Milli Məclis ilk plenar iclasına start verib

© Sputnik / Murad OrujovЗдание парламента Азербайджанской Республики
Здание парламента Азербайджанской Республики - Sputnik Azərbaycan
Abunə olmaq
İclasın gündəliyinə 38 məsələ daxil edilib

BAKI, 1 fevral — Sputnik. Milli Məclisin yaz sessiyasının ilk plenar iclası keçirilir. Sputnik Azərbaycan xəbər verir ki, iclasın gündəliyinə 38 məsələ daxil edilib.

Milli Məclisin İntizam və Hesablayıcı komissiyalarının yenidən təşkil edilməsi, parlament komitələrinin sədr müavinlərinin seçilməsi məsələsinə baxılacaq, 2019-cu il yaz sessiyasının qanunvericilik işləri planı təsdiq ediləcək. 

Hadı Rəcəbli, Milli Məclisin Komitə sədri - Sputnik Azərbaycan
CƏMİYYƏT
Komitədə 366 vətəndaş qəbul edilib

"Türk Mədəniyyəti və İrsi Fondunun maliyyə qaydaları haqqında", "Azərbaycan Respublikası Hökuməti ilə Türk Mədəniyyəti və İrsi Fondu arasında yerləşmə ölkəsi haqqında", "Türk Akademiyasının maliyyə qaydaları haqqında" Sazişlərin təsdiq edilməsi məsələsinə baxılacaq.

"Büdcə sistemi haqqında" Azərbaycan Respublikasının Qanununda dəyişiklik edilməsi barədə" Azərbaycan Respublikasının 2018-ci il 30 noyabr tarixli 1358-VQD nömrəli Qanununda, "Dövlət borcu haqqında" Azərbaycan Respublikasının Qanununda dəyişiklik edilməsi barədə" Azərbaycan Respublikasının 2018-ci il 30 noyabr tarixli 1359-VQD nömrəli Qanununda dəyişikliklərə baxılacaq.

"Azərbaycan Respublikasının orden və medallarının təsis edilməsi haqqında", "İnzibati icraat haqqında", "15 yaşı tamam olmamış Azərbaycan Respublikası vətəndaşının fərdi identifikasiya kartı haqqında", "Azərbaycan Respublikasının vətəndaşlığı haqqında", "İşsizlikdən sığorta haqqında", "Əlilliyi olan şəxslərin hüquqları haqqında", "Məşğulluq haqqında", "Dövlət rüsumu haqqında", "Əmtəə nişanları və coğrafi göstəricilər haqqında", "Patent haqqında" qanunlarda dəyişikliklərə baxılacaq.

"Hərbi vəzifə və hərbi xidmət haqqında", "Qiymətli kağızlar bazarı haqqında" qanunlarda, Ailə, Mənzil, Ticarət Gəmiçiliyi, Şəhərsalma və Tikinti, İnzibati Xətalar, Əmək, Cəzaların İcrası, Seçki məcəllələrində dəyişikliklərə baxılacaq.

"Patent haqqında", "Əmtəə nişanları və coğrafi göstəricilər haqqında", "İxrac nəzarəti haqqında", "Reklam haqqında", "Kitabxana işi haqqında", "Kütləvi informasiya vasitələri haqqında", "Nəşriyyat işi haqqında", "Milli arxiv fondu haqqında" qanunlarda dəyişikliklərə baxılacaq.

"Çernobıl qəzasının ləğvində iştirak etmiş və həmin qəza nəticəsində zərər çəkmiş vətəndaşların statusu və sosial müdafiəsi haqqında", "Dövlət sosial sığorta sistemində fərdi uçot haqqında" və "Penitensiar müəssisələrdə cəza çəkməkdən azad edilmiş şəxslərin sosial adaptasiyası haqqında", "Sosial sığorta haqqında", "Ünvanlı dövlət sosial yardımı haqqında", "Sosial müavinətlər haqqında" və "Əmək pensiyaları haqqında" qanunlarda dəyişikliklər müzakirə ediləcək.

Xəbər lenti
0