Los Ancelesdə Ümummilli Lider Heydər Əliyevin xatirəsinə həsr olunmuş aksiyada Los Ancelesin kimsəsiz və evsiz-eşiksiz sakinləri üçün süfrə açılıb

Heydər Əliyevin anım günü ilə bağlı böyük xeyriyyətçilik aksiyası

14
(Yenilənib 13:07 13.12.2018)
Los-Ancelesdəki Baş Konsulluğumuz 1000-dək kimsəsiz və evsiz sakinə yemək paylayıb

BAKI, 13 dekabr — Sputnik. ABŞ-ın Los-Anceles şəhərində ümummilli lider Heydər Əliyevin vəfatının 15-ci ildönümünə həsr olunan geniş xeyriyyə aksiyası keçirilib. Azərbaycanın Los-Ancelesdəki Baş Konsulluğundan Sputnik Azərbaycan-a verilən məlumata görə, aksiyada bu şəhərdə yaşayan kimsəsiz və evsiz-eşiksiz şəhər sakinləri üçün süfrə açılaraq, isti yeməklər paylanıb.

Los Ancelesdə Ümummilli Lider Heydər Əliyevin xatirəsinə həsr olunmuş aksiyada Los Ancelesin kimsəsiz və evsiz-eşiksiz sakinləri üçün süfrə açılıb
© Azərbaycanın Los Ancelesdəki Baş Konsulluğu tərəfindən təqdim olunub
Los Ancelesdə Ümummilli Lider Heydər Əliyevin xatirəsinə həsr olunmuş aksiyada Los Ancelesin kimsəsiz və evsiz-eşiksiz sakinləri üçün süfrə açılıb

Baş Konsulluğun təşəbbüsü və dəstəyi ilə keçirilən tədbir ABŞ-ın ən böyük xeyriyyə təşkilatlarından olan "Los-Anceles Missiyası"nda təşkil olunub. Aksiya zamanı Azərbaycanın Los-Ancelesdəki baş konsulu, Los-Anceles Konsulluq Korpusunun sədri Nəsimi Ağayev və Baş Konsulluğun əməkdaşları "Los-Anceles Missiyası"nın könüllülərinə qoşularaq, kimsəsiz və evsiz-eşiksizlərə yeməklərin paylanmasında iştirak ediblər. 

Tədbirdən öncə baş konsul Nəsimi Ağayev "Los-Anceles Missiyası"nın rəhbərliyi ilə görüşüb. Görüş zamanı təşkilat rəhbərliyi bu xeyriyyə aksiyasına evsahibliyi etməsindən məmnunluq ifadə edib və bu aksiyanın nümunəvi humanist təşəbbüs kimi rəğbətlə qarşılandığı bildirilib. Baş konsul N.Ağayev Ümummilli Lider Heydər Əliyevin ölkəmiz üçün əvəzsiz xidmətlərindən danışaraq, onun Azərbaycan xalqına dünya birliyində özünəlayiq yer tutan, qüdrətli və mütərəqqi bir dövləti əmanət qoyub getdiyini bildirib.

Los Ancelesdə Ümummilli Lider Heydər Əliyevin xatirəsinə həsr olunmuş aksiyada Los Ancelesin kimsəsiz və evsiz-eşiksiz sakinləri üçün süfrə açılıb
© Azərbaycanın Los Ancelesdəki Baş Konsulluğu tərəfindən təqdim olunub
Los Ancelesdə Ümummilli Lider Heydər Əliyevin xatirəsinə həsr olunmuş aksiyada Los Ancelesin kimsəsiz və evsiz-eşiksiz sakinləri üçün süfrə açılıb

Baş Konsulluğun dəvəti ilə xeyriyyə tədbirinə qatılan Los-Ancelesin xristian dini icmasının nüfuzlu xadimlərindən olan, ABŞ-ın Milli Latino Yevangelist Koalisiyasının vitse-prezidenti Valter Kontreras, Heydər Əliyevin öz xalqına fədakarcasına xidmət edən, dini tolerantlıq və multikulturalizm dəyərlərinin təşviqinə böyük önəm verən və humanizm prinsiplərini daim yüksək tutan görkəmli dövlət xadimi olduğunu qeyd edib.

Los Ancelesdə Ümummilli Lider Heydər Əliyevin xatirəsinə həsr olunmuş aksiyada Los Ancelesin kimsəsiz və evsiz-eşiksiz sakinləri üçün süfrə açılıb
© Azərbaycanın Los Ancelesdəki Baş Konsulluğu tərəfindən təqdim olunub
Los Ancelesdə Ümummilli Lider Heydər Əliyevin xatirəsinə həsr olunmuş aksiyada Los Ancelesin kimsəsiz və evsiz-eşiksiz sakinləri üçün süfrə açılıb

Aksiya çərçivəsində gün ərzində Los-Ancelesin 1000-dək kimsəsiz və evsiz-eşiksiz sakininə yeməklər paylanılıb.

Qeyd olunmalıdır ki, 50 mindən çox kimsəsiz və evsiz-eşiksiz insanın yaşadığı Los-Anceles ABŞ-da bu göstəriciyə görə Nyu-Yorkdan sonra ikinci yeri tutur və bu problem şəhərin üzləşdiyi ən ciddi problemlərdəndir.

14
Teqlər:
anım günü, aksiya, xeyriyyəçilik, anım, Heydər Əliyev, Los-Anceles
Əlaqədar
Heydər Əliyev ilk dəfə 25 il əvvəl prezident seçilib
Heydər Əliyev Fondu aztəminatlı ailələrə qurban payları verib
Heydər Əliyev Mərkəzi - Bakının ən görməli məkanı
Moskvada Heydər Əliyev Fondunun daha bir layihəsi - "Yeddi gözəl" sərgisi açılıb
Moskvada koronavirusa yoluxanan xəstələrin müalicə aldığı hospital

Bir gündə 5 min yoluxma: Rusiyada ölənlərin sayı artır

0
(Yenilənib 12:21 04.08.2020)
Ümumilikdə Rusiyada bu xəstəliyə yoluxanların sayı 861423-ə çatıb. Rusiyada pandemiya yayılandan 14351 nəfər COVID-19-dan vəfat edib

BAKI, 4 avqust — Sputnik. Son bir sutka ərzində Rusiyada 5159 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 144 nəfər ölüb.

Ümumilikdə Rusiyada bu xəstəliyə yoluxanların sayı 861423-ə çatıb. Rusiyada pandemiya yayılandan 14351 nəfər COVID-19-dan vəfat edib. Bir sutka ərzində virusdan sağalanların sayı isə 7878 nəfər olub. Bununla da bu ölkədə virusdan sağalanların sayı 661471-ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 18,2 milyonu keçib, 693 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0
Dalğalar

Xəzərdə dalğaların hündürlüyü 5 metrə çatıb - Faktiki hava

4
(Yenilənib 12:06 04.08.2020)
Havanın maksimal temperaturu Bakıda və Abşeron yarımadasında 25-27, aran rayonlarında 29-31, dağlıq rayonlarda 18-21, Naxçıvan MR-da 31-34 dərəcə isti olub.

BAKI, 4 iyul – Sputnik. Faktiki hava açıqlanıb.

Milli Hidrometeorologiya Xidmətindən Sputnik Azərbaycan-a bildirilib ki, avqustun 4-ü  səhərədək olan məlumata əsasən ölkə ərazisində qeyri-sabit hava şəraiti davam edib, şimşək çaxıb, arabir yağış yağıb, bəzi yerlərdə leysan xarakterli intensiv olub, şimal-qərb küləyi güclənib. 

Düşən yağıntının miqdarı Ağdərədə (Ordubad) 22 mm, Astarada 16 mm, Salyanda 10 mm, Lerikdə 8 mm, Beyləqanda 6 mm, Biləsuvarda 5 mm, Qubada 4 mm, Daşkəsən, Göygöl, Balakən, Qrız, Xınalıqda 3 mm, Gədəbəy, Ağdam, Qəbələ, Qusar, Neftçala, Yardımlı, Lənkəran, Ağsuda 2 mm, Sumqayıt, Bakı, Maştağa, Pirallahı, Naftalan, Şəmkir, Zaqatala, Şəki, İsmayıllı, Şamaxı, Altıağac, Xaltan, Yevlax, Göyçay, İmişli, Sabirabad, Cəfərxan, Qazıməmməd, Kişçay (Şəki), Şabran, Nabran, Şahdağda 1 mm olub. Yağan leysan xarakterli yağış nəticəsində avqustun 3-də Talaçay Zaqatala və Əyriçay Başdaşağıl məntəqələrindən sel keçib.

Şimal-qərb küləyi gün ərzində arabir Neftçalada 26 m/s, Naftalanda 23 m/s, Bakı, Qum adasında 28 m/s, Maştağada 25 m/s, Çilov adasında 23 m/s, Ələt, Pirallahıda 20 m/s, Sumqayıt, Binədə 19 m/s, Neft Daşlarında 23 m/s-dək güclənib. Neft Daşları stansiyasının məlumatına əsasən dalğanın hündürlüyü 5 metrə çatıb. 

Havanın maksimal temperaturu Bakıda və Abşeron yarımadasında 25-27, aran rayonlarında 29-31, dağlıq rayonlarda 18-21, Naxçıvan MR-da 31-34 dərəcə isti olub.

4