Səhiyyə Nazirliyinin baş epidemioloqu İbadulla Ağayev

Baş epidemioloq Azərbaycanda “donuz qripi”nin olub-olmamasına aydınlıq gətirdi

348
(Yenilənib 15:21 11.01.2019)
İ.Ağayev binalarda nazirliyin adından dezinfeksiya işləri görərək pul qazanan şəxslərin artıq saxlanıldığını da vurğulayıb

BAKI, 11 yanvar - Sputnik. “Media əlində dəqiq məlumat olmadan hansısa bölgədə “donuz qripi”nin olması haqda informasiya yayıb, xof yaratmamalıdır. Azərbaycanda “donuz qripi” yoxdur". Sputnik Azərbaycan xəbər verir ki, bunu Səhiyyə Nazirliyinin baş epidemioloqu İbadulla Ağayev donuz qripi ilə bağlı təşkil olunan mətbuat konfransında deyib. 

O bildirib ki, ölkəmizdə “donuz qripi” yayılarsa və epidemik həddi ötərsə, bu zaman vaksinasiyaya başlanılacaq:  "Nazirliyin bununla bağlı xüsusi əmri var. Bu gün Azərbaycan səhiyyəsi də “donuz qripi” ilə mübarizə aparmağa imkan verir. Əminliklə deyə bilərəm ki, Azərbaycan səhiyyəsi, tibbi müəssisələri dünyanın ən inkişaf etmiş ölkələri ilə müqayisə oluna bilər". 

Baş epidemioloq qeyd edib ki, “donuz qripi” də digər infeksion viruslar kimidir. Sadəcə olaraq bu virus ilk dəfə olaraq donuzda aşkarlandığından belə adlanır.

İ.Ağayev binalarda nazirliyin adından dezinfeksiya işləri görərək pul qazanan şəxslərin artıq saxlanıldığını da vurğulayıb.

1 nömrəli Respublika Kliniki Mərkəzin yoluxucu xəstəliklər şöbəsinin baş həkimi Mahir Rəhimov isə “donuz qrip”i haqqında məlumat verib: "Qrip virusların əlamətləri oxşardır. Sadəcə olaraq “donuz qripi”nə yoluxanlar arasında ölüm hallarının olmasına səbəb stafilokok mikrobdur. Belə xəstələrin ölümünə səbəb qeyd etdiyimiz mikrobla yanaşı pnevmaniya halıdır ".

M.Rəhimov bildirib ki, hazırda donuz qripinə görə vaksinlər olmasa da, mövsümü qriplərə qarşı vaksin mövcuddur.

Şöbə rəhbəri, həmçinin xəstəlikdən qorunma yollarından da danışıb: "Bunun üçün ilk olaraq gigiyenik qaydalara əməl etmək lazımdır. Əlləri tez-tez yumaq, 3 qatlı maskalardan istifadə etmək, vitamin c ilə zəngin qidalar qəbul etmək, meyvələrə daha çox üstünlük vermək tövsiyə olunur. Hər kəs özünün həkimidir. Hamı özünü qorumağa çalışmalıdır".

İ.Ağayev xəstəlikdən qorunmaq üçün bəzi tələblərə riayət edilməsinin vacibliyini vurğulayıb: "Əvvəllər qadınlar, son zamanlar isə kişilər arasında öpüşüb görüşmə tendensiyası yayılıb. Belə olan halda virus daha tez yayılır".

348
Teqlər:
ABŞ-ın Səhiyyə Nazirliyi, donuz qripi
Əlaqədar
Qonşuda “donuz qripi”nə qarşı preparat çatışmır
Azərbaycana "donuz qripi"nə qarşı peyvənd gətirilib
"Donuz qripi" ilə bağlı son vəziyyət
Gürcüstanda "donuz qripi"nə yoluxanların sayı günbəgün artır
Müharibə iştirakçılarının reabilitasiyası

Şəhid müharibə iştirakçılarının ailələrinə dəstək davam edir

3
(Yenilənib 15:07 20.01.2021)
3200-dən çox şəxsə Əmək və Əhalinin Sosial Müdafiəsi Nazirliyi tərəfindən sosial-psixoloji dəstək və reabilitasiya xidməti göstərilib.

BAKI, 20 yanvar — Sputnik. Vətən müharibəsində şəhid olmuş qəhrəmanlarımızın ailə üzvləri, müharibə iştirakçıları, müharibədən zərər çəkənlər, erməni terroruna məruz qalanlardan ibarət olmaqla artıq 3200-dən çox şəxs Əmək və Əhalinin Sosial Müdafiəsi Nazirliyi tərəfindən sosial-psixoloji dəstək və reabilitasiya xidməti ilə əhatə olunub.

Nazirlikdən Sputnik Azərbaycan-a verilən məlumata görə, qeyd olunan kateqoriyalara aid 2500 ailə ilə görüşülüb, psixoloqlardan ibarət qruplar tərəfindən onlardan ehtiyacı olan 1840 ailə ilə fərdi və ailə terapiyası, psixokorreksiya işləri aparılıb. Həmçinin "Onlayn psixoloji dəstək xidməti"nə daxil olmuş 610 zəng üzrə evlərinə gedilməklə psixoloji dəstək tədbirləri görülüb. Eyni zamanda, Nazirliyin reabilitasiya müəssisələrində 20-si şəhidlərin və yaralı hərbçilərin uşaqları, qalanları hərbi qulluqçular olmaqla 300-dən çox şəxsə, Bakı Sağlamlıq Mərkəzində və Sərhəd Qoşunları Hospitalında müalicə olunanlardan 28 hərbi qulluqçuya sosial-psixoloji reabilitasiya xidmətləri göstərilib.

125 hərbi qulluqçu 530-dan çox reabilitasiya vasitəsi, 7 nəfər yaralanmış qazi əlil arabası, 6 hərbçi yüksək texnologiyalı 8 müasir protezlə təmin edilib.

3
Şuşa, arxiv şəkli

Şuşanın göz yaşları: 28 il sonra şəhidləri yad edir

4
(Yenilənib 15:07 20.01.2021)
Tədbirdə şəhidlərin xatirəsi bir dəqiqəlik sükutla yad edildikdən sonra Azərbaycan Respublikasının Dövlət Himni ifa olunub.

BAKI, 20 yanvar — Sputnik. Şuşa şəhərində Azərbaycan Ordusunun hərbi qulluqçuları ilə 20 Yanvar faciəsinin 31-ci ildönümünə həsr olunmuş anım mərasimi keçirilib.

Müdafiə Nazirliyindən Sputnik Azərbaycan-a verilən məlumata görə, tədbirdə şəhidlərin xatirəsi bir dəqiqəlik sükutla yad edildikdən sonra Azərbaycan Respublikasının Dövlət Himni ifa olunub.

Tədbirdə 20 Yanvar faciəsinin tarixi əhəmiyyətindən danışılıb, ümummilli lider Heydər Əliyev və Azərbaycan Respublikası Prezidenti, Silahlı Qüvvələrin Ali Baş Komandanı İlham Əliyevin baş vermiş hadisələr barədə həqiqətlərin dünya ictimaiyyətinə çatdırılması istiqamətində həyata keçirdiyi siyasətin uğurları barədə ətraflı məlumat verilib.

4
Teqlər:
20 Yanvar qətliamı, 20 Yanvar faciəsi, "20 yanvar", Şuşa