BAKI, 22 noyabr — Sputnik. Sabah səhər saatlarından etibarən ətraf kənd və qəsəbələr üzrə müntəzəm marşrut avtobusları Milli Gimnastika Arenasının dayanacaq məntəqəsində, yəni "Koroğlu" metrostansiyasının piramidalı çıxışının arxasında təşkil edilən Nəqliyyatı Mübadilə Mərkəzində sərnişinlərə xidmət göstərəcək.
Bakı Nəqliyyat Agentliyindən (BNA) Sputnik Azərbaycan-a verilən məlumata görə, "Koroğlu" Nəqliyyatı Mübadilə Mərkəzinin müvəqqəti köçürüldüyü ərazidə işlər artıq yekunlaşıb. 23.11.2018 tarixində səhər saat 6-dan ətraf kənd və qəsəbələrə avtobuslar buradan hərəkət edəcək.
Qeyd edək ki, "Koroğlu" Nəqliyyatı Mübadilə Mərkəzindən ətraf kənd və qəsəbələr istiqamətində 32 müntəzəm marşrut xətti üzrə 500-ə yaxın avtobus fəaliyyət göstərir.
