Əlil arabası

"Əlilləri" məyus edəcək xəbər

41
(Yenilənib 12:13 16.11.2018)
Birinci qrup ilkin əlillik təyin olunanların sayında azalma 75,8 faizə çatıb

BAKI, 16 noyabr — Sputnik. Cari ilin III rübündə bu ilin ilk rübünə nisbətən ilkin əlillik 61,3 faiz azalıb. 2018-ci ilin III rübündə əlillik təyin olunanların, həmçinin 18 yaşadək sağlamlıq imkanları məhdud uşaqların (SİMU) sayında bu ilin birinci rübünə nisbətən 61,3 faiz azalma olub. İkinci rüb ilə müqayisədə isə əlillik təyinatında azalma 20 faiz təşkil edib. 

Sputnik Azərbaycan Əmək və Sosial Müdafiə Fonduna istinadən xəbər verir ki, o cümlədən ilkin olaraq I qrup üzrə əlillik təyinatlarında 75,8 faiz, II qrup üzrə 62,3 faiz, III qrup üzrə 51,9 faiz, SİMU üzrə 55 faiz azalma qeydə alınıb.

Əlillik təyinatlarına nəzarətin gücləndirilməsi və bu sahənin şəffaflaşdırılması istiqamətində Əmək və Əhalinin Sosial Müdafiəsi Nazirliyi və Səhiyyə Nazirliyi tərəfindən birgə işlər davam etdirilir. Xüsusilə də yanlış əlillik təyinatlarının və əlillik təyinatı üçün əsassız göndərişlərin aşkar olunaraq ləğv edilməsi nəticəsində əlilliyin artım tempi bu il əhəmiyyətli şəkildə azalıb.

Əlilliyi olan şəxslərin reabilitasiya potensialının düzgün qiymətləndirilməsi əsasında onların sağlamlıqlarının bərpasında və cəmiyyətə inteqrasiyasında konkret nəticələrə yönələn fərdi reabilitasiya proqramının tətbiqi də qarşıda duran vəzifələrdəndir.

41
Teqlər:
əlil
Əlaqədar
Azərbaycanda əlillər sahibkarlıqla məşğul ola bilərmi?
Bu gün Beynəlxalq Gözdən Əlillər günüdür
Beynəlxalq Əlillər Günü
Sərxoş halda avtomobil idarə edən əlillər inzibati qaydada həbs edilə bilərmi?
Noyabrın 13-ü Beynəlxalq Gözdən Əlillər Günüdür