Bakı Şəhər İcra Hakimiyyətinin binası

Bakı Şəhər İcra Hakimiyyətində daha bir dəyişiklik: 65 əməkdaş işini itirib

269
(Yenilənib 15:43 31.01.2019)
Bakı Şəhər İcra Hakimiyyətində ixtisarlar baş verib

BAKI, 31 yanvar — Sputnik. Bakı Şəhər İcra Hakimiyyətinin (BŞİH) Xarici əlaqlər departamentinin sədri Rasim Quliyev öz ərizəsi ilə işdən azad edilib. Sputnik Azərbaycan-ın əldə etdiyi məlumata görə, hadisə ötən il dekabrın sonlarında baş verib.

Bakı Şəhər İcra Hakimiyyətinin (BŞİH) Xarici əlaqlər departamentinə sədri Rasim Quliyev
Bakı Şəhər İcra Hakimiyyətinin (BŞİH) Xarici əlaqlər departamentinə sədri Rasim Quliyev

Məsələ ilə bağlı Sputnik Azərbaycan-ın sorğusuna BŞİH-dən belə cavab verilib: "Rasim Quliyev işdən azad edilməyib. Sadəcə olaraq, onun rəhbərlik etdiyi Xarici əlaqlər departamenti ləğv edilib. Hazırda həmin idarənin bütün əməkdaşları sərəncamdadırlar və onlar haqqında hələ heç bir qərar verilməyib".

Xatırladaq ki, ötən ilin sentyabrında BŞİH başçısının birinci müavini Eldar Əzizovun (sonradan başçı təyin olundu – red.) əmri ilə BŞİH Aparatının rəhbəri Rasim Quliyev tutduğu vəzifədən azad olunub. Onun yerinə isə Həbibullayev Elgin Şirin oğlu təyin edilib.

Qeyd edək ki, Rasim Quliyev 1970-ci ildə Naxçıvan MR-in Şahbuz rayonunda doğulub. Azərbaycan Neft Akademiyasını bitirib. Xalq hərəkatının fəal iştirakçısı, mərhum prezident Heydər Əliyevin qatı tərəfdarlarından olub.

O, BŞİH-nin keçmiş başçısı Hacıbala Abutalıbovun əmri ilə öncə meriyanın ərazi idarəetmə şöbəsinin müdiri, daha sonra Aparat rəhbəri təyin edilib və uzun illər Aparat rəhbəri vəzifəsində çalışıb.

Onu da əlavə edək ki, bu günlərdə BŞİH-in tabeliyində olan 4 idarə: Xarici əlaqələr və İnvestisiya proqramları departamentləri, Bakı Şəhər Kino Xidməti İdarəsi və Bakı Şəhər Ekspertiza Mərkəzi ləğv olunub. Əldə etdiyimiz məlumata görə, həmin qurumlarda ümumilikdə 65 nəfər əməkdaş çalışıb.

269
Teqlər:
əməkdaş, Rasim Quliyev, BŞİH, Bakı şəhər İcra Hakimiyyəti
Əlaqədar
Bakı Şəhər İcra Hakimiyyəti ilə bağlı əmr imzalandı - Yeni təyinat
Bakı şəhər İcra Hakimiyyətinə yeni sözçü gətirildi
Bakı Şəhər İcra Hakimiyyətində xüsusi Qərargah yaradılıb
Bakı Şəhər İcra Hakimiyyətinin 4 idarəsi ləğv edilib

Rusiya dünyada koronavirus əleyhinə peyvəndi qeydiyyatdan keçirən ilk ölkə oldu

5
Vladimir Putin dünyada ilk koronavirus əleyhinə peyvəndin qeydiyyatdan keçdiyini elan edib. Preparat Rusiya Müdafiə Nazirliyinin və Qamaleya adına EMMTM-nın mütəxəssisləri tərəfindən birgə hazırlanıb və “Sputnik V” adını alıb.

Peyvənd müvəffəqiyyətlə könüllülər üzərində sınaqdan keçirilib.

Sınaq iştirakçıları qeyd ediblər ki, özlərini əla hiss edirlər və peyvənddən sonra heç bir yan təsir fərq etməyiblər. Həkimlərin sözlərinə görə, bütün könüllülərdə COVID-19 əleyhinə immunitet yaranıb, preparatın özü isə təhlükəsiz olduğunu sübut edib. Dünyanın bir çox ölkəsi də Rusiyanın yeni preparatı ilə maraqlanıblar, hal-hazırda preparatın digər ölkələrdə sınaqdan keçirilməsi və istehsal edilməsi mümkünlüyü müzakirə edilir. Rusiyanın Müdafiə Nazirliyi və Qamaleya adına Mərkəzin birgə işlərindən başqa, daha iki şirkət peyvəndin hazırlanması ilə məşğul olur. Novosibirskin “Vektor” Virusologiya və Biotexnologiya Dövlət Elmi Mərkəzi üç prototipin insanlar üzərində sınaqlarına artıq start verib. Sankt-Peterburqun Peyvənd və Serum Elmi Tədqiqat İnstitutu da peyvəndin hazırlanması ilə məşğuldur. Rusiyalıların kütləvi vaksinasiyası üçün preparatların ilk partiyasının artıq avqustun ortasında hazır olacağı gözlənilir.

5
Azərbaycan Respublikasının Baş Naziri Əli Əsədov, arxiv şəkli

Onları işə buraxmayacaqlar - Baş nazir tapşırıq verdi

86
(Yenilənib 14:28 13.08.2020)
Məktubda qeyd edilən ikinci məqama əsasən, dövlət orqanlarında 65 yaşdan yuxarı işçilərin işə cəlb edilməməsi tapşırığı verilib.

BAKI, 13 avqust - Sputnik. Nazirlər Kabineti 48 dövlət orqanına (nazirliklər, agentliklər və s.) məktub göndərib.

Nazirlər Kabinetinin Mətbuat Xidmətindən bildirilib ki, Baş Nazir Əli Əsədovun avqustun 10-da imzaladığı məktubda 3 əsas məqam nəzərdə tutulub.

Məktubda nəzərdə tutulan dövlət orqanlarında işə cəlb ediləcək işçilərin sayının 20-30 %-dən ən çoxu 50%-ə qaldırılması ilə bağlı tapşırıq verilib. Həmin dövlət orqanlarında indiyə qədər işçilərin 20 və 30 %-i işə cəlb edilirdi. Bu sayın dərəcəsi artıq 50%-ə qədər yüksəldilib.

Məktubda qeyd edilən ikinci məqama əsasən, dövlət orqanlarında 65 yaşdan yuxarı işçilərin işə cəlb edilməməsi tapşırığı verilib.

Qeyd edək ki, indiyədək 60 yaşdan yuxarı işçilərin işə cəlb edilməsi qadağan idi.

Üçüncüsü isə dövlət orqanlarında əməkdaşların həftələr üzrə qrafik müəyyən edilməklə, növbəlilik qaydasında işə cəlb edilməsi tapşırılıb.

86