Qarabağ atları

"Qarabağ atları" Finlandiyada nümayiş olunacaq

82
(Yenilənib 15:23 27.11.2018)
Datse Ştrausa: "Çox şadam ki, məhz onların rəsmlərini işləyərək mənim sənətimə dəyər verən insanlara təqdim edirəm"

BAKI, 27 noyabr — Sputnik. Latviyalı rəssam Datse Ştrausanın Qarabağ atlarına həsr olunmuş fərdi sərgisi təşkil olunacaq.

Sərgi bu gündən Finlandiyanın Espoo şəhərində açıq elan olunacaq.

Sputnik Azərbaycan xəbər verir ki, bu barədə açıqlama verən rəssam Datse Ştrausa deyib ki, Qarabağ atları gözəlliyi, xarakteri ilə digərlərindən fərqlənir: "Məhz buna görə də Qarabağ atları məni çox cəlb edib və böyük həvəslə onların rəsmlərini işləyirəm. Çox şadam ki, məhz onların rəsmlərini işləyərək mənim sənətimə dəyər verən insanlara təqdim edirəm".

82
Rusiya rublu, arxiv şəkli

Bu rəqəmlər heyrət doğurur: koronavirusa görə uşağa bu qədər pul verərlər?

3
(Yenilənib 18:43 31.05.2020)
İyunun 1-də həmçinin üç yaşından yeddi yaşınadək uşaqları olan aztəminatlı ailələrə ödənişlər başlanacaq.  Onlar ilin əvvəlindən keçən hər ay üçün yaşayış minimumunun yarısı miqdarında müavinət ala biləcəklər.

BAKI, 31 may — Sputnik. İyun ayının 1-dən etibarən Rusiyada uşaqlar üçün "koronavirus ödənişləri” adlandırılan vəsaitlərin ödənilməsinə başlanacaq.

Sputnik Azərbaycan Rusiya mediasına istinadla xəbər verir ki, söhbət 10 min rubl (242 manat) dəyərində birdəfəlik ödənişdən gedir. Bu vəsaiti 16 yaşadək uşağı olan bütün ailələr 2020-ci ilin iyul ayına qədər əldə edə biləcəklər.

"10 min rubl məbləğində birdəfəlik ödəniş Rusiya Federasiyasının ərazisində yaşayan, Rusiya vətəndaşlığı olan və burada doğulan (övladlığa götürülən) 3-16 yaşlı hər bir uşağa 1 iyun 2020-ci il tarixindən başlayaraq ödəniləcək”, - Nazirlər Kabinetinin saytında yayımlanan sənəddə bildirilir. 

Bu tədbirin həyata keçirilməsi mayın 11-də prezidentin müraciəti zamanı elan edilib. Rəsmiləşdirmə işləri sadələşdirilmiş qaydada aparılır. Bunun üçün ÇFM (Çoxfunksiyalı mərkəz) və ya Pensiya Fonduna birbaşa, yaxud dövlət xidmətlərinin saytı vasitəsilə uzaqdan müraciət etmək kifayətdir. Ərizə verərkən uşağın doğum haqqında şəhadətnaməsi, VÖEN və valideynlərdən birinin pasport məlumatları tələb olunur.

Ərizələrin qəbulu artıq başlayıb və vətəndaşlar 2020-ci ilin oktyabr ayına qədər müraciət edə bilərlər.

Ümumilikdə, Əmək və əhalinin sosial müdafiəsi Nazirliyinin hesablamalarına görə, yeni dəstək tədbirlərinə təxminən 22 milyon uşaq qoşula bilər.

İyunun 1-də eyni zamanda, üç yaşından yeddi yaşınadək uşaqları olan aztəminatlı ailələrə ödənişlər başlanacaq.  Onlar ilin əvvəlindən keçən hər ay üçün yaşayış minimumunun yarısı miqdarında müavinət ala biləcəklər. Bundan sonra isə hər ay ödənişlər davam etdiriləcək.

3
Mövzu:
Dünyanı cənginə almış bəla
Əlaqədar
Putin kreditləri dondurdu
Rusiyada uşaqlı ailələrə üç ay boyunca əlavə pul veriləcək
Qonşuda banklar vətəndaşlar üçün şərtləri pisləşdirməyə başladı
Böyük hərrac: Rusiya ABŞ-ın dövlət borcundan üz döndərdi
Sədərək Ticarət Mərkəzi

Sədərək yetmiş gün sonra: "Gəlməsəniz, işimiz çətin olacaq" - REPORTAJ

11
(Yenilənib 18:00 31.05.2020)
"Bizi çağırdılar ki, hər kəs gəlib öz mağazasını təmizləsin, sabaha hazır etsin. Ona görə biz də gəlmişik mağazanı açıb, təmizlik işi aparaq. İki aydan çoxdur ki, evdəyik. İri ticarət mərkəzlərinin açılması bizi sevindirdi"

Zülfiyyə Quluyeva, Sputnik Azərbaycan

BAKI, 31 may — Sputnik. Artıq bu gündən etbarən bəzi iri ticarət mərkəzləri fəaliyyətə başlayıb. Sputnik Azərbaycan Bakının ən böyük topdan və pərakəndə satış mərkəzlərindən olan Sədərək Ticarət Mərkəzində olaraq karantin müddətində fəaliyyəti ilə maraqlanıb. İki aydan çoxdur ki, bağlanan ticarət mərkəzi artıq bu gün səhər saatlarından açılıb. Burada çalışan satıcılar Sputnik Azərbaycan-a bildiriblər ki, onları buraya ticarət mərkəzinin rəhbəri çağırıb. Şahin Məmmədov adlı satıcı bildirib ki, ticarət mərkəzi bu gündən açılsa da, alış-verişə sabahdan başlanacaq: "Bizi çağırdılar ki, hər kəs gəlib öz mağazasını təmizləsin, sabaha hazır etsin. Ona görə biz də gəlmişik mağazanı açıb, təmizlik işi aparaq. İki aydan çoxdur ki, evdəyik. İri ticarət mərkəzlərinin açılması bizi sevindirdi".

© Sputnik / Zulfiyya Guluyeva.
Sədərək Ticarət Mərkəzi iki aydan sonra fəaliyyətə başladı

Apardığımız müşahidələr zamanı satıcıların mütləq əksəriyyətinin tibbi maskadan istifadə etdiyinin şahidi olduq. Satıcılar bildirdilər ki, tibbi maskanın istifadəsi ilə bağlı ticarət mərkəzi rəhbərliyi də onlara ciddi tapşırıq verib: "Bizi zəng edib çağıranda tapşırdılar ki, tibbi maskasız gəlməyək. Kimin tibbi maskası yoxdursa, ticarət mərkəzində fəaliyyətinə icazə verilməyəcək".

Qeyd edək ki, Sədərək Ticarət Mərkəzi qapalı alış-veriş mərkəzi olduğundan burada tibbi maskadan istifadə çox vacibdir. Bu ticarət mərkəzinə daha çox alıcı gəldiyindən daim sıxlıq müşahidə olunur.

Satıcılarla söhbət zamanı onlar da tibbi maskanın istifadəsinin məcburi olması barədə qərarla razı olduqlarını bildirdilər. Gülarə Abdullayeva adlı satıcı deyir ki, onlar da öz səhhətlərindən narahatdırlar: "Biz alıcılardan da xahiş edirik ki, tibbi maskasız buraya gəlməsinlər. Ola bilər ki, virus kimdəsə var, bizə keçmə təhlükəsi var. Ticarət Mərkəzində isə bir nəfərdə bu virus olarsa, sürətlə yayılma riski var".

  • Sədərək Ticarət Mərkəzi iki aydan sonra fəaliyyətə başladı
    © Sputnik / Zulfiyya Guluyeva.
  • Sədərək Ticarət Mərkəzi iki aydan sonra fəaliyyətə başladı
    © Sputnik / Zulfiyya Guluyeva.
  • Sədərək Ticarət Mərkəzi iki aydan sonra fəaliyyətə başladı
    © Sputnik / Zulfiyya Guluyeva.
1 / 3
© Sputnik / Zulfiyya Guluyeva.
Sədərək Ticarət Mərkəzi iki aydan sonra fəaliyyətə başladı

Satıcılar bildirdilər ki, ticarət mərkəzində bir-birinə yaxın olan piştaxtalarda fəaliyyətə icazə verilməyəcək.

Onlar ticarət mərkəzi bağlanandan yer pulu tələb olunmadığını da söylədilər.  Qeyd edək ki, bazarda mağaza sahibləri öz obyektlərini açsalar da alıcı gözə dəymirdi. Satıcılar isə mağazalara görə icarə haqqı ödədiklərini, karantin tələblərinə əməl etməklə alış-verişin bərpasına razı olduqlarını bildirdilər: "Əgər alış-veriş olmasa, biz də icarə haqqını ödəməkdə çətinlik çəkəcəyik. İki aydır, icarə haqqına güzəşt edilib. Bu aydan icarə pulunu verməliyik. Ticarət Mərkəzinə alıcı gəlməsə, bizim də işimiz çətin olacaq. Ona görə də, tibbi maska ilə alış-verişə razıyıq".

11
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Millət vəkili: “Əhalimiz təhlükənin sovuşmadığını dərk etməlidir”
Bakıda yoluxma niyə sürətlə artır? – Həkim açıqladı
Azərbaycanda iri ticarət mərkəzləri və “mall”ların fəaliyyəti bərpa olundu
Bu gündən kafe və restoranlar belə işləyəcək
Deputatlar maskasızların cəriməsini "kəsdilər"