Xəstəxana palatasında yatan qadın, arxiv şəkli

Ağacın altında qalan məktəbli hazırda reanimasiyadadır

38
(Yenilənib 16:59 06.12.2018)
13 yaşlı Aysun Məcidovanın əməliyyatı üçün lazım olan qan yığılıb

BAKI, 6 dekabr — Sputnik. Xəbər verdiyimiz kimi, Sumqayıtda 13 yaşlı Aysun Məcidovanın üzərinə ağac düşüb. Zərəçəkmişin dayısı Mustafa İbişov Sputnik Azərbaycan-a hadisə və qızın durumu barədə yeni məlumat verib: "Hadisə 9 nömrəli orta məktəbdən bir qədər aralıda baş verib. Uşaq dərsdən çıxıb evə gələndə ağac aşıb, altında qalıb. Ətrafda görənlər onu maşına qoyaraq evə gətiriblər. Daha sonra biz uşağı travmatologiyaya gətirmişik. Uşaq hazırda reanimasiyadadır, sabah əməliyyat olunacaq".

Dayısının sözlərinə görə, uşaqda bir neçə sınıq və çat yaranıb: "Aysunun qıçlarında 5 yerdə sınıq, çanaq hissədə isə 2 yerdə çat var. Diz oynaqlarından da biri qırılıb. Bu səbəbdən ola bilər ki, onun yeriməyində problem yaransın".

"Hazırda da uşağa qan köçürdülər. Artıq lazım olan qan yığılıb" – deyə M.İbişov əlavə edib.

O baş verən hadisə ilə əlaqədar olaraq heç bir yerə şikayət etmədiklərini bildirib: "Savadsız adamlarıq, belə şeyləri bilmirik. Sadəcə olaraq hadisə baş verdikdən sonra gələn polisə bu haqda məlumat vermişik".

Qeyd edək ki, Sumqayıt şəhər Travmatologiya Xəstəxanası tərəfindən kirayədə qalan, 3 övlad sahibi olan ailənin sosial durumu nəzərə alınaraq 13 yaşlı Aysunun əməliyyatı pulsuz həyata keçiriləcək.

38
Teqlər:
Sumqayıt
Sarımsaq, arxiv şəkli

Təbii antibiotik zərərli imiş

13
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

13
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq
KİV nümayəndələrinin siluetləri

Azərbaycanlı fotoqraflar Beynəlxalq Federasiyanın fəxri adlarını aldılar

9
(Yenilənib 23:20 05.12.2020)
Nurlan Tahirli, Valeri Xlizov, Aleksandr Firstov UNESCO-nun təqdir etdiyi məşhur təşkilatın şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər

BAKI, 5 dekabr - Sputnik. Azərbaycanın "Gilavar" fotoklubunun dəstəyi ilə azərbaycanlı fotoqraflar Beynəlxalq Foto Sənəti Federasiyasının (FIAP) fəxri adlarına layiq görülüblər. 

Sputnik Azərbaycan-a fotoklubun mətbuat xidmətindən verilən məlumata görə, bu, UNESCO-nun tanıdığı yeganə fototəşkilatdır. 

Onun fəxri adlarını almaq üçün fotoqraflar xüsusi qaydalara riayət etməlidirlər: FIAP-ın müxtəlif ölkələrdə keçirdiyi müsabiqələrə qatılmalıdırlar, onların fotoqrafiyaları bədii və texniki ustalıq nöqteyi-nəzərindən təqdir olunmalı və onlar mükafat qazanmalıdırlar. Bunlardan əlavə, təşkilatın bədii komissiyasının və direktorlar şurasının üzvlərinin səsləri də nəzərə alınmalıdır. 
Azərbaycanlı fotoqraflar Nurlan Tahirli, Valeri Xlizov, Aleksandr Firstov şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər. Bu adlar ildə bir dəfə verilir. 2016-cı ildən bəri fəxri adlar alan azərbaycanlı fotoqrafların sayı artaraq yeddiyə çatıb. 

Qeyd edək ki, İlqar Cəfərov və Rəşad Mehdiyev AZƏRTAC Dövlət İnformasiya Agentliyinin fotojurnalistləridir. Onların hər ikisi İkinci Qarabağ müharibəsi zamanı cəbhəyanı və işğaldan azad olunmuş ərazilərdə çəkilişlər aparıblar.

9
Teqlər:
fəxri adlar, fotoqraf, azərbaycanlı