Əsgərlərin hərbi andiçməsi

Əsgərlərə valideynlərinə şad xəbər

24
(Yenilənib 11:22 17.12.2018)
Dünya Azərbaycanlılarının Həmrəyliyi Günü münasibətilə "Açıq qapı günü" keçiriləcək

BAKI, 17 dekabr — Sputnik. Müdafiə naziri general-polkovnik Zakir Həsənovun tapşırığına əsasən, dekabrın 29-da Dünya Azərbaycanlılarının Həmrəyliyi Günü və Yeni il münasibətilə bütün hərbi hissələrdə əsgər valideynləri və yaxınları üçün "Açıq qapı günü" təşkil olunacaq.

Bu barədə Sputnik Azərbaycan-a Müdafiə Nazirliyinin mətbuat xidmətindən məlumat verilib. Ziyarətçilər hərbi hissələrdə yaradılan yaşayış və məişət şəraiti ilə tanış olacaq, xidməti, inzibati binalara, əsgər yataqxanaları və yeməkxanalara baş çəkəcəklər.

"Açıq qapı günü" çərçivəsində komandanlıqla valideynlərin görüşlərində hərbi qulluqçuların xidməti ilə bağlı onları maraqlandıran məsələlər müzakirə ediləcək və sualları cavablandırılacaq.

Bayram günü münasibətilə şəxsi heyət üçün mədəni-kütləvi tədbirlər keçiriləcək.

24
Teqlər:
əsgər, hərbi hissə, Yeni il, Dünya Azərbaycanlılarının Həmrəyliyi Günü, Zakir Həsənov, müdafiə naziri
Əlaqədar
Hərbi hissələrimizin qapıları əsgər valideynlərinin üzünə açıldı
Əsgərlərimizə psixoloji dəstək tədbirlərinə başlanıb