После землетрясения на автодорогах зарегистрированы трещины и оползни

Zəlzələ zamanı yollarda çatlar yaranıb

61
(Yenilənib 12:40 07.02.2019)
Hazırda Azərbaycan Avtomobil Yolları Dövlət Agentliyinin əməkdaşları tərəfindən yollara baxış keçirilir

BAKI, 7 fevral — Sputnik. "Fevral ayının 5-də gecə saatlarında Şamaxı və İsmayıllı rayonlarında baş vermiş zəlzələ nəticəsində avtomobil yollarının bəzi hissələrində yolların eni və uzunu boyu çatlar əmələ gəlib, sürüşmələr qeydə alınıb". 

Bu barədə Sputnik Azərbaycan-a Azərbaycan Avtomobil Yollar Dövlət Agentliyinin (AAYDA) mətbuat xidmətindən məlumat verilib.

Məlumata görə, Bakı-Şamaxı-Yevlax avtomobil yolunun 115-120-ci km-lik hisəsində 1-3 sm enində 5 yerdə çatlar yaranıb, Şamaxı-Pirqulu-Dəmirçi və Çuxuryurd-Qızmeydan-Pirbəyli avtomobil yollarında çatlar və sürüşmələr qeydə alınıb. Çatlar İsmayıllı-Muğanlı avtomobil yolunda da müşahidə olunur.

O da bildirilib ki, hazırda AAYDA əməkdaşları tərəfindən yollara baxış keçirilir, yollara dəymiş ziyan aktlaşdırılır.

61
Teqlər:
yol, çatlar, zəlzələ, Azərbaycan Avtomobil Yollar Dövlət Agentliyi
Əlaqədar
Zəlzələ qaz xətlərini sıradan çıxarıb, təbii qazın verilişi dayandırılıb
Azərbaycanda baş verən zəlzələ ilə bağlı yeni məlumat yayıldı
Azərbaycanda zəlzələ davam edir
İnfarkt keçirən, dili tutulan və nəşəsindən qalmayanlar- Zəlzələ anının şahidləri