Kamal Abdulla, Azərbaycan Dillər Universitetinin rektoru

Rektor qalmaqallı ittihamlara cavab verdi

153
(Yenilənib 12:00 09.01.2019)
Rektor, həmçinin bir sıra işçilərin işində nöqsan aşkarlandığını və onların universitetdən uzaqlaşdırıldığını deyib

BAKI, 9 yanvar - Sputnik. "Kim deyirsə ki, mən universitetə öz qohumlarımı işə gətirirəm, yalandır. Burada işləyən bir qohumum professor Azad Məmmədovdur. Azad Məmmədov da məndən öncə bu universitetdə çalışıb. Ondan başqa bir qohumum varsa, bunu mənə göstərin". 

Sputnik Azərbaycan xəbər verir ki, Azərbaycan Dillər Universitetinin rektoru Kamal Abdulla bu gün jurnalistlər üçün keçirilən mətbuat konfransında haqqında səsləndirilən ittihamlara cavab olaraq belə deyib. 

Rektor məhkəməyə müraciət edən işçilər haqda da danışıb. Həmçinin Elmira Baxşəliyevanın onun və universtetin hqqında səsləndirdiyi ittihamlara cavab verib: "Bu gün bu məsələ artıq məhkəmədədir. Qarşı tərəf bunun üçün məhkəməyə də müraciət edib. O iddia edir ki, biz onu universitetdən xaric etmişik. Əslində, belə deyil. Biz sadəcə olaraq onun şöbəsini dəyişdirmişik".

"Buna da səbəb onun işində tapılan ciddi nöqsanlardır. O şəxs labarator olan işçiyə 1 ildə 3 dəfə məzuniyyət verib. Bu nə dərəcədə düzgündür? Onun işi komissiya tərəfindən araşdırıldı. Bəlli oldu ki, həmin şəxsin ali təhsili yoxdur, onun sadəcə olaraq kurs bitirməsi ilə bağlı məlumatlıyıq" - deyə K.Abdulla vurğulayıb.

Rektor, həmçinin bir sıra işçilərin işində nöqsan aşkarlandığını və onların universitetdən uzaqlaşdırıldığını deyib.

153
Teqlər:
mətbuat konfransı, Azərbaycan Dillər Universiteti, Kamal Abdullayev, rektor
Əlaqədar
Ali məktəblərə rektor təyin olunması qaydalarında dəyişiklik edildi
Abel Məhərrəmov rektor vəzifəsindən azad edildi
Ali məktəbə yeni rektor təyin edildi
İşdən çıxarılan rektor hələ də universitetə gedib-gəlir