Мелик Манукян

Yerevanda sabiq deputatın obyektində atışma Ölən yaralılar var

4415
(Yenilənib 12:22 29.01.2019)
Hazırda hadisə nəticəsində ölən və 8 yaralının şəxsiyyəti dəqiqləşdirilir

BAKI, 29 yanvar — Sputnik. Ermənistan parlamentinin sabiq deputatı Melikset Manukyanın restoranında baş verən atışma nəticəsində bir nəfər ölüb, 8 nəfər yaralanıb. Bu barədə Sputnik Ermənistan "Shamshyan.com"-a istinadən xəbər verir. 

Belə ki, yanvarın 29-u gecə saatlarında Kotayk polis idarəsinə Yerevan və Abovyan xəstəxanasından bir neçə vətəndaşın gətirildiyi və onlardan birinin öldüyünə dair məlumat daxil olub.

Xəstəxanaya gələn polislər və müstəntiqlər həmin şəxslərin Çiçəklənən Ermənistan Partiyasından seçilən sabiq deputat Melikset Manukyana məxsus "Partez" restoran kompleksindən gətirildiyini öyrəniblər.

Hazırda hüquq mühafizə orqanları restoranda işlər aparır. Restoranda ərazisi döyüş meydanına bənzəyir. Atışma zamanı "Makarov" və "TT" tipli tapançalar da daxil olmaqla bir sıra silahlar, giliz və güllələr tapılıb. Həmçinin hadisə yerində qan izləri olan ling də götürülüb. Zərərçəkənlərin olduğu otaqda, həmçinin kart da aşkarlanıb.

Hazırda hadisə nəticəsində ölən və 8 yaralının şəxsiyyəti dəqiqləşdirilir.

4415
Teqlər:
erməni, deputat, restoran, atışma, Yerevan
Əlaqədar
Ermənistan həbsxanasında baş verən dəhşət dünya mətbuatının gündəmində
Ermənistan tərəfi xahiş etdi, Medvedyev Paşinyanla görüşdü
Ermənistan Rusiyadan yeni nəsil silahlar alır
Ermənistan müdafiə nazirindən acı etiraf: “Resursumuz yoxdur”
Tarkan, arxiv şəkli

Rəzalət davam edir - Türk sənətkarları Qarabağda "öldürürlər"

14
(Yenilənib 09:57 24.10.2020)
Bu dəfə meqastar Tarkan və müğənni Mustafa Sandal öldürülən Azərbaycan əsgərləri kimi təqdim ediliblər.

BAKI, 24 oktyabr — Sputnik. Ermənistanın Qarabağda davam edən döyüşlərdə türkiyəli məşhurlardan istifadə edərək dezinformasiya yaymağı Türkiyə KİV-nin gündəmini zəbt edib.

Sputnik Azərbaycan xəbər verir ki, ölkənin tanınmış telekanalları və xəbər portalları məlumat yayaraq ermənilərin çirkin təbliğata əl atdıqlarını qeyd edib.

Həmçinin məşhurların hərbi xidmətdə çəkilən fotolarının düşmən ölkənin mətbuatında yer alıb. Bu dəfə meqastar Tarkan və Mustafa Sandal öldürülən Azərbaycan əsgərləri kimi təqdim edilib.

Qeyd edək ki, bundan öncə ermənilər məşhur simalar - müğənni Sərdar Ortac, aktyorlar - Aras Bulut İynemli, Kaan Girgin, aparıcı Alp Kırşan, şoumen Bəyazit Öztürk və sosial şəbəkə fenomeni Burak Özdemiri öldürülən Azərbaycan əsgərləri kimi təqdim etmişdilər.

14
Partlamamış hərbi sürsat, arxiv şəkli

Cəbhəyanı bölgələrdə 175 partlamamış sursat, mərmi qalıqları dronlar zərərsizləşdirilib

3
(Yenilənib 10:12 24.10.2020)
Mina Təhlükəsinə dair Maarifləndirmə üzrə mütəxəsisslər tərəfindən 9 714 nəfər mülkü şəxs arasında mina təhlükəsizliyinə dair maarifləndirmə təbliğatı aparılıb.

BAKI, 24 oktyabr - Sputnik. 23 oktyabr tarixində Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Bərdə, Beyləqan, Füzuli, Goranboy, Naftalan və Tərtər rayonları ərazisinə mərmilərin düşməsi barədə Daxili İşlər Nazirliyinin ″102″ Xidməti-Zəng mərkəzi sistemindən – 38 (otuz səkkiz) və Fövqəladə Hallar Nazirliyinin Böhran Vəziyyətlərində İdarəetmə mərkəzindən 2 (iki) müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 40 çağırış əsasında Agentliyin xüsusi mobil çevik əməliyyat qrupları tərəfindən Ağcabədi rayonunun Arazbar, Böyük Kəhrizli, Hacılar, Qaradolaq, Yeni Qaradolaq, Yuxarı Qiyaməddinli kəndləri, Ağdam rayonunun Bəybabalar, Çəmənli, Mahrızlı kəndləri, Bərdə rayonunun Xantorpaq, Əlyanlı kəndləri, Beyləqan rayonunda “Mayak” adlanan əraziyə, Füzuli rayonunun Alxanlı, Böyük Bəhmənli kəndləri və Horadiz şəhəri, Goranboy rayonunun Tapqaraqoyunlu, Şəfəq, Səfibəyli, Hacalı kəndləri, Naftalan rayonunun Qaşaltı kəndi, Tərtər rayonunun Borsunlu, Yuxarı Sarıcalı kəndləri, Qızıloba qəsəbəsi, V.Orucov, H.Hacıyev, V.Hüseynov küçələrinə Daxili İşlər Nazirliyinin əməkdaşları ilə birlikdə 33 operativ və təxirəsalınmaz əməliyyat çıxışı həyata keçirilib.

Aparılan əməliyyat-axtarış tədbirləri zamanı 175 ədəd partlamamış hərbi sursat (PHS), 2 ədəd hərbi məqsədlər üçün istifadə olunan meteoroloji radiopelenqator və 35 ədəd partlamış mərmi qalıqları aşkar olunub.

Agentliyin partlayış qrupu tərəfindən 1 ədəd raket, 1 ədəd 9N235 bombacığı və 2 ədəd dron zərərsizləşdirilib, Mina Təhlükəsinə dair Maarifləndirmə üzrə mütəxəsisslər tərəfindən 9 714 nəfər mülkü şəxs arasında mina təhlükəsizliyinə dair maarifləndirmə təbliğatı aparılıb.

3
Mövzu:
Azərbaycan və Ermənistan arasında müharibə