırlaşmırıq
Lukaşenko xəbərdarlıq edib: Belarus ərazisinin bir hissəsini itirə bilər
Banu Şucai, arxiv şəkli

Azərbaycanın ən gözəl qızı oğlanı onlayn seçdilər

85
(Yenilənib 23:44 10.07.2020)
Karantin rejimi tətbiq olunandan əvvəl altı ay müddətində iştirakçılar model xoreoqrafiyası, model işinin nəzəriyyəsi, psixologiya və xarici dil dərslərinə qatılıblar

BAKI, 10 iyul — Sputnik, Kəmalə Əliyeva. Modellər Banu Şücai və Elçin Dadaşov Miss&Mister Azerbaijan-2020 milli gözəllik müsabiqəsinin qalibi olublar.

Bu barədə Sputnik Azərbaycan-a layihənin mətbuat xidmətindən məlumat verilib.

Koronavirus pandemiyası səbəbindən müsabiqə ilk dəfə onlayn keçirilib. Münsiflər heyətinə layihənin yaradıcısı və təşkilatçısı Anelya Orduxanova, baş koordinator, quruluşçu xoreoqraf Ayla Mais, koordinator və xoreoqraf Hidayət Xəlilov (Mister Super Model 2018) və müsabiqənin piar-meneceri, psixoloq Səxavət Qabiloğlu daxildirlər. 

© Photo : Courtesy organizers of the contest Miss & Mister Azerbaijan-2020
Banu Şücai və Elçin Dadaşov

Models Production model şirkətinin nümayəndəsi də finala qatılaraq iştirakçıların çıxışını onlayn izləyib.

Karantin rejimi tətbiq olunandan əvvəl altı ay müddətində iştirakçılar model xoreoqrafiyası, model işinin nəzəriyyəsi, psixologiya və xarici dil dərslərinə qatılıblar. Finalçılar Bakıdan və Azərbaycanın digər regionlarından şəbəkəyə qoşularaq məharətlərini münsiflərə nümayiş etdiriblər.

Səsvermə nəticəsində Banu Şücai və Elçin Dadaşov birinci olublar.

Banu Şücai Miss Globe International və  Miss smile titullarının sahibi, “Səs Azərbaycan” milli musiqi layihəsinin iştirakçısı olub. Dünyada bir çox beynəlxalq moda həftələrində model kimi iştirak edib. Elçin Dadaşov da moda və gözəllik sənayesi ilə bağlı müxtəlif layihələrə qatılıb.

 

85