ASAN xidmətdə 25 milyonuncu vətəndaş müraciəti qeydə alınıb

"ASAN xidmət"dən rekord göstərici

65
(Yenilənib 15:44 05.11.2018)
Vətəndaş sədr tərəfindən təşəkkürnamə və simvolik hədiyyələrlə mükafatlandırılıb

BAKI, 5 noyabr — Sputnik. "ASAN xidmət"də 25 milyonuncu vətəndaş müraciəti qeydə alınıb. Bu müraciət 5 saylı Bakı "ASAN xidmət" mərkəzinə Bənövşə Rzayeva tərəfindən edilib. O, Daxili İşlər Nazirliyi tərəfindən həyata keçirilən ümumvətəndaş pasportlarının verilməsi və dəyişdirilməsi xidmətindən yararlanıb.

Sputnik Azərbaycan "ASAN xidmət"in mətbuat xidmətinə istinadən xəbər verir ki, 25 milyonuncu müraciətin sahibi kimi Bənövşə Rzayeva Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev tərəfindən təşəkkürnamə və simvolik hədiyyələrlə mükafatlandırılıb.

Qeyd edək ki, hazırda 15 "ASAN xidmət" mərkəzi mövcuddur. Onlardan 5-i paytaxt Bakı şəhərində olmaqla, digərləri Sumqayıt, Gəncə, Sabirabad, Bərdə, Qəbələ, Masallı, Quba, Mingəçevir, İmişli və Şəkidədir. Bundan başqa, regionlarda 10 Səyyar "ASAN xidmət" avtobusu və Səyyar ASAN qatar vasitəsilə vətəndaşlara səyyar formada xidmətlər göstərilir.

65
Teqlər:
müraciət, vətəndaş, "ASAN xidmət" mərkəzi
Əlaqədar
"ASAN xidmət" bu ərazilərə gələcək – Xəbəriniz olsun
“ASAN xidmət”in büdcəsi artırılır
Prezident “ASAN Xidmət”in səlahiyyətini artırdı, əlavə xidmətlər verdi