Astara arıçıları ilin son bal tədarükünü aparırlar

"Bal ayı" başa çatdı

167
(Yenilənib 13:53 29.10.2018)
Laborator analizlər nəticəsində 30 tona yaxın balın keyfiyyətinin standartlardan aşağı olduğu müəyyənləşib

BAKI, 29 oktyabr — Sputnik. 5-28 oktyabr tarixlərində Bakıda keçirilən 19-cu arıçılıq məhsullarının sərgi-satış yarmarkası başa çatıb. Bu barədə Sputnik Azərbaycan-a Kənd Təsərrüfatı Nazirliyinin (KTN) İctimaiyyətlə əlaqələr və informasiya təminatı şöbəsinin müdir müavini Vüqar Hüseynov məlumat verib.

Onun sözlərinə görə, Tofiq Bəhramov adına Respublika Stadionunda təşkil olunan yarmarkaya Azərbaycanın bütün iqtisadi rayonlarından 380-ə yaxın arıçı qatılıb: "Ümumilikdə yarmarkaya çıxarılmaq üçün 150 ton süzmə bal təqdim olunub. Bal nümunələrindən götürülən laborator analizlər nəticəsində 30 tona yaxın balın keyfiyyətinin standartlardan aşağı olduğu müəyyənləşib və həmin məhsulların yarmarkada satışına icazə verilməyib".

"Yarmarka ərzində anbarda saxlanan 120 ton balın 116 tonu arıçıların gündəlik sifarişləri əsasında satışa buraxılıb. Aparılan gündəlik monitorinqlər nəticəsində yarmarkanın gedişində 100 tondan artıq balın satıldığı müəyyənləşib" - nazirlik rəsmisi bildirib.

Vüqar Hüseynov yarmarka dövründə möhtəkirlərin ətraf ərazilərdə ucuz qiymətə saxta bal satması hallarının qarşısını almaq üçün tədbirlər görüldüyünü deyib: "Yarmarkanın təşkili zamanı Tofiq Bəhramov adına Respublika Stadionunun yaxınlığında, "Gənclik" metrosunun ətrafında möhtəkirlərin saxta bal satışının qarşısı almaq üçün mütəmadi tədbirlər görülüb. Daxili İşlər Nazirliyinin post-patrul xidmətinin əməkdaşları həm yarmarka keçirilən bölgədə, həm də ətraf ərazilərdə təhlükəsizliyin təmin olunmasına cəlb ediliblər. Tofiq Bəhramov adına Respublika Stadionunun mühafizə xidmətinin, Azərbaycan Arıçılar Assosiasiyasının və polis əməkdaşlarının səyi nəticəsində ətraf ərazilərdə möhtəkirlərin ucuz qiymətə saxta bal satışının qarşısı alınıb".

KTN sözçüsünün dediyinə görə, yarmarkada balın qiymətini, əvvəlki illərdən fərqli olaraq arıçılar özləri müəyyənləşdiriblər: "Yarmarkada satışa çıxarılan balın qiymətini arıçılar özləri müəyyənləşdiriblər. Qiymətlər ilk günlər 20-40 manat arasında dəyişib, yarmarkanın son günlərində isə 15-25 manat olub. Qiymətlər arıçılar gətirdikləri məhsulun böyük hissəsini satdıqdan sonra enməyə başlayıb. Arıçılar arasında keçirilən sorğu zamanı yarmarkada balın orta qiymətinin 18-23 manat olduğu müəyyənləşib".

O, əlavə edib ki, yarmarkanın təşkilində Azərbaycan Arıçılar Assosiasiyası bərabərhüquqlu tərəfdaş qismində iştirak edib: "Kənd Təsərrüfatı Nazirliyi arıçılıq məhsullarının sərgi-satış yarmarkasını Azərbaycan Arıçılar Assosiasiyası ilə əməkdaşlıq çərçivəsində keçirib. Yarmarkanın keçiriləcəyi yerin müəyyən olunması, satış nöqtələrinin iqtisadi rayonlar arasında bölünməsi, nəzarət işinin təşkili məsələlərində Assosiasiyanın istəkləri nazirlik tərəfindən nəzərə alınıb".

Vüqar Hüseynov yarmarkanın işini işıqlandıran media qurumlarına təşəkkürünü çatdırıb: "Yarmarkanın gedişi media tərəfindən geniş işıqlandırılıb. Ay ərzində telekanallar və saytlarda yarmarkanın gedişinə həsr olunmuş 200-dək süjet, reportaj, proqram, açıqlama, fotosessiya yayımlanıb. Kənd Təsərrüfatı Nazirliyi tədbirin gedişi ilə bağlı ictimaiyyəti mütəmadi məlumatlandırıb. Bu tədbirin geniş şəkildə işıqlandırılmasında bizə kömək edən media qurumlarına təşəkkürümüzü bildiririk. Əldə etdiyimiz pozitiv nəticələrin hər birində medianın tədbirə yanaşmasının böyük rolu olub".

167
Teqlər:
arıçılıq məhsulları, Vüqar Hüseynov, Kənd Təsərrüfatı Nazirliyi, yarmarka, bal
Əlaqədar
Bal yarmarkası başlayır
Bakının mərkəzində "bal krallığı"
Təcrübəli arıçı: “Bal benzindir ki, yansın?”
Tibb işçisi, arxiv şəkli

TƏBİB-dən sevindirici açıqlama

1
(Yenilənib 12:46 16.01.2021)
Prezident Adminstrasiyasının İqtisadi Məsələlər və innovativ inkişaf siyasəti şöbəsinin müdiri Şahmar Mövsümov əlavə edib ki, yeni göstəricilərə görə karantin rejiminin yumşaldılmasına qərar verilib, ancaq vaksinasiya şərtdir

 

BAKI, 16 yanvar — Sputnik. Hazırda yeni yoluxanlarla sağalanların arasınsa 3-4 dəfə fərq var. Bu isə çarpayı fondunda, həmçinin reanimasiyada yerlərin boşalmasına gətirib çıxarıb. Sputnik Azərbaycan-ın məlumatına görə, bunu Nazirlər Kabineti yanında Operativ Qərargahın bridinqində Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu departamentinin müdiri Yaqut Qarayeva bildirib.

Y.Qarayeva qeyd edib ki, 14 dekabr 2020-ci ildə yoluxma əmsalı 31 faiz idisə, indi yoluxma əmsalı 5 faizə enib: "Bu isə sərtləşdiriımiş karantin rejiminin, həmçinin vətəndaşlarımızın məsuliyyətindən irəli gəlir".

Prezident Adminstrasiyasının İqtisadi Məsələlər və innovativ inkişaf siyasəti şöbəsinin müdiri Şahmar Mövsümov əlavə edib ki, bu göstəricilərə görə karantin rejiminin yumşaldılmasına qərar verilib: "Amma daha sonra yoluxma sayının artımı istisna edilmir. Bu səbəbdən də vaksinasiya mütləqdir".

1
Teqlər:
vaksinasiya, açıqlama, faiz, yoluxma, Tibbi Ərazi Bölmələrini İdarəetmə Birliyi
Mövzu:
Azərbaycanda koronavirus: son xəbərlər
Şuşada xeyli sayda silah-sursat aşkarlanıb

Şuşada xeyli sayda silah-sursat aşkarlanıb - FOTO

4
(Yenilənib 12:42 16.01.2021)
Sursatlar zərərsizləşdirilməsi üçün götürülərək agentliyin mərkəzi məhvetmə ərazisinə daşınıb. Bunlar arasında raket və minaatan mərmiləriylə yanaşı, boruşəkilli partlayıcı da var

BAKI, 16 yanvar — Sputnik. 2021-ci il yanvarın 4-13-ü tarixlərində Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) xüsusi mobil çevik əməliyyat qrupları tərəfindən Daxili İşlər Nazirliyinin Daxili Qoşunlarının əməkdaşları ilə birlikdə düşmən işğalından azad olunmuş Şuşa şəhərində xüsusi əməliyyat-axtarış tədbiri həyata keçirilib.

  • Şuşada xeyli sayda silah-sursat aşkarlanıb
    © Photo: ANAMA
  • Şuşada xeyli sayda silah-sursat aşkarlanıb
    © Photo: ANAMA
  • Şuşada xeyli sayda silah-sursat aşkarlanıb
    © Photo: ANAMA
  • Şuşada xeyli sayda silah-sursat aşkarlanıb
    © Photo: ANAMA
1 / 4
© Photo: ANAMA
Şuşada xeyli sayda silah-sursat aşkarlanıb

ANAMA-dan Sputnik Azərbaycan-a verilən məlumata görə, birlikdə aparılmış əməliyyat-axtarış tədbirləri zamanı 13 raket, 16 minaatan mərmisi, 15 əl qumbarası, 1 zenit top mərmisi, 48 partladıcı, 2 ədəd 9N235 bombacığı, 1 ov tüfəngi, 10 avtomat darağı, 7584 müxtəlif çaplı patron, 1 süngü, piyada əleyhinə 4 mina (OZM-160), 400 qram partlayıcı (TNT), 1 boruşəkilli partlayıcı (100 m) və 4 ədəd 9M528 raketinin paraşüt hissəsi aşkar olunub.

Sursatlar zərərsizləşdirilməsi üçün götürülərək agentliyin mərkəzi məhvetmə ərazisinə daşınıb.

4