Kənd Təsərrüfatı Nazirliyinin yeni layihəsi – AMAL təqdim edilib

Kənd Təsərrüfatı Nazirliyinin yeni layihəsi təqdim edilib

344
(Yenilənib 11:59 30.10.2018)
AMAL layihəsinin əsas məqsədlərindən biri də regionlarda yaşayan gənc xanımların biznes ideyalarının reallaşmasına və sosial vəziyyətinin yaxşılaşdırılmasına dəstək verməkdir

BAKI, 30 oktyabr - Sputnik. Bu gün Kənd Təsərrüfatı Nazirliyinin yeni layihəsi – AMAL təqdim edilib. Layihə kənd yerlərində yaşayan gənclərin aqrar sahədə biznes ideyalarının həyata keçirilməsinə, onların innovativ metodlardan tətbiqinin stimullaşdırılmasına dəstək verən, effektiv və ətraf mühiti qoruyan yeni kənd təsərrüfatı və idarəçilik üsulları barədə məlumatlanmasına yönələn və gənc fermerlərin ilkin kapitalının formalaşmasına şərait yaradan bir təşəbbüsdür.

Sputnik Azərbaycan xəbər verir ki, Kənd Təsərrüfatı Layihələri və Kreditlərinin İdarə Edilməsi üzrə Dövlət Xidmətinin və BMT-nin Ərzaq və Kənd Təsərrüfatı Təşkilatının (FAO) həyata keçirdiyi AMAL regionlarda yaşayan gənclərin aqro biznes ideyalarını reallaşdırmaq və sahibkar kimi formalaşmalarına dəstək vermək məqsədi daşıyır. 

Layihə çərçivəsində Gənc Fermerlər Proqramı və Kənd Təsərrüfatı Sahəsində Peşə Təhsili Proqramı həyata keçirilməklə, gənclərin məşğulluq imkanlarının artırılması üçün zəruri olan bilik və bacarıqlara sahib olması, texnoloji yeniliklərin tətbiq edilməsi və ətraf mühitin qorunması ilə bağlı müvafiq təlimlərin keçirilməsi nəzərdə tutulub.

AMAL layihəsinin əsas məqsədlərindən biri də regionlarda yaşayan və kənd təsərrüfatı ilə məşğul olmaq istəyən gənc xanımların və məcburi köçkün ailələrindən olan gənclərin bu sahədə biznes ideyalarının reallaşmasına və sosial vəziyyətinin yaxşılaşdırılmasına dəstək verməkdir.

Tədbirdə kənd təsərrüfatı nazirinin müavini İlhamə Qədimova çıxış edərək bildirib ki, fəal əhalinin 36 faizi aqrar sektorda çalışır. Bu sahədə rəqabət mühitinin yaranması, regionlarda yeni iş yerlərinin yaradılması kənd təsərrüfatının əsas prioritet sahələrindəndir. O bildirib ki, kənd təsərrüfatı sahələrinin  canlandırılması ilə bağlı bəzi perspektiv imkanlar müəyyənləşdirilib ki, bu, gənclərə layiqli iş imkanları yaradır.

Kənd təsərrüfatı nazirinin müavini İlhamə Qədimova
© Sputnik / Tarana Khudabakhshiyeva
Kənd təsərrüfatı nazirinin müavini İlhamə Qədimova

"Məhz kənd təsərrüfatı sahələri və ətraf mühitin qorunub saxlanılmasına kömək edən iş yerlərinin təmin edilməsi kənd təsərrüfatı sahəsinin qlobal ÜDM-ə töhfəsini 20 faizə qədər artırılması və 45 milyon yaşıl iş yerinin təmin edilməsi gözlənilir. Aqrar sektora yüksək ixtisaslı işçi qüvvəsini cəlb edilməsi və məhsuldarlığın artırılması, yüksək ixtisaslı kadrların işə cəlb edilməsi gözlənilir. Ölkə əhalisinin 2,7 milyon və ya əhalinin 29,9 faizi gənclərdir. Gənclərin 48 faizi kənd yerlərində yaşayır" – deyə İ.Qədimova bildirib.

Daha sonra  FAO-nun Azərbaycandakı nümayəndəliyinin rəhbəri Mələk Çakmak çıxış edib. O deyib ki, 2018 -2020-ci illəri əhatə edən bu layihənin 1 mln dollarlıq büdcəsi var: “AMAL-ın təşəbbüs Azərbaycan hökumətinin iqtisadiyyatın şaxələndirilməsinə verdiyi önəmi göstərir. Layihənin davamlılığı var. Bu layihə kənd təsərrüfatının İnkişafına səbəb olacaq".

344
Teqlər:
təqdimat, layihə, Kənd Təsərrüfatı Nazirliyi
Əlaqədar
Ekspert: “Azərbaycan Sənaye Korporasiyası” kənd təsərrüfatı müəssisələrini idarə edəcək”
Kənd təsərrüfatı naziri baramaçılığın və ipəkçiliyin yeni hədəflərini açıqladı
Kənd təsərrüfatı nazirindən növbəti təyinat
Dəyişikliklər davam edir: “Asan xidmət”, Kənd Təsərrüfatı Nazirliyi, “Qaçqınkom”...
 Təcili yardım briqadası, arxiv şəkli

Azərbaycanda COVID: yoluxma da, ölüm artdı

0
İndiyədək ölkədə ümumilikdə 303 858 nəfərin koronavirus infeksiyasına yoluxması faktı müəyyən edilib, onlardan 267 485 nəfər müalicə olunaraq sağalıb, 4203 nəfər vəfat edib.

BAKI, 20 aprel — Sputnik. Azərbaycanda son sutka ərzində koronavirus (COVID-19) infeksiyasına 2197 yeni yoluxma faktı qeydə alınıb, 1 946 nəfər müalicə olunaraq sağalıb. Nazirlər Kabineti yanında Operativ Qərargahdan Sputnik Azərbaycan-a verilən məlumata görə, analiz nümunələri müsbət çıxan 34 nəfər vəfat edib.

İndiyədək ölkədə ümumilikdə 303 858 nəfərin koronavirus infeksiyasına yoluxması faktı müəyyən edilib, onlardan 267 485 nəfər müalicə olunaraq sağalıb, 4203 nəfər vəfat edib. 32 170 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 13777, bu günə qədər isə ümumilikdə 3 128 656 test icra olunub.

0
Teqlər:
Azərbaycan, statistika, Koronavirus, epidemiya, COVID-19
Mövzu:
Azərbaycanda koronavirus: son xəbərlər
Məktəb, arxiv şəkli

Övladları 1-ci sinfə gedəcək valideynlərin nəzərinə - Yenidən şəxsi kabinet açmağa...

3
(Yenilənib 16:25 20.04.2021)
Aprelin 27-dən 2021-2022-ci tədris ili üzrə ümumi təhsil müəssisələrinin birinci siniflərinə şagird qəbuluna start veriləcək.

BAKI, 20 aprel — Sputnik. Təhsil Nazirliyi sosial şəbəkə hesabında 2021-2022-ci tədris ili üzrə canlı yayımda birinci sinfə qəbulla bağlı vətəndaşların suallarını cavablandırır.

Sputnik Azərbaycan-ın məlumatına görə, canlı yayımda çıxış edən Təhsil Nazirliyinin Ümumi təhsilin təşkili və idarəolunması şöbəsinin əməkdaşı Elçin Kərimov məktəbəhazırlıq qruplarına cəlb olunan uşaqların cari tədris ilindən elektron kabinetlərinin mövcud olduğunu bildirib: "Onlar üçün yenidən şəxsi kabinet açmağa və elektron qeydiyyata ehtiyac yoxdur. Valideynlər sadəcə həmin login və şifrə ilə özlərinə məxsus şəxsi kabinetlərinə daxil olaraq övladlarının məktəb seçimini və digər prosesləri həyata keçirə bilərlər".

Xatırladaq ki, aprelin 27-dən 2021-2022-ci tədris ili üzrə ümumi təhsil müəssisələrinin birinci siniflərinə şagird qəbuluna start veriləcək.

3
Teqlər:
"Şəxsi kabinet", valideynlər, qəbul, birinci sinif