Külək, arxiv şəkli

Antalyada dəhşətli külək davam edir, avtobus havada uçdu

110
(Yenilənib 13:28 26.01.2019)
Fırtına təyyarələrdən birinin yanındakı, içərisində sərnişinlər olan avtobusu çevirib

BAKI, 26 yanvar — Sputnik. Antalyada günlərdir davam edən şiddətli yağış, qüvvətli fırtına və qasırğa səbəbilə çətin anlar yaşanır. 

Sputnik Azərbaycan Türkiyə mətbuatına istinadla xəbər verir ki, Kumluca rayonunda meydana gələn fırtına yaşayış məntəqlərinə və istixanalara zərər verib. 

Fırtına səbəbilə Konyaaltı sahilində nəhəng dalğalar yaranıb. Kəmərdə fırtına zamanı avtomobillə dərəyə düşən Busə Acarın axtarışları davam etdirilir.
Antalya valisi Münir Karaloğlu araşdırma üçün Antalya Hava limanına gedib. Hava limanında fırtına səbəbi ilə uçuşlara 1-1,5 saat fasilə verilib.
“Hava limanından gələn ilk məlumata görə, 12 yaralı var. OnurAir-ə aid bir təyyarəyə zərər dəyib. Polis helikopterinə da zərər dəyib. Aksu rayonunda vətəndaşlara zərər dəyib. O ərazilərdə dəyən zərərlərin müəyyən edilməsi üçün araşdırmalara başlanılıb. Vətəndaşlardan xahiş edirik ki, məcbur qalmadıqca evdən çıxmasınlar. Son 4 gündə 5 fırtına yaşadıq. Daha diqqətli olmalıyıq” - deyə o bildirib.
Fırtına təyyarələrdən birinin yanındakı, içərisində sərnişinlər olan avtobusu çevirib. Nəticədə 12 nəfər yaralanıb. Son məlumatlara görə, küləyin sürəti 103 km\s-dır.

Antalyanın şərq rayonlarında qar yağıb. Bu gün saat 06.00 başlayan yağış sabah səhər saatlarına qədər davam edəcək.

110
Tüfəng, arxiv şəkli

Ağcabədi sakini qardaşı oğlunu güllələdi

1
Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib

BAKI, 20 oktyabr — Sputnik. Oktyabrın 19-da saat 20 radələrində Ağcabədi rayonu, Şənlik kəndi ərazisində kənd sakini Məmmədov Rəfail Həsən oğlunun odlu silahdan açılan atəş nəticəsində çoxsaylı xəsarətlər alması barədə rayon prokurorluğuna məlumat daxil olub.

Bu barədə Sputnik Azərbaycan-a Ağcabədi Prokurorluğundan məlumat verilib.

Bildirilib ki, dərhal prokurorluq əməkdaşları tərəfindən hadisə yerinə baxış keçirilib və digər zəruri prosessual hərəkətlər yerinə yetirilib.

Aparılmış araşdırmalarla zərərçəkmişin əmisi Mamedov Ərəstun Mütəllim oğlunun şəxsi münasibətlər zəminində aralarında yaranan mübahisə zamanı Rəfail Məmmədovu öldürmək məqsədilə kustar üsulla hazırlanan tüfəngdən atəş açaraq qəsdən öldürməyə cəhd etməsinə əsaslı şübhələr müəyyən edilib.

Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib.

Ərəstun Mamedov şübhəli şəxs qismində tutularaq istintaqa cəlb olunub.

Hazırda iş üzrə zəruri istintaq tədbirləri davam etdirilir.

1
Bakıda avtobus, arxiv şəkli

BNA Bakıda ekspres avtobuslarının gecikmə səbəbini açıqladı

7
Q.Qarayev-Koroğlu-28 May və Q.Qarayev-20 Yanvar dairəsi istiqamətində bütün müntəzəm və ekspres xətt avtobuslarının hərəkət intervalında gecikmələr yaranıb

BAKI, 20 oktyabr — Sputnik. Bakı Nəqliyyat Agentliyi paytaxtın Qara Qarayev prospektində yaranmış tıxac barədə məlumat yayıb.

BNA-dan Sputnik Azərbaycan-a verilən məlumata görə, səhər saat 9 radələrindən Qara Qarayev prospekti-Ziya Bünyadov prospekti istiqamətində nəqliyyat vasitələrinin hərəkətində tıxac müşahidə edilir: "Nəticədə Q.Qarayev-Koroğlu-28 May və Q.Qarayev-20 Yanvar dairəsi istiqamətində bütün müntəzəm və ekspres xətt avtobuslarının hərəkət intervalında gecikmələr yaranıb".

7
Teqlər:
avtobus, BNA, tıxac, Bakı