Venesuela prezidenti Nikolas Maduro

Maduro ABŞ-ın ölkəsindəki əsl hədəfini açıqladı

75
(Yenilənib 10:58 30.01.2019)
Onlar Simon Bolivar ideyasını, ruhunu məhv etmək istəyir

BAKI, 30 yanvar — Sputnik. Venesuela prezidenti Nikolas Maduro ABŞ-ın bu ölkədəki əsas hədəfini açıqlayıb. Bu barədə Sputnik Azərbaycan "RİA Novosti"yə istinadən xəbər verir.

Onun sözlərinə görə, Birləşmiş Ştatlar Venesuela neftini ələ keçirmək niyyətindədir: "Bizim proqnozlarımıza görə, ölkəmiz qızıl ehtiyatlarına görə dünyada birinci yerdə olacaq. Qaz ehtiyatlarına görə biz dördüncüyük. Bizdə böyük miqdarda almaz, içməli su, alüminium, dəmir ehtiyatları var", - deyə Maduro qeyd edib.

İkinci səbəb kimi o, ideologiyanı göstərib: "Onlar Simon Bolivar ideyasını, ruhunu məhv etmək istəyirlər".

Nikolas Maduro, həmçinin bəyan edib ki, ABŞ prezidentinin milli təhlükəsizlik üzrə müşaviri Con Bolton Donald Trampa Venesuela hökuməti ilə əlaqələr qurmağı qadağan edib.

Xatırladaq ki, yanvarın 23-də Venesuelada müxalifət lideri, parlamentin sədri Xuan Quaydo özünü müvəqqəti prezident elan edib. Amerika qitəsindəki 34 ölkə onun prezidentliyini tanıyıb. Rusiya, Meksika, Boliviya, Türkiyə isə Maduronu dəstəklədiklərini bildirib.

75
Teqlər:
Donald Tramp, Con Bolton, Venesuela, ABŞ, Nikolas Maduro
Əlaqədar
Ac qalan Venesuela əhalisinin Kolumbiyaya qaçışı - VİDEO
Rusiyadan ABŞ-a kəskin Venesuela xəbərdarlığı: Fəlakət ssenarisi olacaq
Fransa Venesuela hadisələri ilə bağlı mövqeyini açıqladı
“Venesuela hadisələri neft və qızıl bazarına da təsir edəcək”