İt, arxiv şəkli

İtlər qoxu ilə xəstəlikləri tapacaq

47
(Yenilənib 20:49 30.10.2018)
Alimlər bu nəticəyə gəlmək üçün Qambiya uşaqlarının iştirakı ilə araşdırma aparıb

BAKI, 31 oktyabr — Sputnik. Böyük Britaniyada Darem Universitetinin araşdırmaçıları itlərin unikal xüsusiyyətini aşkarlayıb. Sputnik Azərbaycan xarici mətbuata istinadla xəbər verir ki, onların fikrincə itlər malyariya xəstəliyini müəyyən edə bilir.

Bu barədə hesabat Yeni Orleanda Amerika Tropik Tibb və Gigiyena Dərnəyinin illik toplantısında səsləndirilib.

Hesabatda qeyd edilir ki, parazitik oqranizmlərə yoluxmuş insanlarda heç də hər zaman malyariyanın ənənəvi əlamətləri müşahidə edilmir. Bununla yanaşı onları xüsusi qoxuya malik olur.

Alimlər bu nəticəyə gəlmək üçün Qambiya uşaqlarının iştirakı ilə araşdırma aparıb. Təcrübədə malyariya xəstəliyinə yoluxmuş və xəstəliyin heç bir əlaməti müşahidə edilmədiyi 30 və 143 sağlam uşaq iştirak edib.

Bütün uşaqlara neylon corab verilib. Onlar bütün gecəni həmin corabda keçiriblər. Səhər həmin corablar xüsusi soyuducu kameralarda Böyük Britaniyaya gətirilib. Burada iki labrador və labrador–retriver itləri corabları qoxulayıb. Bu itlərə öncədən malyariya xəstəliyi keçirmiş insanların corabları verilib, qoxu onlara öyrədilib.

Nəticədə itlər bütün uşaqların corablarını qoxulayaraq, qoxuya görə, 70 faiz xəstə uşaqları, 90 faiz sağlam uşaqları isə müəyyən edə bilib.

47
Teqlər:
malyariya, Afrika, Xəstəlik, it
Əlaqədar
Gürcüstanda yoluxucu xəstəlik yayılır, Azərbaycanda önləyici tədbirlərə başlanıb
Dəhşətli xəstəlik Avropaya geri qayıdıb, ölüm faktları qeydə alınıb
Azərbaycanda nikaha daxil olanlarda təhlükəli xəstəlik tapılıb
Amansız xəstəlik yayılıb, çinlilər qırılır
Uşaqlar arasında dəhşətli xəstəlik yayılıb, iflicə səbəb olur
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

6
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

6
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

3
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

3