Varşava şəhəri

Polşa səfirliyi azərbaycanlılara müraciət edir

72
(Yenilənib 13:19 14.01.2019)
Səfirlik belə hallarda polisə müraciət etməyə çağırıb

BAKI, 14 yanvar — Sputnik. Polşa Respublikasının Bakıdakı Səfirliyi bildirir ki, heç bir şirkət və ya şəxsin Polşa Respublikasının Bakıdakı Səfirliyinin elektron konsulluq sistemində viza ərizəsi verməklə bağlı qeydiyyatdan keçmək üçün hər hansı ödəniş haqqı götürməyə hüququ yoxdur.

Bu barədə Sputnik Azərbaycan-a Polşanın Azərbaycandakı səfirliyindən məlumat verilib. Məlumatda qeyd olunur ki, qeydiyyat pulsuzdur və yalnız www.e-konsulat.gov.pl saytından mümkündür: "Viza sistemində yerləri sifariş etməklə, sonra satmaq və ya maraqlı şəxslərə ötürmək yalnız sistemin bloklanmasına səbəb olur və buna görə qeydiyyatdan keçmək və görüş götürmək mümkün olmur.

Səfirlik belə bir prosedurun olması barədə siqnallar aldığı üçün bütün bu tip hallar, Polşa vizasını almaq istəyən Azərbaycan vətəndaşları və digər ölkələrin Azərbaycan Respublikasındakı vətəndaşları tərəfindən polisə bildirilməlidir".

72
Teqlər:
müraciət, səfirlik, Polşa
Əlaqədar
Avropa çempionatında Polşa Şimali İrlandiyaya qalib gəldi
Qarabağ məsələsində Azərbaycanı dəstəkləyirik - Polşa XİN
Polşa XİN rəhbəri: "Şimal axını -2" Ukraynanı məhv edir"